Happy Birthday to 雯雯

今日早咗返屋企,因為Earma又返嚟,好彩我噚日有買餸,如果唔係又對佢個仔唔好咁...我比Earma早返,樺爾開會要遲d返,我就落定米洗定菜啦,噚日買的唐蒿新鮮係新鮮,但係就好似好苦咁,我加咗糖,希望可以令佢好味d啦,唔知會係點的味呢.煮到出嚟,好彩樺爾及時趕到.其實唐蒿真係唔多好食 6_@ ! 哈,但係Earma竟然大力支持,人的口味真係...我依家真係明白點解好難食的食肆都可以企得住.不過佢就再講咗句,"好田(甜)呀!苦都唔怕,健康就好吃啦!" 唉...原來係咁.
今日輪都輪到我洗碗啦,平時樺爾洗,今日佢就笑住口咁,留返個機會畀我做個"乖新抱"....鳴...媽媽~~~唔掣呀~~佢蝦我呀!


今日係雯雯生日,我就打電話同雯雯講生日快樂啦.

雯雯同我講:"我頭先過去呀"... 我: "6_? ?????哦..係呀?" (R頭,好勉強咁回應佢,佢應該係去佢嫲嫲到呱)
雯雯:我有個呢個呀~~~~ 我: "6_? 吓?????"
(雯雯同瑩瑩都係咁架,以為對住電話講嘢等如可以見到咁,鬼見到你拎緊乜咩?二家姐就解說雯雯拎住個Hello Kitty 蛋糕的透明膠圍邊)哦~,明啦.


我就問返佢,同佢話:"你有冇油顏色呀?" 雯雯又好似聽唔到咁:"....本書xxx" (佢講緊乜呀...唔通係我撞聾既?)
雯雯都冇氣同我講啦:"媽媽,我唔同丹丹姨姨講啦,我去瞓覺啦"...
雯雯都唔耐煩啦...唔想同我呢個牛頭唔答馬嘴的姨姨講嘢啦...鳴...


忽然雯雯又拎起電話,心想:"咦?唔通仲想同我講乜?"
雯雯就話:"我好掛住舅父呀...我好想同舅父仔上去上面玩呀,我好想同舅父仔落樓下玩呀"
乜嘢係上面呀?好彩二家姐又解說:"上面"就係向上面行一段路的公園.


(雯雯以為我可以遞個電話畀阿Dee,因為佢都搞唔清我同阿Dee已經唔係一齊住啦.因為成日都一齊嚮媽媽度聚會.佢咁講,我唯有將佢呢一份思念轉告阿Dee啦.之後又打電話提四家姐,又同阿Dee講返)


今日終於同Iris 傾過佢媽媽的病情,知d又唔知d,乜都幫唔到手,不過你媽媽好番d,見你心情好番d就安心啦.希望你媽媽可以早日康復啦!

忽然一週

忙忙碌碌又過一週,每星期都等待星期五來臨,想好好休息一會,但又好像從來不會停下來,有時候真的很想可以少些聚會,星期六,日還是忙著Family Day!

星期一 哈好似冇乜事想講


星期二 又詠春了
其實不知還要學多久,還可以學多久...唉,我們太懶了,和Kathy約好星期日要秘密練好呢個"上馬側掌上衝拳對西洋直拳散手對練"先!


星期三 琦琦生日會
和琦琦,阿聰,樺爾一起去了Cafe Trois"慶祝"琦琦生日,所謂慶祝還不是吃吃晚飯,送送禮就是了...其實真正目的反而是Keep in touch...或者,以前錯過了太多相聚的光陰,當然沒可能追回.
講起很多話題,就好像話誰誰生日,我知道過的其實全都記起,但是我又從來不會主動找他們,可能我是一個大懶鬼吧?
本來想叫一件生日蛋糕,可惜全都是有很多芝士的種類,Tiramisu之類的...通通都不合琦琦的口味...真係可惡...唔通普通的蛋糕就不可以在Cafe賣嗎?


星期四 Fairwell Amy
這半年多來,每當下班後,我們一有時間,我們幾個同事就會聚在一起學普通話,Amy就是我們的小老師,我本來不大懂國語拼音,現在亦學會了一點點...只可惜當我還未完全掌握,她就要走了...真的有些捨她不得,我還特地向她推介范逸臣三隻碟的歌,希望她真是會喜歡吧.還想在她Fairwell K 時和她一起唱國語歌,可惜她的新工作實在太忙,OT O 到傻,九點九才出現,十點多就走了!有前途,失時間?!可憐!

同同事Pinky撘的士返屋企諗住快d,點知遇著個唔識路又唔聽指示,又亂行既的士司機!去到I-cable附近仲同我拗係大窩口定荃灣廣場!成大個愉景新城嚮面前先收聲,叫佢去沙咀道橋左轉,又入唔到,好啦,沿青山公道,叫佢去迴旋處,佢就"踏行油"上咗屯門公路!入咗深井口先出返荃灣,因快得慢,用半個鐘先返到屋企!唉!


星期五 四家姐行街買雯雯的生日禮物-顏色+畫冊
回家途中,又想著她...為什麼常常想起四家姐呢?可能為你著急著緊吧.希望你...


星期六 雯雯生日會-原來最大唔透的係爸爸同媽媽
媽媽見到二家姐買嚟同BB玩的飛鏢就忍唔住露兩手,媽媽就好似個大細路咁,玩完又玩,大人好似玩得仲開心,一齊玩真係好開心.

去媽媽張床度翻筋斗真係要好小心,有dWing Wing地添...不過要同d bb 玩得癲先好玩架...四家姐都呆咗!
雯雯的幻想力,有時真係超乎常B,見到媽媽的床單有藍色,佢就同瑩瑩話要跳海,嘩,咁細個就咁睇唔開,玩到扮"投奔怒海"啦!不過佢哋一齊跳海的笑聲真係好聽!

雯雯同瑩瑩好似玩時裝表現咁,換咗好多衫,一時又做天使,一時又做蝴蝶,我同雯雯講,你要唔要飛呀,一邊做個超人飛的動作,佢竟然話:"係咁飛架~!"一邊慢慢做拍翼的手勢,真係優美,但我就.... 6_o! Ba gee la da~
(我自己就打緊都笑咗好耐,樺爾都唔知我做乜 G_?)

今次我同樺爾又送二家姐一家走啦,雯雯仲同我講:你嚟我屋企玩呀,我畀我d玩具同你一齊玩啦...(天真真係好可愛!氹到我鬼咁開心!)

好似冇試過咁的組合一齊食晚飯...同大家姐,阿dee,四家姐,樺爾,爸爸,媽媽一齊食,食食下飯,聽媽媽覆述,爸爸今朝叫媽媽行開d,佢要開自製"西梅香檳",一開,香檳向上噴了三尺高,冇咗半支酒,爸爸很搞笑,仲話佢的香檳好飲過我哋的果汁,我同樺爾好勇敢,試了爸爸的香檳,其實都唔太差,媽媽都話好飲添,不過到底會唔會搞肚架?豁出去吧!大家姐就唔係好敢飲,見我哋都飲,佢就試吓,佢話呢支酒叫"衰ya"唔係"choya"!

為咗證明我的NBA真係進步咗,我同阿Dee又打NBA 2005,但係......Crossover掣Set唔到...簡直廢咗我一半武功!我其實可以做到好多動作架啦!阿Dee嚟我屋企啦,我同你打PS2!


