OH Kennis ...

Kennis 今日生日啦,但係我好夜先返屋企...應該唔可以打電話搵你啦...所以好懶惰,就響呢度同你講聲生日快樂啦....生日快樂呀,希望你心想事成,工作愉快,祝你早日搵份好工同好公啦!
好掛住你呀...就好似見到大口仔就會想起你,見到 Winnie The Pooh 就會想起你以前買咗個好大的生果籃載住一大埋生果同好多小禮物,仲寫咗好多好可愛的字句,膠布,膠水,Memo 紙,記事簿仔到依家都仲未用完.(老實講係我咁大個女以來收得最多禮物既都係果一年喇)...我就冇你咁有心思,仲成日冇搵你添.
送你一首歌呀...唔知點解,諗起呢首成日都要將個名改成你個名...調返轉想起呢首歌就想起你.
呢首舊歌都幾老土...

OH Kennis ...!

OH CANDICE - 李克勤 想聽呢首歌,按這裡再按上面Play掣

曲:劉志遠 詞:劉志遠 編:劉志遠

Oh Candice 我想擁抱你
願永遠能與你一起
Oh Candice 有朝娶到你
我永遠永遠愛你愛你

* 若有天 天地粉碎
讓我抱你看這末世多美
若有天 一睡不起
求讓我 變空氣 養活你 *

Oh Candice 我不敢約你
怕我會例遲惹你生氣
Oh Candice 始終偷看你
我永遠永遠愛你愛你
Repeat *
Woo... 寧願我 去犧牲 也為你

今日煮好多餸

尋晚睇完<<鋼>>,點解冇預告片既?!唔通又係無線最興果招~~暫告一段落?!唔係呀嘛...
之後睇<<魔剎>>又睇到好夜.晚晚唔係<<尋秦記>>就係呢套,搞到星期日先有一日早d瞓,但又唔死去瞓仲去上網打Blog!
樺爾又去打籃球,(叫住佢尋日先游完水,今日就唔好去打Ball,佢都照去...冇法啦...人係佢約既,唔通叫佢甩底咩.)我今朝起完身,刷完牙,冇食早餐又瞓過,直頭大昏迷咁,瞓到1:xxp.m.樺爾打完 Ball call 我先有知覺.
出到去又同佢去濠江茶餐廳食晏...6_- 好彩每次都同樺爾一齊去買餸,如果唔係就拎死我都似.為咗慰勞佢,同埋方便我自己,今日就煮多D飯餸,聽日帶飯,今日就好餸d 啦.

今日真係煮好多餸,有番茄著仔湯,黑椒牛扒,肉絲炒絲瓜,清炒紹菜,仲有煎蛋添,係唔係好豐富呢.算係好過三餸飯少少咁啦.個樣同味道都見得吓人架.

G_& : Er... 6_< : 填飽你個肚咪算好囉...咁多聲就唔煮你食,冇得你食.
G_<~ : 嗚~~~ 6_< : 罰你打自己 Pat Pat, Mug 耳仔!大聲話唔敢!
G_<~ : 嗚~~~ 6_< : 唔准喊,閂水喉!
G_<~ : 哦~~~

以上內容純屬設計對話,如有類同,實屬抄襲.

其實我都影咗相架,有機會就要 Post 吓啦.

食完飯,見到電視兩台鬥法,無線金曲夜對亞視張偉文,我對肥佬唱歌就冇乜興趣,但係就撥個輪同媽媽講,媽媽其實已經睇緊.我諗四家姐就未返,呀Dee應該閂埋門閉關打NBA呱...有冇估錯到?!當然主打都係你個死鬼report 啦.
我自己仲睇咗一陣,嘩,只係知果個唱<<換到千般恨>>的柳影紅好似冇以前唱得咁肉緊喎,算有d進步囉!
都係頂唔順,同樺爾打返個 PS2 版的 NBA 2003 先!冇打一排,又輸過...唉,其實都係好似贏過兩次咁大把,可能成日都畀我破壞啦,我一失暈,一個上落就冇咗十幾分,個電腦又好鬼屈.唔多公平...樺爾又為咗增加難度,唔肯調較吓去令我哋的內線合理d,唔駛成日畀電腦著數哂.唉...幾次都追到得兩分距離,都係輸.冇計!
玩到冇癮,樺爾又提議我玩吓佢個電腦入面 d Games,都係上次佢個上海朋友好"帶歇",佢呢排就日日用個模擬器玩 d 懷舊世嘉 Game,仲叫我玩泡泡龍.我就係天生打機白痴生手怪,要上手就要打好耐都係成日亂打的果隻人...樺爾就指手畫腳咁同我講應該點樣點樣,我對唔正,射唔準,佢就好無奈咁講"都話唔係咁!!"見到我又錯咗,佢又"呀...唉..."咁樣,雙手攤出嚟...就話"都係等我示範吓啦!" 我唔係唔知要射邊度,但係對唔準就"噤"錯掣發射咗個泡泡喇,樺爾畀我激到有氣冇"訂"抖,我都冇佢咁好氣,去打Blog lu~~

