喂喂,轉歌啦

刑偵1做完啦,仲係播緊古巨基的果首<<感情真相>>的阿Dee要收山啦,轉歌啦!

追刑偵1,其實有幾個原因:
1. 因為自己以前冇好好睇過,果陣知道有得做,但係爸爸媽媽又唔畀睇...
2. 我喜歡看偵探片,只要唔係變相的兇殘片,合唔合理都照殺
3. 因為古巨基唱的歌好好聽,片入面有幾個位都會加入佢第一,二隻碟的歌:
義仔的感情戲會有<<因為一朵花而放棄一個花園>>,<<浪漫烈火>>,
張大勇同郭可盈就會有<<對你始終痴心一往>>.
昨晚看的一集,張大勇追緊個貨車司機,個貨車司機就聽緊首<<藍天與白雲>>,所以聽唔到張大勇叫佢停車咁喇.
首主題<<感情真相>>,插曲<<對你始終痴心一往>>,沒看過這劇集已經愛瘋了,百聽不厭.

為咗追刑偵1,我幾乎每晚都捱到1:20先瞓,10/5 1:20 am 終於做完大結局.本來想唔再追看,好好瞓返覺,但是...見到刑偵2個版頭,除咗有比第一輯成個飽樣靚很多的郭可盈之外,仲有郭藹明,客串的鄭秀文都有大頭相喎!都係睇多幾集先啦...因為好似第二輯都幾好睇,第三輯就點都唔追啦.