星期日 執屋+習武+剪髮+買餸+煮餸+打Blog
Kathy到我家一起練武功,有點不自然...不知你感唔感覺到?!唔...多謝你的點心早餐,我吃得很開心呢.
今日和樺爾去了Kathy介紹的一間髮廊"CoolCut"度剪髮,66元咋...我是66,見到$66...當然叮一聲走去啦.唔好擔心,我剪完都冇丁頁一聲喎.(我可是不亂講髒話的喲)

講起今朝又發夢,今次到夢到Kathy同我行行吓街遇到壞人,佢地捉住咗我同Kathy,我想爭脫就用錯咗力,師父話要"捨力",但夢裏夢外的我到依家都係太"硬",想爭脫都冇乎.

我想同今個月生日的人(Henry-08,琦琦-20,哥哥-22,Agnes-27,Berry-30,Glendy-28, 雯雯-31)講:生日快樂...希望你哋心想事成啦... 對不起,我太差勁了,沒有一一向你們祝賀...又大一歲的雯雯,希望你精乖伶俐啦.

Mabel Blog 留言一則

見到你提及我,真係好開心,好開心,想即刻回應你....我都覺得自從開Blog之後,我同你比以前講多咗好多嘢,Close咗.而且真係好似同你對話咁.見到面又好似盡在不言中....唔知你會唔會覺得,其實同你哋一齊見面,我唔係好識講嘢,但係我就可以打好多字,嚮Blog度反而多咗話題添.

我好想話你知,雖然我同你好耐冇見,但係我一d都唔覺得生疏,有時同人日日見都唔Close,同你就算成年冇見,見返面都係勁開心.如果有時間,我真係想一對一咁同你哋每一個咁傾計,只不過我太懶啦,有時間,請主動找我..謝謝.

我諗結婚當日因為所有"行程"都排得好密,我就好似一舊雲咁...真係冇時間去唔捨得.

其實我見到Kathy就嚟要嫁,我都感受到你呢種感覺....老土都想講句....我都想感受吓,不如你幫幫我丫.

追憶

今日想追寫返幾個日子,因為好想記低佢...無無聊聊又一Day,好似記吓一d事會充實d:

10月7日 約返舊同學 阿 Sam 食 Lunch,知道佢同女友計劃緊結婚,都好"鄧"佢高興.

10月8日 Group 31 & 32 BBQ,約親都冇次成,終於都可以嚮 Yi & Tiff 屋頂燒烤啦,一向唔喜歡 BBQ 的我,發覺原來嚮朋友屋企 BBQ 都唔係咁劣啫,好好氣氛架.去佢哋屋企之前仲"碌齡"添,一次過滿足兩個要求!

10月13日 約Kevin畀返結婚相畀佢...聽過佢的"解釋",我都明白就算係自己"轉呔"都好難受既...好奇怪,真係三年都冇約出嚟,但係依然仲可以好好傾.多謝你楂車送我返屋企喎,真係好爽.

10月22日 今日係哥哥生日,但係我以為次次都係得星期日得閒的哥哥,今次轉咗星期六,好屈!所以我一早就約咗 Berry 同 Kathy 嚟我屋企.唔得閒入去同哥哥慶祝生日....仲冇得見12日大的姪仔添.

今朝一早就起身執屋,落街買蛋、雞翼等等返屋企.(哈,落街仲見到住得好近的阿聰,同未來聰嫂添).
返到屋企,我掛住炒飯,點知撐d煲燶雞翼,好彩個煲燶,雞翼冇燶,至於個炒飯都算合格,(至少我認為先啦)不過如果唔係用哂d鹽,我諗會再好味d...真係難為 Berry 同 Kathy 啦,希望你哋冇被我嚇怕啦.
我仲炒緊飯,Berry 同 Kathy 就嚟到啦,仲聽到我同樺爾討論緊駛唔駛搬張地台的枱做茶几添...哈你哋咁瘦唔駛啦.
睇吓相,又講吓 Kathy 的終身大事...己經知道你會結婚好耐...但係我仲未好接受到...你走咗,邊個同我學詠春呀?!6_<~~~~~~
話時話,我都好意外你會見到隻"阿姐鼓"...樺爾仲以為遇到知音人添...講起呢隻碟,其實係佢最初識我時"借"畀我聽的,第一次聽,真係耳筒到跌咗落嚟,滴汗6_O!.可能就係咁被佢施咗咒,唉~

時間過得好快,今日搵唔到個細蛋糕同Berry慶祝生日,都冇好好同Berry講生日快樂添...慚愧!

Berry 同Kathy走咗之後,我最終都冇入屯門同哥哥祝生日...飲恨了!