同四家姐去Sui Egg Egg 呀

今日本來以為會入去同大家姐一齊游水,點知四家姐Confirm返我,話大家姐要去聽書...
咁就唯有向四家姐提議去我哋個屋苑游啦...6蚊咋...去 Sui Egg Egg *都抵啦.
*Sui Egg Egg 係潮州話...沖涼的意思, 正確d講,只係 Sui Egg 就可以喇, Sui Egg Egg 只係好似同小朋友講疊字咁,又可以講 Sui Egg Sui Bomb Bomb, 呢句就係BB話嚟, hehe ...蘇州話就Dump埋一邊唔學啦.

約吓約吓就叫咗爸爸媽媽一齊去潮江春飲茶,我哋就去等位先,開茶唔記得問有冇鐵觀音添...真係失敗.如果唔係樺爾有$300 現金券,我決唔會敢叫爸爸媽媽一齊去食,因為真係唔多值.除咗特點外的其他點心每碟平均要$20. 真係 "Kui gao dog hwair" (貴到著火).咁我哋有現金券打底,爸爸媽媽先冇咁肉痛咋.好彩 d 嘢食唔差...其實係不過不失,咁既價錢應有的質素嘛.如果唔係要爸爸媽媽 "Piang Chiar Hai Nor" (騙請害餓)就慘啦.
我仲同佢地講咗幾句蘇州話,媽媽仲學咗蘇州話"頭髮"(Day Fa) 點講添.樺爾仲讚媽媽講得好準,當然啦,媽媽不嬲都咁勁架啦.

同四家姐去行一陣愉城,之後去游水,我哋就全副武裝去個嬉水池游水啦.見到個更衣室就.....下次都係學d 小朋友咁換定泳衣打底先落去好d. 個泳池其實都幾好,唔好睇小,最深有2米. 可以真係游水,抵! 同四家姐游,一路就好擔心佢仲未病好,要時時望吓佢.樺爾又唔多游咁,原來"有一個吃得太飽肚子作反".
游完水仲請四家姐同我清吓 d 零食,真係好,唔駛我一個食哂 d 糖,樺爾就一尾問四家姐食唔食"熱浪",佢個鼻d 粒粒已經蘊釀多時,我就係唔畀佢食,休想搵四家姐過橋!

今日同同事打乒乓球

我哋都維持咗一年啦,之前打 Tennis ,而家就抖暑,轉玩乒乓球,桌球,康樂棋,仲有足球機.放咗工就一齊去 Philip 同 James 的屋苑打,今日就同Joseph,Amy同新同事Wallace一齊打雙打.Amy 就係"滴死王"或者"Net Ball王",已經做到隨心所欲的境界,認真犀利. Joseph就手腳並用咁打個 Ball,打打吓仲好似變咗踢毽咁. Wallace 仲堅,熱身之後,每次接佢的Ball都要有心理準備,可能我反應太慢啦,要離枱三尺幾先接到佢開的 Ball, Joseph 仲話打打吓唔見咗我,因為我去咗後面接Ball. Wallace 仲有個絕招,成日打假 Ball,有時佢手裏面有兩個Ball,就會拋高扮打第一個 Ball,之後打出第二個Ball 先係真既...仲要唔好望住佢打,如果唔係就畀佢扮個馬騮樣笑死.我就同呀 Dee 以前打慣咗,有 Ball 埋身就用個身去擋,甚至捉住個 Ball,有時夾著都幾好笑,Wallace仲話我用"Gut Lud 底"去夾個 Ball...仲話唔準用個 "Gut Lud 底"去打 Ball 喎!

今日同 Agnes Chat

好耐冇同Anges Chat, 講起大家都好Like<<浪漫滿屋>>, d歌又好正,於是又加咗首<<命運>>入我的熱播List之中...
韓文的歌詞就聽唔明啦,都係 Paste 個老翻...唔係..係翻譯先啱.

http://pub.club.163.com/77/1115810359614.html
同場加映 <<三隻小熊>> ...(呢首令人滴汗)
http://img1.webs-tv.net/fullhouse1.wmv
gong xi ma ni ga .han ji bai i sou
三只熊生活在一起
a ba gu ou ma gu ai gi gu
熊爸爸 熊媽媽 熊寶寶
a ba gu men du du ai
熊爸爸胖胖的
ou ma gu men nan xi ma
熊媽媽卻苗條
ai gi gu men na bu i ya wa
熊寶寶好可愛
wu su wu su cha lan da
每天每天在長高

貓弟弟廿一歲啦

今日其實係29/8,好遲先寫返呢一日發生的事...其實好想記低,因為呀敏大個仔啦...而且我哋好耐冇一齊唱 k 同行街啦.

今日同呀敏去唱 k 慶祝生日.同行的有媽媽,大家姐,蓋蓋,四家姐,樺爾同我.
可能人多d,可以畀我哋唱耐d,都唱個夠啦.媽媽今日把聲特別好,唱<<往事只能回味>>唱得真係好.
阿dee 就唱首<<不死傳說>>唱得特別起勁,皆因未唱過就會有心機d唱呱...之後又返番去"古巨基暨李克勤金曲秀".

同大家姐唱親k都係蓋蓋畀錢6_#,不過如果畀完錢仲繼續唱落去,大家姐就會好唔好意思猛嗌話要走6_-其實又唔係話賴死唔走,唔好咁介意啦.

唱完 k 就同阿敏執吓d 裝備,去宿舍當然有對涼鞋方便 d 啦.我哋去咗平時成去果間綠楊Mirabell分店,唔知今日個Sale屎做乜鬼(咁屎差的服務態度,就唔好學人做 Sales 啦),我哋問吓佢第二間分店有冇新貨,問佢係唔係千色店度攞過嚟啫,咁就畀個黑面我哋,之後仲Ignore我哋,唔理我哋...真係有冇搞錯,貓弟弟今日生日,你咁樣掃佢興?!真係呀,我哋都係諗住自己走一轉唔駛佢走咁啫,個Sale屎就好似覺得冇咗單deal做唔成生意就發我哋霉氣,好彩我哋都係 d 好脾氣的人啫,如果唔係唔想鬧到咁鬧彊,真係同佢玩嘢,port到佢飛起啦.
冇佢咁好氣就自己去咗千色店的分行再問過,揀來揀去,人太多,等都有排等,都叫咗阿敏你早d 去買啦.搞到依家斷哂碼,冇你要的藍色啦.其實橙色係最靚架,買啦!
買完鞋,仲有時間同佢去 Colombia 度揀短褲同T-恤添,好彩$300 Cash coupon可以用得著,三個item 仲有15% off,嘩,找數都係$70. 好抵嘩~!

阿Dee話,好似冇同我去行過街,其實係冇同我行街買衫,以前同阿敏去行街,通常都係去睇電腦同睇戲,之後跟手去 M 記度食個麥樂雞餐,阿敏次次都狂點茄汁,我點點吓就慣咗用甜酸醬去點...上次我去 M 記買個包餐,收銀問我:"你要唔要茄汁呀?"我真係有個衝動同佢講話我想點甜酸醬!

今日返工啦

跟樺爾返咗蘇州+上海一星期,今日要返工啦...早醒都冇用,因為又突然間冇哂d習慣,要從新適應過添.
可能放咗一個星期假,今日做起事都特別開心,特別有心機,放個假 relax 吓,工作效率真係會提高d架.改咗公司個新網站的 Menu 顏色,感覺唔同哂,好!
做做吓嘢樺爾突然話 Juima 在線喎就同佢打聲招呼啦,Juima 打字好慢,都係夜晚同佢個仔林林表弟打好D... hehe...

見到四家姐的blog話發咗個怪夢,先想起今朝我都發咗個夢...不過就唔係怪夢...應該都係臨醒的一刻喇....我發夢我同樺爾生咗兩個仔,一個已經識行,另一個就手抱咁大.都唔知其他的細節,總之好似好開心咁!個夢好似好真咁,搞到我醒咗要定一定神先知係夢,夢醒之後又驚又喜,都唔知點咁.可能之前同樺爾個朋友的老婆傾計傾咗成晚,又講佢d生仔經咁樣,搞到我都無啦啦發埋哂d咁既夢.救命呀...