The Sound of Music

講起發夢,又諗起一個月前發夢,夢見 Berry 同我去睇 Musical,可能因為佢約我去睇"The Sound of Music"啦,我就發夢同佢一齊去到一個地方...又係City U?! 六樓,有工作人員指示,叫我哋去好似酒店房間咁既休息室,唔知係唔係叫我哋換衫,要盛裝出席.我入到房,又發覺冇水喎,走出去就唔知點解,又要排隊去廁所...(又嚟?!)咁就又有工作人員指示我哋上一層去廁所.之後我哋返入去個場館,去坐山頂位,呢~就好似d貴族咁去果d高人一等的雅坐度睇戲囉...
啱啱星期五同Berry一齊去睇"The Sound of Music",當然我哋唔駛盛裝出席,又唔會有貴賓式招待啦,但係要被分流上一層去廁所又確係有喎,我哋當然係坐山頂位啦,不過就唔係果d高人一等的雅坐,但係我哋坐得好正中,睇得好清楚,Berry你個妹的朋友都揀得幾好丫.至於呢個番版"The Sound of Music",我就要做一個"國王的新衣的小孩"喇....
讚的就有人物造型好神似(除了舉辦兒童合唱圑的 Max 發脹咗之外),場景雖然簡單,亦有些華麗的燈飾作佈景,(好想知d燈飾用真火還是插電的,燭光會閃爍的,如果是真的,咁熄咗幾支爉燭要點補鍋?),佈置轉變瞬速,節奏亦算明快,只係中段加插新編的樂曲明顯是現代作品,與原曲格格不入,尾段更加草草了事,連"Climb every mountain"都唔見佢地做出呢,個 mountain 一直都係個背景,佢哋只係嚮修道院"Climb every steps...",個 Ruff 仲一吓就發現咗特普一家...節奏太快.但係之前又加插個 Max 同個未婚妻唱歌...
聽吓就知點解,因為佢哋唱歌仲好過兩個主角!有冇搞錯?!係呀,個女主角只係一首合格,"The Lonely Goatherd"佢就唱得好,難怪去無線做Show 會唱呢首, Do Re Mi 係首本名曲反而唱得唔好 6_0,其他只係屬一般,我仲好記得 Julia Andrews 去特普家時唱果首"My Favourite Things"唱得好狂好勁添,不過呢套老番就改咗歌的出場次序,無呢一段.咁都係 OK 既.冇理由唱重覆的歌丫嘛.要數最失色的就係個男主角,我哋坐得咁遠當然"鶯"有魅力的人我哋都感受唔到,靠就靠佢把聲啦,點知 d 音樂都唔算大聲,佢把聲竟然被蓋過了!唔入咪唔再講,把聲同牛沒什麼兩樣.乜魅力同牛可以扯上關係嗎?!最不堪就算是"Something Good",呢首同女主角 Maria 定情的一首作品,應該要情深款款先係嘛...."for here you are ~~ standing there loving me~~ whether or not your should~~" 應該好 Sweet 先係...唉.表演一幕唱 "Edelwiss" 係真係失聲,而唔似對祖國好有感情咁失聲,算啦,可能我要求太高啦.
轉移望吓個可愛小女孩都 OK 啦,My favorite 的"Sixteen going on Seventeen"都唔錯,雖然 Lisa 同 Ruff 就冇個涼亭,冇得嚮入面跳舞,又冇雨(嘩,有雨點做呀?),不過就用咗個長櫈代替.
Berry 的 Favourite "So long Farewell"都仲可以...講真,可能因為要搵一個能歌善舞又似原唱者的人比較難,如果唔係,Sister Margaret 的一眾修女都唱得 OK 呀...
可能因為我對呢套戲太多先入為主啦,又或者呢兩個主角真係有d不濟,又或者我都要體諒吓佢哋係現場版.無論如何,其實可以同 Berry 一齊睇呢套"The Sound of Music"真係好開心,我一向都冇乜睇呢類 Musical, 今日終於搵到一套啱睇的戲嘗試過啦.見到個舞台佈置到好似音樂盒咁,離遠睇都幾得意架...(不過唔可以影相,如果唔係,我一定會影幾張同大家分享吓,有個細路閃咗一閃影相,之後都要佢 Delete 返張相添)
最開心其實係謝幕的時候,音樂一路轉,我哋拍著手,節拍又一路轉,成個會場的人都一齊做呢個氣氛真係非常非常正,好好玩架!出到會場望吓主角個樣,影極都係側面,男女主角的長相可想而知啦.
同 Berry 一齊食Mac Donald,又一次引證每一間Mac Donald 的食物同服務係唔同既...我哋仲唔小心試咗佢的服務態度的確唔錯添...hehe...唔小心試架咋...呢頭見到有人唔小心跌咗杯脆薯皇,服務員都換過畀果個人,點知我哋又係,佢哋都係咁換!應該係佢的用個杯裝住的設計有問題啦!!
同 Berry 傾計至講起以前曾經一齊上 PHYS 堂傾計傾起"The Sound of Music",傾咗成堂...(所以Phys又點會好呢... hehe...只怪呢個老師講書 一 d 都唔好聽,連我咁留心的人都唔係好想聽佢講...又唔會走堂)...但係呢,其實 Berry 講呢件事我都遺忘咗 lu...(Berry,希望你唔好介意我記性奇差啦,我寫日記就會記得多d啦.)
之後,我哋又講起 BIO Miss Lai,成日都朱批,"See Me!!", "Explain!" 滿江紅,功課、測驗、考試乜都寫,寫到花哂,連睇返都覺得好恐怖.大家都知佢真係一個好盡責的老師,只不過當時大家都唔受佢呢套教學方式.因為就算你冇答錯答案佢都會寫好多好多字嚮你的功課同加句"See Me!"老實講,我呢生人最怕就係見老師,我實在冇法子理解佢有一次仲寫:"Good, See me!"嘩唔係呀嘛?!聽 Berry 講,呢位老師話佢都賺夠要收山啦.教學界又少一名人才添.
同 Berry 一齊行去演藝學院仲聽佢講以前返早班遇著個癲佬,真係幾驚,希望佢以後都唔會再遇到同類事情發生啦.
自從搬咗屋冇得同你嚮大坑東樓下Loop,唔知點解每一次都好唔拾得你...仲好記得有一次同你Loop的時候,幾乎嚮樓下見哂你屋企人添!傾計真係可以忘記時間架!

阿丹停驚夢

呢排成日發怪夢,試過發夢我同四家姐要去打扙,打打吓我話要返工,之後去咗個好落後的工廠,好似d塑膠廠咁的地方(梗係媽媽成日同我提起佢細個"屈針仔"的地方,加埋我的聯想力而成的地方喇),去到又話打到嚟要走難,我同四家姐就失散咗,好傷心.

另一日發呢個夢仲離譜,我同樺爾生咗兩個BB女,一個黑一個白...黑白配.真係唔知係好夢定噩夢!

今日時間多,一次過發咗好多個夢:

世界末日:見到一張報紙報導咗世界各地的災害,內容就唔多清楚,但係醒番之後就成日諗起"阿拉斯加"...應該唔會係因為成日去旺角果間夏雪日本料理成日食的"阿拉斯加卷麵餐"所至呱?!

我去到 City U 後邊近"香島中學"同"又一居"附近竟然見到多一條路通向後山,我由後山行出嚟見到媽媽嚮對面街行返大坑東方向,後面仲跟住一個菲女傭,我想追又追唔到之後,我的同事Kelvin仲同我講話我媽媽後面跟住個菲傭垂頭喪氣咁古古怪怪,之後我哋就去到一個地方要爬一個有彈性的螺旋樓梯,飛過去另一邊先可以返City U,樓梯下面係深谷.我雖然好驚但係又唔可以唔行喎,咁我就爬落去啦,爬到底飛過去真係好驚險,因為條樓梯彈彈吓要啱時間先放得手!我去到對面手軟腳軟,好彩Kelvin幫我扯我上去...(明明我過先架???奇怪)

之後返番去讀書,要去廁所搵好耐都搵唔到(呢個時候我其實應該要醒啦,因為又去到要搵廁所的橋段...嘿嘿)見到有好多人去學校診所食營養餐,個護士話要通過呢d人再去到可以"丁"飯的地方先可以搵到廁所,我行得太耐已經唔想去!嘩咁都仲未醒喎,仲唔嗱嗱淋去廁所?!

之後又再發夢,又係夢見四家姐,嘩...佢同我變咗男仔!!!...好人嚇人的一件事,前面咁驚嚇驚險都唔醒,就係呢個夢,醒啦!

第一百零一篇Blog

嘩~咁數落去唔係辦法,下一篇都係用過個好 d 的名啦.今日要分享一個故事:

從前有個人,日日都等自己老公嚟接佢,佢先收工返屋企,一齊食晚飯.一有時間就會煮吓餸,間唔中仲滾吓湯.而老公就會襯有時間就上網捉棋吓,又或者打吓機,睇吓電視等食飯.好多時,屋企冇乜好食,出吓去食吓晚飯都係常事.
點知有一日,呢個人心血來潮諗住返屋企先,煮好飯等老公返屋企畀個驚喜佢.不過今日食完晏之後個人一直都Wing Wing 地,所有的想法都冇法子實行.仲要等佢老公嚟接佢添.呢個人,平時返屋企唔係咁喜歡撘小巴,但係今日想唔撘都唔得喇,撘完之後發覺仲暈過之前,仲好似有d發冷,於是乎返到屋企就第一時間撻落床.唔...冇法子啦,本來想好的菜式都冇得煮啦.
個老公沖完涼都未見佢入去廚房煮嘢食,就好擔心話不如等佢煮公仔麵啦.之後過左半個鐘,呢個人見咁耐都未有得食就好擔心佢老公連煮公仔麵都唔記得咗點煮啦.於是乎又忍唔住爬起身睇吓佢老公搞乜鬼啦.入到去廚房,嘩~搞乜鬼飯又煲好咗,啱啱嚮度洗緊菜,奇道:乜唔係煮公仔麵咩?咁企理,仲井井有條添,比起自己仲有過之而無不及.洗菜只係欠少少速度啫.哈,咁佢就好放心返出去睇電視等食.嘿嘿...今日輪都輪到你嘆返吓啦.
過多半個鐘,有得食喇,咁值得記念的日子,當然要影吓相相啦.今日真係豐富,有節瓜唐生菜湯 with 咸蛋,碟生滾豬肉仲用咗四五葉唐生菜伴碟,都幾有心機整架!本來諗住分兩日食的肉,一次過煮埋,啱哂呢個已經好耐冇食肉的"前食肉獸"口味!加埋佢媽媽整好的酸瓜真係相當"豐富"(6_-...不過呢碟就...總是開不了口讓她知道)
言歸正傳,呢一餐真係食得百般滋味.就算飯硬咗少少,就算湯是因為加了咸蛋再加鹽而鹹了少許,仍然食得津津有味.雖然肉是不夠"淋",但又點難到"食肉獸"呢~ (G_G! : Bear~ 仲嫌三嫌四~)
呢個人想一想,完來等食的滋味係咁好既......以前嚮老家竟然當係"老奉"咁,今日爾應知!
呢個人仲貪得無厭,連碗都要佢老公洗喎,畀佢做一日皇帝真係洗死人!