遊後記 - 之七

今日返香港啦...
早上 8:30a.m 先起身 -> 同樺爾朋友嫂子落街食早餐-小籠包同豆漿,再買多少少返上去 -> 東方明珠 -> x大廣場 (都係 d 高檔嘢仲貴過香港,不過嫂子就響果度買咗兩把傘,同我一人一把咁送咗把好靚的傘畀我添) -> 陸家嘴吃川菜,一次過品嚐火燒同辣汁小龍蝦,麻婆豆腐,等等 -> 返樺爾朋友"立家生"走人 -> 坐的士到"x龍站"地鐵 -> 磁浮列車 -> 上海浦東機場
原則上是 6:xxp.m 返香港既,不過航班延誤,所以都冇法子早 d 返,10:00 先落機,離開機場都 10:30 咁上下.好彩買機場快線到青衣站有團體 discount,$90 for 2,不過都要15分鐘先到青衣.再撘十多分鐘的士,快!
返到屋企差唔多11:00 p.m.

http://hk.pg.photos.yahoo.com/ph/wayitanki/my_photos

遊後記 - 之六

Check out 酒店
-> 乘火車到上海
-> 上海小阿婆一家午飯
-> 樺爾朋友 & 嫂子晚飯
-> 到樺爾朋友家過夜

遊後記 - 之五

酒店出發
-> 拙政園側的麵店食頗難入口的麵(唉, 至少都嚥下了)
-> 拙政園
-> 獅子林
-> 坐三輪車到觀前街賣書畀爸爸
-> 郵局寄書畀爸爸(遇到一個應該唔係失戀就係同男友吵大架的郵政服務員...面口應該可以媲美包公)
-> 唔係人食的"好人小吃" oh~ 6_@ 呢個店名真係蠱惑,我本來參透不了...我睇的時候唔係好明,而家我知道點解勒,打落至發覺原來已經蠢咗啦!都話咗叫做"好人都好少吃"啦...仲走入去!其實見到呢間舖個門口仲請緊厨師就唔好入去啦,唔係個網上介紹話到咁好都唔會中招!唉見到成個場冇人食得哂d嘢食就知...我仲叫樺爾同我影相,姆指向下留下我地好慘痛的回憶...當時我影緊呢張相的時候,仲有兩個女仔見到我地影相
都同時間苦笑緊笑我地影d咁既相
-> 再返酒店沖吓涼...(熱死人啦~~~)
-> 去舅父家同舅母傾吓計, 樺爾就同舅父下棋
-> 見樺爾的童年時好友 Ben Chow & 佢老婆
-> 告別婆婆 (G_<~~~ 丹丹:樺爾,不哭,不哭)
-> 告別舅母一家...相約下年再來(jea lea).

後遊記 - 之四

酒店出發 -> 滄浪亭 -> 樺爾的婆婆輩親屬午飯於"新天倫之樂" -> 與志剛舅父(si gang juju)和林林(ling ling)打籃球 6_# (打一陣就同樺爾,林林一齊睇志剛舅父打籃球) -> 志剛舅父一家晚飯(於"金百成")?

遊後記 - 之三

食大娘餃子 -> 與舅父同遊同里 -> 返酒店稍息 -> 樺爾呀姨輩親屬晚飯樺爾於"滄浪賓館"
"同里"呢個地方其實都幾多嘢睇,不過入場費就分好多個區域,我哋買全票,但係就冇時間睇晒裏面所有嘢.嘩,佢都真係幾識"略水",要聽介紹,就要入錢去聽.有d所謂珍貴的景物,即使用自己的相機影相都要逐張收一元,每一個觀賞區都有幾個咁的"一元位",仲有d呀嬸把守著,隨時問你攞錢,有次我就唔覺意叫咗舅父同樺爾一齊影咗張,都未準備好,我閃一閃,佢哋就攤手問我哋攞喇,真係"天下豈有此理",之後,我當然小心d偷拍,又或者唔同閃燈啦!佢哋唔會理o個 d 冇閃到的人架.

夜晚返到酒店,沖完涼都十一點幾啦,心血來潮開吓個電話,點知見到原來 Mabel 同 Pui Yee 都搵過我,本來之前約咗佢哋14/8見面,返蘇州改咗期,好應該同佢哋講一聲,點知我又冇咗件事,搞到好似"冇尾飛陀"咁...仲要兩個壽星女打電話約我,仲 Call 極都唔覆機,直頭好似失咗蹤咁.見到個留言,就即刻打個短訊啦.唔多打短訊既我,打吓打吓就十二點,一次過 Send 咗兩個短訊畀佢哋,就等一等睇吓佢哋有冇回覆啦....點知,等吓等吓都瞓咗覺喇.
又係o個一句:"日有所思,夜有所夢",真係話咁易,Mabel 同 Pui Yee 又走入咗我個夢啦,夢入面唔知我哋去咗邊度,我哋好似搞緊個乜嘢活動咁,我就好笨手笨腳咁做咗d唔知乜嘢,Pui Yee 佢就講笑咁話:"唔緊要,不過你問返 Mabel 原唔原諒你就得啦."...我醒的時候都仲似為自己見過佢哋...又發覺唔係真既,都覺得好迷惘.