第一百篇Blog

今日係一個特別的日子........四姐尋晚忽然提起今日是"三分之一年結婚週年"(6_-? 佢咁都可以講得通喎...哈哈,佢一定係好掛住我頂喇~~?連我的記念日佢都記住...),佢一提我先至醒覺原來結婚至今已經四個月了.咁啱又係我Post blog至今第一百篇 Blog 喎!寫乜好呢~~
就寫吓我哋的生活點滴啦~~
和你相處的第一天,整睌輾轉反側睡不著,熊貓酒店裡卻多了一隻熊貓.
和你相處的第六天,九州往大阪客運油輪裡,安眠藥發揮作用,有覺好瞓.
和你相處的第七天,誤會之下相機墮地,驚愕、生氣、懊惱,幸好忍到一時之氣,日本烏冬的確味美.
和你一起一個月,改變了規律,生活節奏適應不了,減肥不用節食.
和你一起二個月,對"家"的意識開始模糊,哪裡才是我的家?"家"是指我們的新居嗎?
和你一起第六十天,到你的故鄉探訪親友,人情債一大堆,蘇州話學了一點點,難忘外婆、舅舅家.
和你一起第六十六天,失魂落魄到機場,陪了夫人又折兵,當機立斷,走吧!
和你生活的第三個月,各自各精彩,我有我相約打乒乓球、詠春、唱K,你有你下棋、上網、打機.
和你生活的第一百天,我煲飯煮餸執屋,你洗碗洗衫掃地,無時間洗廁所!
和你生活的第一百二十二天,不知是第幾次失眠,要不是明天要上班,早晚和你打機到天光.

Honey Honey 孫燕姿 想聽呢首歌,按這裡再按上面Play掣 作詞/曲:林一峰

期待一個好日子工作不需要我操心
能隨便想想東西 wo oh~
喝一杯茶也可以寫一封信也可以 不做什麼也可以

忙碌中又想起你
對我的若即若離 生氣了也沒痕跡 wo oh~
忽然很想擁抱你 吻你措手不及 卻只能想想而已

HONEY HONEY 要對你說聲對不起 我總是沒時間陪你
HONEY HONEY 你是否想親親密密 還是喜歡這段距離
雖然留點空間不見面 反而能夠拉近彼此的心
當我需要擁抱的時候
我總希望你在這裡 啦......

忙碌中又想起你 對我的若即若離
生氣了也沒痕跡 wo oh~
忽然很想擁抱你 吻你措手不及 卻只能想想而已

HONEY HONEY 要對你說聲對不起 我總是沒時間陪你
HONEY HONEY 你是否想親親密密 還是喜歡這段距離
HONEY HONEY 要對你說聲對不起 我總是沒時間陪你
HONEY HONEY 你是否想親親密密 還是喜歡這段距離
雖然留點空間不見面 反而能夠拉近彼此的心
當我需要擁抱的時候 我總希望你在這裡

繼續期待好日子 繼續埋首工作裡
寄託在下個假期 wo oh~
天空總是藍藍的 心情總是快樂
知道我在你心裡 知道我在你心裡
知道我在你心裡 知道我在你心裡


第一天 孫燕姿 想聽呢首歌,按這裡再按上面Play掣

曲：First Day
詞：阿信
編：First Day/Terence Teo

下過雨的　夏天傍晚　我都會期待
唱歌的蟬　嘿　把星星都吵醒
月光曬了很涼快

就是這樣　回憶起來　第一次告白
尷尬的我　看　愛裝得很哲學的你
其實很可愛

你說活在明天　活在期待
不如活得今天很自在
我說我懂了　會不會太快
未來　第一天要展開

＊第一天　我存在　第一次呼吸暢快
　站在地上的腳踝　因為你而有真實感
　第一天　我存在　第一次能飛起來
　愛是騰空的魔幻
　第一天的純真色彩它總是
　永遠　那麼　燦爛＊

你很搞笑　你很奇怪　你頭髮很亂
有的時候　你　又突然為我的事情
變得很勇敢

這麼說來　很不單純　你陪我看海
海那麼藍　我　又好像不應該
把你想得有點壞

壞的是我　發現不知不覺
不見到你不是很習慣
你的眼神裡　好像也期待
期待　不一樣的未來

REPEAT＊

藍色的海　海上的雲　雲的那端
不轉彎　到未來

你說活在明天　活在期待
不如活得今天很自在
我說我懂了　會不會太快
未來　第一天要展開

REPEAT＊

永遠　那麼　燦爛
永遠　那麼　燦爛

P.S: 孫燕姿出咗新碟,可以一聽,不過暫時推介只有幾首,可能又要"o答"耐D先會喜歡.
喜好推介: Honey Honey, 第一天(歌詞幾搞鬼), 隱形人, 流浪地圖(呢首都"幾孫燕姿味")

Mabel 加油呀!!

知道Mabel 要考五級綱琴,我都好"鄧"佢緊張,因為畢竟係一把年紀啦,一齊同自己考同一個試的人年紀相差一大截.不過試想吓自己細個考試的時候係冇辦法扮唔緊張,個心仲成日"撲撲跳"添,但係大個咗就可以控制到緊張的情緒,所以雖然背負著"老餅"之名,心理始終都有一定壓力,但係其實都可能有好處既,或者個考官可能都畀下面,手鬆d過關呱?哈...我似乎太心存僥倖添,Mabel,靠自己的實力家嘛!希望你順順利利過關啦!

用得唔好嘥,我就Paste返Mabel 個Blog 的留言啦:
雖然唔知點考,但係我諗你定d 嚟一定可以過關既,練多d去增強信心啦.
Mabel, 等我嚟做你啦啦隊啦~~~
"惡魔惡魔努力,天使天使加油"... (出自十幾年前無線播過的"仙魔大戰"卡通片...)
Mabel 可能在滴汗 O_O!

今日又去見瑩瑩

呢排成日見到瑩瑩,皆因幫三家姐個新 set 既 Router 唔知做乜鬼上唔到網,再上去望一望,承機又有多次見吓瑩瑩的機會啦.我想樺爾去見瑩瑩仲比我興奮,佢早過平時放工,7:00咁上下嚟接我,撘地鐵再轉西鐵,去到元朗都係七點九!快!

撘緊車,瑩瑩就打電話嚟,同我哋講:"丹丹姨姨,我今日捐錢呀!",我好意外,就問"捐錢畀邊個呀",佢話:"捐錢畀D小朋友呀,佢哋冇水水飲,好慘架~~" (唔係係呀嘛,邊家自願機構咁"冇蔭功"向小朋友埋手架)

入到門,瑩瑩就第一時間攞住個unicef盒,叫我哋捐錢啦,瑩瑩今次講得冇禁有文有路,我仲同佢錄影添.

樺爾話咁快就幫三家姐 Set 返好個 Router,好啦,見你咁好,就好好報答吓你啦..嘻嘻.今晚同你一齊玩NBA啦.

其實去三家姐屋企,通常都會去埋佢朋友Edmond屋企,佢的朋友煮嘢食,好過出去食.我哋成日都佢嘆佢的手勢.點知今日Edmond 切親手,煮得比平時慢少少,阿加斯都有嚟,仲整咗佢最嗱手的"三色蒸水蛋"添,不過同三家姐掛住玩PSP Golf 對戰,唔記得較時間掣Alarm,搞到唔知蒸咗幾耐,失咗少少手添.不過食落都好味美.

今日有泰式冬蔭功"聖旨"(點寫架) 6_o?? 有香葱大蝦,齋牛肉(好好味),魚啦,仲有青紅蘿蔔湯等等.
瑩瑩就同阿加斯鬥快食,成日講,"我快過你呀"
食完飯就成日扮個PSP Golf 叫人快d 的說話,叫樺爾"Hurry up",但係又唔叫樺爾喎.
之後我同佢玩"小明",同佢猜拳,佢好似明明地點樣玩"包剪搥",我教佢"包住你個搥","搥爛你個剪","剪爛你個包",佢都知道點叫做贏點叫做輸,但係佢就冇意識到呢個循環關係,我同佢話"包住你個搥",佢只係識做出嚟,其實對於個三歲的小朋友都算好叻叻架嘞.
玩玩吓瑩瑩又攞樺爾個背囊玩,仲Fing嚟Fing去,我拍Video畀佢睇,佢笑到收唔到聲,好High,之後又扮佢本書入面的 rabbit 捧腹大笑,後尾阿土打佢Pat pat 話佢唔乖,佢就抱著樺爾的大腿,就話"我要 O 住你",哈~呢個講法都幾新鮮! Edmond 叔叔成晚掛住煮嘢食,見到瑩瑩成日黏住樺爾丈丈,就呷醋喇.我叫瑩瑩快 d 去氹返Edmond 啦...6_- 其實我都呷醋架喎...咁邊個走嚟氹返我呀?
時候都唔早唯有走人講Bye bye,瑩瑩一邊話唔捨得我哋,但係又一邊攞我哋的袋畀返我哋.
今日見到的瑩瑩真係好可愛,佢會講d好得人鍾意的說話,好似"我好鍾意你同我一齊xxx","我開定門等阿加斯你架",佢見到Edmond 叫的Technician 入屋幫佢整機,見果個人走,仲話"我肯同佢講bye bye!"
聽到都開心,如果佢唔係聽日要學英文,我留嚮三家姐屋企打地舖再陪佢玩多日都願呀.

今日放假探姪仔

本來都想打吓我今日一齊去探吓姪仔的事,但係又忍唔住入咗佢哋的Blog,見到阿Dee同四家姐都寫咗好多關於姪仔的事,我想都冇必要多提啦,不過我今日就充當個實地記者,目的就係去拍吓Video 同影吓相,得到既第一手資料,冇理由嘥咗佢架,咁就係咁易Post吓相啦.睇吓佢個樣,嫲嫲就話佢個樣似君君,我當時淨係掛住影,好隨意咁答嫲嫲.佢媽媽蘊德就話佢有"酒凹"不過就唔同佢的阿dee叔叔的dimple.三家姐就話BB的頭髮真係多.

第二幅相就係大家姐君君幫佢的爸爸媽媽同呀妹影既相,幾叻,君君大個女啦!
我哋一行十幾人來來回回幾次出出入入個ward,連蘊德都出入個Ward添...喂,聽講做完手術生完都係唔好咁快行喎...唔通我哋的大家姐真係咁好手勢?!第二日就行得,勁!
今日二家姐又冇嚟,所以好乖的雯雯都冇得見添,其他的 BB 就唔係好乖,皆因個大姐姐君君帶埋兩個細的(羨寧同瑩瑩)一齊玩,追追逐逐,叫極都係停一陣再玩過.咁我又影呀影呀,影吓又畀吓佢哋睇,羨寧見到君君同瑩瑩霸咗個有利位置睇相,就插住袋,一副漫不經心,冇心所謂咁走咗去,其實佢成日都係咁禮讓的.
探病時間得一個鐘,我哋咁多人,每人都係睇咗蘊德同個BB一陣,不過,我出出入入的次數就最多,因為我成日嚮到影相.D姑娘原來唔係叫人去架,佢哋會用個"叮叮"叮走我哋架,唔通見到克勤叮人叮得咁過癮佢哋又係咁,可能呢個叮叮係最唔會騷擾到 d BB 呱?講起呢樣嘢,瑩瑩就用一隻手扮個叮叮,另一隻手就扮拍個"叮叮"同我哋講"佢哋係咁叮叮叮叮叮"呀...
臨走喇,蓋蓋丈丈就對君君講:"你做大家姐啦,之後要好做個好榜樣啦",君君就無啦啦一時感觸喊咗出嚟,嘩,原來咁細個都明白好多嘢架啦,唔通佢真係嚮到感懷身世,以後又多一個人同佢爭寵啦.

我都未知姪仔叫乜名,尋日同樺爾講起話姪仔係"齊"輩,要用有關個"齊"字的名.
諗又諗唔到,忽然又想起哥哥話要改個多個三個字的名,四、五個字的名,最好就有別名,咁我就諗吓...哥哥以前好鍾意的"方天畫戟"唔知可唔可以做名呢...又想吓"方失失奇兵"都唔錯喎,唔或者"方圓五百里"呀...(今日同三家姐講,三家姐都諗到呢個喎!)...改D咁既名都真係"方天下之大謬"!

去完探BB就跟咗去睇三家姐的新玩意.個wireless router就好快搞掂,但係個so call 的wireless webcam monitoring system 就真係搞到一頭霧水,Hareware 話咁快駁好,咁啱四家姐就打電話嚟話去唱K,我仲叫佢哋要間大d的房等我哋添.點知要將個Cam capture的影像放上網就整極都唔得.打咗電話問個sales,個sales仲老點你,叫你set個錯port,跟instruction玩咗一輪都冇起色,唯有唔跟佢,我哋有我哋試,於是乎就用我哋想當然的方法再試,過咗一陣,樺爾就figure out 到咩問題,原來要用返Port 80,嘿...咁寫乜鬼叫人開Port 6000, 同9001呀!再試一陣,又發現好似只係within same network 先得.點搞架...唯有出動 Edmond 的手提上另一個 Wireless network 再試吓睇唔睇到,點知佢平時可以嚮三家姐屋企度上返自己Network,今日又唔多work,唯有走去 Edmond 屋企又玩吓佢的Mac 機(仲有iPod Nano,仲有 PSP添),一試就見到個Web上高的IP Address 竟然同樺爾set的唔同,唔怪之得個DNS map 唔到 IP...哦明啦...咁所有都通啦!
其實我就覺得三家姐安裝呢d嘢都冇用,如果你請到個唔好的女傭,有冇都係一樣...最差的一樣嘢係,話就話唔駛駁電腦,但係個Wireless 其實都要駁住一對Power Network Port socket,都係要lung 個 socket,咪又有電線!...wire乜鬼less啫.
今日見到瑩瑩好用心咁"油顏色",三家姐又畫老鼠,又畫青蛙,又畫蛋蛋畀佢油,佢油油吓就楂住同我哋講佢油d乜,之後我又同佢一齊油,佢見我三兩吓就油完,就命令我話,"你唔好油咁快啦~"之後佢又油樺爾畫的小公雞,佢本來都油得好好地,點知油油吓過咗火,用咗黑色嚟油,變咗冇頭雞!佢仲笑喎!
搞個Wireless cam 到嚟,都食得晚飯,瑩瑩就話要"油顏色",點都唔肯一齊出去食,冇計啦,都唔知係唔係個咀妙妙的"印印"教佢咁講.食到咁上吓,瑩瑩打電話同佢媽媽話佢發夢呀,夢到"油顏色",油緊啡色喎...(唔通係... s...)發夢都掛住油,真係油上腦囉!

登登登...登!

登登登...登!我哋方家第一個男孫終於嚮今日1:43分出世啦,重七磅.作為第三任的姑姐,好"鄧"佢高興,因為母子平安,實乃萬福,祖先庇佑,健健康康,白白淨淨!聽日要去探吓阿嫂同BB先...嘻嘻!恭喜哥哥,Wa giai le hwang he (我同你歡喜)~
希望佢好似哥哥咁聰明,活潑可愛啦.真係要睇吓似唔似哥哥細個先.

註:左圖並不是哥哥的小寶貝,呢塊係餅乾喎,你敢唔敢食?!

我和他的小王子前傳

見到朋友對我上次 post 的小王子,有咁多回響,我都幾意外,不過,真係好多謝你咁關心我.不過呢其實我只係想斷章取義咁用小王子來說明一些我和他的關係,可是我本打算寫的一些說話還未寫進去,就被一個電話打斷了,要我再寫多d,都好似被我愈描愈黑咁,所以我都係寫"我和他的小王子前傳"好d.
(個電話邊個打嚟?咪就係我四家姐問:"你幾時返嚟見爸爸媽媽同d bb 呀?"哈...於是乎,我又急急腳咁返屋企啦...至於所post的說話就只係post咗一半)至於曲解咗半...又委屈咗另一半,都真係十分十分萬分之唔好意思,老公...其實結咗婚之後,你對我比以前更加好,一齊生活真係好~~~~~~~開心,(咳咳,為咗唔想氣溫驟降,一 d 太露骨的說話都被刪減了...)只不過我成日都唔會嚮朋友同家人面前表露出嚟.甚至我的朋友都會叫我"喂,你都係小鳥d啦..."可能在其他人的面前,我都要調整一吓我對樺爾的能(->態)度吧.

其實無啦啦寫 d 咁既嘢都係因為呢幾日見到幾個人...(係邊幾個就自己知啦:p)同時都講緊一個話題:"怎樣分辨是愛不是愛",還有"兩個人應該怎樣相處".當然我在這方面的經驗不怎樣比他們多,但我可是感受良多...哈,皆因人人愛我,我愛人人...老土!)我只是從我主觀的思想,認為我所發的謬論可以和某某有些交流.
要講我和他的小王子的前傳,當然要數一數我和他相識的經過...(又唔係d乜名人,寫出嚟都冇乜人會想睇啦,所以都係唔寫喇.....喂喂,咁乜都唔駛寫啦.)

就像千千萬萬的人曾經說過,愛不可以量度,不可以用理性分析,沒有標準,亦有人會說會為愛,所以愛...
都冇解既?那麼你是因何生愛?太老生常談了吧.
我想,就是因為人與人之間的關係有著太多不同的變數.當你在周遭遇到大大小小種種不同情況的事情,你的感覺(feeling)就一直對你所面對過的人作出的裁判,判斷在你其中牽涉的人物對你當中的事有不著不同的影響,而影響到你對當事人或其他人產生一種莫名其妙的正面或負面的感受,又或者令你對他/她有深刻的印象.
而最基本的情感反應就只有三個:喜、惡或無感覺.
噢!或許是扯得太遠了,我是想介定什麼是"感覺".
就像所有在你身邊擦身而過的人,這一刻你和他/她壓根兒並沒有任何交雜,但又可能下一秒你可能因為他/她所做的或所表現的事而產生一種感覺或深刻印象,而當這樣的感覺在不同的事件中,得到你正面肯定,這就可能構成所謂的"好感".
相信若你遇到一個令你"刮目相看"的人,你或者會對他/她多加留意,當然,這刮目相看亦可能是另一方面先"發動".到你開始認識到他/她對於你會有著何種的影響,而你亦不自覺地比對其他人在意他的一舉一動.對了,就是那一點點的特殊感覺令你對那個他/她產生了不由自主的喜歡,或不喜歡.當這反應在你沒發用情緒可以控制得住時,你大慨有理由去說服自己,這叫做愛吧.
就因為那種"不知不覺的莫名其妙"的感覺是非理性的,所以才哪樣令人摸不著頭腦.亦因此愛與不愛是不可以分析.你可能分析到什麼是惡習,什麼是臭脾氣,他/她與你的性格有多不一樣,有多麼相似,但就沒有人可以肯定地分析到性格對你來說是好是壞,那正是所謂的"人夾人".甚麼"一凹一凸",甚麼"惺惺相惜",甚麼"臭味相投"也還不是給一個藉口去解說一下相方是怎樣的性格.因性格不合而分開的人大有人在,但亦有很多人可以互相遷就,白頭偕老.我想,當你有愛,就算是惡習亦可以包容.反之,就是小小問題亦速成大禍.但這亦是相方向的.想得完美些,可能另一方會因為你,而改變吧.當然那通常是個奢望.
這是一個很長的引子,但我卻花光了大部份的篇幅和寫 blog 的時間,也是時候去點點題.看過"小王子"的內容,有很多不同的想法留在我腦海裏.就像當日樺爾向我表白的時候用了它的"馴養",哈,好在我當時沒有理解到文中"所有的雞都是一樣的，所有的人也是一樣"的道理喲...
說實的,我的理解能力向來也不好,直到我看到"假如你馴養我，我們就彼此互相需要。你對於我將是世界上唯一的，我對於你也將是世界上唯一的",我開始懂了.
"你先坐得離我遠一點，像這樣，坐在草地上。我就拿眼角看你，你不要說話。語言是誤會的泉源。但是，每天你可以坐近我一點" ... 關係建立
"我的生活將如充滿了陽光般。我將認識一種腳步聲它將與其他所有的腳步聲不同。其他的腳步聲使我更深地躲進洞裡，你的腳步聲像音樂一樣把我從洞裡叫出來。" ... 互相肯定
"那些金色的黃小麥，將使我想起你" ... 睹物思人
"狐狸對他說：「最好請你同一時間來。比方說，假如你下午四點鐘來，從三點鐘開始我覺得幸福。時間愈接近，我愈覺得幸福。四點鐘一到，我早已坐立不安！" ... 等待的思念
我就在同一篇文章中的字裏行間了解到"幸福".(剛寫到這裏,有人就為我奉上一個切好的蘋果...嘻嘻...)
就這樣我成為了他的玖瑰花.而他亦同時為玖瑰花的戲言而努力.6_^

我想,若你己找到一個你認為值得馴養的人,就像很多人也說過類似的說話:"若果你不嘗試,你永遠不明所以,只有徒費青春."

喂喂,轉歌啦

刑偵1做完啦,仲係播緊古巨基的果首<<感情真相>>的阿Dee要收山啦,轉歌啦!

追刑偵1,其實有幾個原因:
1. 因為自己以前冇好好睇過,果陣知道有得做,但係爸爸媽媽又唔畀睇...
2. 我喜歡看偵探片,只要唔係變相的兇殘片,合唔合理都照殺
3. 因為古巨基唱的歌好好聽,片入面有幾個位都會加入佢第一,二隻碟的歌:
義仔的感情戲會有<<因為一朵花而放棄一個花園>>,<<浪漫烈火>>,
張大勇同郭可盈就會有<<對你始終痴心一往>>.
昨晚看的一集,張大勇追緊個貨車司機,個貨車司機就聽緊首<<藍天與白雲>>,所以聽唔到張大勇叫佢停車咁喇.
首主題<<感情真相>>,插曲<<對你始終痴心一往>>,沒看過這劇集已經愛瘋了,百聽不厭.

為咗追刑偵1,我幾乎每晚都捱到1:20先瞓,10/5 1:20 am 終於做完大結局.本來想唔再追看,好好瞓返覺,但是...見到刑偵2個版頭,除咗有比第一輯成個飽樣靚很多的郭可盈之外,仲有郭藹明,客串的鄭秀文都有大頭相喎!都係睇多幾集先啦...因為好似第二輯都幾好睇,第三輯就點都唔追啦.

Ready to explode!

你試過有這樣的事情發生在你身上嗎?
1. 當你和另一人同行,忽然間大家同時想起相同的事物,甚至又同時哼著一樣的歌,同一句.
2. 當你聽到某句話,你和另一人會同一時間聯想起同一樣無甚關連的事或物.
3. 你剛回到家,你發覺家裏另一個人與你同時間哼著一樣的舊歌,甚至是同一段落.

我就試過 1. 一次, 2. N 次, 3. 幾次...不足為奇是吧?而當你每次也遇到類似的事件,同時又發生在你和那幾個人身上,你會有怎樣的反應?不是什麼大不了,是嗎?不過,即使你和他/他們已經有過多少次的經驗,這些事情依然會對你有一定程度的震撼.

今天在他的 Blog 中,又發現他也在說"ready to explode !"
而同時間,我就上網找了好一陣子這首歌名和歌詞.呢首歌好像是出自 NBA Live 2003...還是 2004 ?我還未來得及弄清楚,就在我想起這歌詞,剛想起這首歌說道:"I'm so fool, ready to explode, make a whole world, nobody guard like me~~"之類的說話...
看一看他Blog 所 post 的時間才鬆口氣...原來是他昨天的Post!當真是巧合嗎?

其實,每當我和他出現這詫異的情況時,當然會不若而同地愕然,卻也不會太驚訝.因為大家也不想認為那樣是"好邪",每每以理性的分析那"巧合".

Case a:
就像有一次,我剛洗澡完畢,一邊哼著歌一邊步出浴室門口,沒想到在房間裏的他同時間也在哼著同一首歌!但他卻說沒有聽到我在浴室哼的歌.當然,我拒絕相信他和我同時亦有著那沒有意識的感通,他或多或少也聽到一些吧.
人物:我,阿Dee
Case b:
另一次,我就在回家的途中,已在想著某一首歌... (嘻嘻,是不是發覺我無時無刻也在想著歌呢...?我就好像是一個生活在音樂裏但又不懂彈奏音樂的人)我不奇然地又吹著我已荒廢了大半的口哨走回家,正想著聲音不夠響亮,亦帶一些沙啞....剛回到家一聽,怎麼,你又在用口哨吹起同一曲子來?不是吧?!或者,我的聲音雖不大響亮,亦可從地面傳上十一層樓上去吧.然而,他房的窗戶並不是對著行人的大街.
人物:我,阿Dee
Case c:
當你聽到"今日食炒麵",為什麼會同時想起"炒麵三文治飽"?!這只不過是我們小時候同看"娛樂金魚眼"所至吧?
人物:我,四家姐
Case d:
這些都不奇,要數最奇的一次,應該算是他送我回家的那一次,我們如常地經過相同的街道,相同的天橋,已經是再公式化不過,沒有什麼風景,也沒有什麼特別的行人.忽然間,我和他也想起"是細沙海裏浪花,寧靜通知已到了炎夏....",是張學友的一首舊歌,怎麼他也會想起?還是同一時間,同一句!對!是當時的一些雨聲吧,我們就把歌中的海浪聲當作細雨聲,是聲音的觸發,可以說得通嗎?
人物:我,樺爾

該怎樣說呢?我不斷在思索可以形容的詞句,是心靈相通嗎?是心有靈犀嗎?都不是.
在我腦海裏只可以閃過這幾個 Terms:
用電腦的述語說這是trigger :引發/觸發,
用我僅存的物理講法,這是 induce :感應/感生,
用我已忘記得七七八八的中文來說,這叫感通.

其實今次的震撼相比以往任何一次的震撼還要小,原因很簡單,因為要解釋這種情況是最容易不過了,那就是....
是....
是....
我和你都打 NBA Live 囉!
想起我陪阿 Dee 你打NBA 已經快十個寒暑了! 今年卻已經分開了...可能因為這樣,始終都對呢首歌念念不忘所以先會時不時想起呢首歌呱?

思憶季節 - 張學友 想聽呢首歌,按這裡再按上面Play掣

曲：BEGIN
詞：陳少琪
編：趙增熹

是細沙　海裏浪花
寧靜通知已到了炎夏
再記起　天空這微風
亦層伴你夕陽下

在晚秋　一切像空
紅葉飄飄故意再撩動
我腦海的瑣碎回憶是場逝去舊年夢

在冷冬　吹過烈風
呆望窗中世界似停頓
再記起一生旅途中
自離別你便無夢

這晚上　悄靜星空中某一角落
你已睡　或還是同樣在掛念從前
青匆的歲月　最愉快的詩篇

思憶季節由你告別了開始
點點寂寞纏繞在光陰裏不經意
思憶季節由那天沒法終止
星空洒落是段段前塵事

有冇邊個儲緊啦?

今日見到蘋果日報先記起上次去7-11買嘢唔記得要買夠廿蚊...我諗一定有唔少人又狂儲Disney系列啦.其實之前見到都有 d 心郁郁想儲吓...不過呢,就係知道自己唔會為咗儲齊就係咁買,所以,如果有人話我知要我幫吓手,我都會盡吓人士咁架.我自己呢...就都係算把啦.

系 列 人 物
a. 彼 思 主 角
小 衝 、 小 麗 、 巴 斯 光 年 、 胡 迪 、 毛 毛 、 超 能 先 生 、 超 勁 先 生 、 彈 弓 女 俠 、 大 眼 仔 、 積 仔
b. 公 主
奧 羅 拉 、 貝 兒 、 艾 莉 奧 、 仙 蒂 、 茉 莉 、 白 雪 公 主
c. 7 個 小 矮 人
開 心 、 糊 塗 、 怕 醜 、 博 士 、 生 氣 、 乞 嗤 、 渴 睡
d. 經 典
小 飛 俠 、 大 寶 、 瑪 麗 亞 、 小 叮 噹
e. 小 熊 維 尼 及 朋 友
跳 跳 虎 、 伊 唷 、 小 熊 維 尼 、 豬 仔
f. 動 畫
辛 巴 、 彭 彭 、 妮 露 、 史 迪 仔 、 丁 滿
g. 6 大 主 角
唐 老 鴨 、 黛 絲 、 米 奇 、 米 妮 、 高 飛 、 布 魯 托

聽番好多好歌

公司的 mp3 server down 咗,渴歌,唯有聽自己珍藏,聽番好多好歌.
原來王菲的"色盲"都幾好聽丫,只不過以前比較喜歡小品"等等"同"打錯了".上次同阿dee唱K,講起<<十二夜>>的"黑夜不再來",我都好鍾意呢首,咁啱又聽番,咁啱阿dee又上咗網,就send咗畀佢喇.

色盲 - 王菲 想聽呢首歌,按這裡再按上面Play掣

黑夜不再來 - 陳奕迅 想聽呢首歌,按這裡再按上面Play掣

小王子

打掃好像成了我每星期天要完成的任務,如果沒有外出的理由,這個時候通常就只有我一個在家.
的確,此時此時,我是有很多的事情可以做,我可以上網看新聞,看看敏敏,四家姐的 Blog,找一找打算買的東西,聽聽歌,打打機,看看電視,再無聊些,大可以繼續睡覺,因為沒有人會干涉我.
我有很多事情未辦,我想看看書,我想 backup 我的 harddisk, 我想見一見我的家人,我的朋友...一直也沒有進修,我也很想再努力點看看新的技術.
可是每個星期也只有在等待你回來的時間,盡量花在一些瑣碎的事情中,至於很花時間的事就擱置一旁.

今天無意中翻看了昨天的 6.4G harddisk Backup,回憶也好像返回到七年前,收到你Email的感覺.原來不同時間看這文章,會有不同的理解.如果你不明白,你可以返回看看你很喜歡的<小王子>21章...

-- 小王子 第二十一章 --

就在那個時候出現了一隻狐狸。
「你好！」狐狸說。
「你好！」小王子很有禮貌地回答。他回過頭來，但什麼也沒有看到。
「我在這裡。」那聲音說：「在蘋果樹底下。」
「你是誰啊？」小王子問：「你很好看......」
「我是狐狸。」狐狸說。
「來跟我玩吧！」小王子向他建議道：「我很悲傷。」
狐狸說：「我不能跟你玩，我還沒被馴養。」
「啊，對不起！」小王子說。
但想了一會兒後，他接下去說：
「什麼叫『馴養』？」
狐狸說：「你不是這裡的人。你在找什麼？」
「我在找人。」小王子說：「什麼叫『馴養』？」
狐狸說：「那些人嗎，他們有槍，他們打獵，這很討厭。但他們也養雞，這是
他們唯一的好處。你在找雞嗎？」
小王子說：「不，我在找朋友。什麼叫『馴養』？」
「這是很被遺忘的事。」狐狸說：「馴養就是『建立關係.....』」
「建立關係？」
狐狸說：「不錯。對我來說，你只不過是個小孩，跟其他成千成萬的小孩沒有
分別，我不需要你，你也一樣不需要我。我對於你也只不過是一隻狐狸，跟成千成
萬其他的狐狸一模一樣。但是，假如你馴養我，我們就彼此互相需要。你對於我將
是世界上唯一的，我對於你也將是世界上唯一的......」
「我開始懂了。」小王子說：「有一朵花......我相信她馴養了我......」
狐狸說：「這是可能的。在地球上我們看到各種各樣的東西......」
「哦！她不在地球上。」小王子說。
狐狸顯得異常疑惑，問道：
「在另外一顆星球上面？」
「沒有。」
「再好不過了！」狐狸嘆道。
但是狐狸又回到原來的話題：
「我的生活很單調。我獵取雞，獵人獵取我。所有的雞都是一樣的，所有的人
也是一樣。於是我感到有些不耐煩。但是，假如你馴養我，我的生活將如充滿了陽
光般。我將認識一種腳步聲，它將與其他所有的腳步聲不同。其他的腳步聲使我更
深地躲進洞裡，你的腳步聲像音樂一樣把我從洞裡叫出來。再說，看吧，你看見那
邊的麥田嗎？我並不吃麵包，麥子對我一樣也沒有用處。那些麥田並不會使我想起
什麼。這倒有點傷心。但是你有金色的頭髮。於是當你馴養了我，這將是很好的一
件事！那些金色的黃小麥，將使我想起你。而我將喜歡聽吹過麥田的風聲......」
狐狸不說話了，牠看了小王子很久，說：
「請你馴養我吧！」
「我很願意。」小王子回答說：「但是我的時間不太多，我要找朋友，我有很
多的事要認識。」
「一個人只要認識他馴養的東西就好。」狐狸說：「很多人不再有時間去認識
東西。他們在商人那裡買現成的東西，但是因為商人並不賣朋友，所以很多人沒有
朋友。假如你想得到一位朋友，那麼就馴養我吧！」
「我該怎麼做？」小王子問。
狐狸回答說：「你該很有耐心。你先坐得離我遠一點，像這樣，坐在草地上。
我就拿眼角看你，你不要說話。語言是誤會的泉源。但是，每天你可以坐近我一點
......」

第二天小王子又來了。
狐狸對他說：「最好請你同一時間來。比方說，假如你下午四點鐘來，從三點
鐘開始我覺得幸福。時間愈接近，我愈覺得幸福。四點鐘一到，我早已坐立不安！
我將發覺幸福的代價！但是如果你不管什麼時候來，我將不曉得什麼時候做心理準
備......我們應該有節日。」
「什麼節日？」小王子問。
狐狸說：「但也是一件被人忘得一乾二淨的事。這就是說有個日子跟其他的日
子不同，有個小時跟其他的鐘點不同。比方說，我的獵人們有個節日。每個禮拜四
他們和村裡的姑娘們去跳舞。於是禮拜四是個佳節！我可以一直散步道葡萄園去。
假如獵人們不管什麼時候都跳舞，所有的日子將是一樣，而我也將沒有假期了。」
就這樣小王子馴養了那隻狐狸。當分離的時刻接近時：
「啊！我想哭。」狐狸說。
「這是你的錯。」小王子說：「我並不希望你難過，是你要我馴養你的。」
「不錯。」狐狸。
「但是你想哭。」小王子說。
「不錯。」狐狸說。
「這樣說來，你一點好處也沒有得到！」
「我得到了。」狐狸說：「因為那些小麥的顏色。」
然後牠加上去說：
「你再去看看那些玫瑰花。你將知道你的玫瑰花是世界上唯一的。你再回來向
我道別，我將告訴你一個祕密，作為臨別贈言。」
小王子跑去看些玫瑰花。
他對她們說：「妳們一點也不像我那朵玫瑰花，妳們什麼也不是。沒有人馴養
妳們而妳們也沒有馴養過任何人。妳們就像以前我那隻狐狸，當時牠只不過像其他
成千成萬的狐狸一樣。但是我們成了朋友，現在牠對於我是世界唯一的了。」
那些玫瑰花很難過。
他又對她們說：「妳們都很美麗，但是妳們都很空虛，沒有人會為妳們死。當
然了，我的玫瑰花，一位平常的路人會相信她跟妳們一模一樣。但是她一朵花比妳
們全部對我重要。因為我澆的是她；因為把她放在玻璃罩下的是我；因為我給她一
個屏風擋風；因為我為了她殺死許多蛹（只剩下兩三隻留作蝴蝶）；因為我聽過她
抱怨，我聽過她吹牛；甚至於有些時候，我看她默不作聲；因為她是我的玫瑰花。
」
於是他又重新回到狐狸那裡。
「再見！」他說。
「再見！」狐狸說：「這就是我的祕密。它很簡單：只有用心靈，一個人才能
看得很清楚。真正的東西不是用眼睛可以看得到的。」
「真正的東西不適用眼睛可以看得到的。」
小王子重複的說，以便牢牢記在心裡。
「你為你的玫瑰花所花費的時間使你的玫瑰花變得那麼重要。」
「我為我的玫瑰花所花費的時間...... 」小王子重覆的說， 以便牢牢記在心
裡。
狐狸說：「一般人忘記了這個真理。但是你不應該把它忘掉。你永久對你所馴
養的負責，你對你的玫瑰花有責任......」
「我對我的玫瑰花有責任......」小王子重複地說，以便牢牢記在心裡。
-- end --

然而,是你馴養了我,或是我馴養了你,已經沒關係了.因為現在只有我為我的玫瑰花所花費的時間,而你對你的玫瑰花有責任就是了.