遊後記 - 之二

舅父家出發
-> 樺爾直系婆婆(ah bu),
-> 東山(農家樂河上鮮-浮翠舫,雕花大樓,明宰相府王鏊-惠和堂,老街)
-> 入住"喜來登"酒店對面的"書香門第"酒店(哈,就好似個套宮崎峻的<<歲月的童話>>裏面妙子個家姐做話劇~~做白雪公主旁邊的妹仔) 其實三星酒店中算蠻不錯的了
-> 返舅父家與婆婆晚飯, 好食(hair chet)
樺爾小時候就住在婆婆家裏,見到樺爾身法靈敏地走,一拐彎再上樓就到婆婆家了.婆婆可能已經在心急地等著,聽到拍門聲就趕快來開門.我們在婆婆家裏邊吃西瓜邊談話,樺爾又拿出我們結婚照一同看看(kuku),我則拍下婆婆在陽台種的小花卉和舅父舅媽.舅父見到我拍的照片,把舅媽和他一前一後地拍下,好像把舅媽拍成比他大那樣子,他便提議要再拍過一張,好了,就讓舅媽做舅父背後的女人吧.當婆婆見到我拍照時,她會說"哎喲",好像很怕羞似的,很是可愛.(往後幾天,我也"中了哎喲毒",有時也不自覺說了呢...#_# 很難想象可愛是怎樣吧??? 哎喲...就當是小雲的"哎吔吔"啦).

遊後記 - 之一

今日出發去上海,樺爾就去剪髮,我就去買小小嘢同返媽媽屋企度見吓爸爸媽媽.只係買咗個媽媽最鍾意食的叉雞飯畀佢食晏,逗留咗一陣見媽媽今日好似好d,咁就走啦.
出發前竟然見到老師...哈應該係阿聰未來老婆蓉蓉先啱,仲同佢打吓招呼添...原來佢要做facial.

坐A31用咗45分鐘就去到機場,見到個集客隆領隊鬼鬼祟祟咁...都唔知咁驚做乜,賣團體飛都唔係犯法架~？
見有時間就同樺爾睇吓機場有乜野賣啦,哈,點知畀我見到三sprit 有50% 特價喎,仲見到Nike都有添...嘩,樺爾就買多件藍球背心送畀佢表弟,我自己又買兩件,我買咗我好鍾意的橙色Tee,$49 咋!不過另一件就原來太闊,我以前就啱...而家就鬆咗d.
樺爾去 counter 畀錢,個收銀員竟然好疑惑咁用好唔肯定的眼神望住樺爾,仲攞起個計數機打個銀碼,再同佢用英文講幾多錢...哈,佢以為樺爾係日本人頂啦...我就同樺爾講吓嘢,個收銀員先好唔好意思咁用返廣東話講嘢.
唉,入到東方航空的機艙,見到架客機咁細,不其然有d驚驚地...起飛降落都好似唔係好平穩咁,好彩都平安到達.
一出上海蒲東機場,我仲比樺爾先認到佢的舅父(juju),舅父真係太客氣,買咗一束花送畀我,原來今日係農曆七月初七,中國情人節,我當然到舅父家就第一時間代舅父送畀舅母(juma)啦.
舅父接我們到蘇州,兩小時多就到他們家了,那時已經差不多12:00am了.之後就睇吓我地的結婚相,雖然佢地一路的對話都係蘇州話為主,所以好多都係聽唔明,又或者估估吓,但係舅母的讚美說話,就絶對聽得懂,哈哈!反應就只好...傻笑6_x.
沖完涼就瞓.佢地仲讓咗佢哋張床畀我地瞓,自己就同都已經大個仔的仔仔一齊逼響一張五呎床度!如果唔係改咗行程,我地就唔駛舅父佢哋咁辛苦啦...舅父怕我哋哂錢,仲叫我哋繼續住添.好彩之後幾日我地都訂咗酒店唧.

三家姐生日快樂

祝三家姐青春常駐,要乜有乜,
瑩瑩快高長大,聽教聽話,繼續活潑可愛!

哈係呀... 祝各位於八月生日的朋友們生日快樂呀....
Mabel, PuiYee, Kennis!!
獻上呢首好啱你的歌,記住記住留意你自己的叫聲喲,
^ ^
(-@-)
=== 齁齁 ...

豬你生日快樂 - 范曉萱
詞：許常德　曲：黃麗星
Happy Birthday! Happy Birthday! Happy Birthday! Happy Birthday! Happy Birthday! Happy Birthday! Happy Birthday! Happy Birthday!
豬你生日快樂　但是我口很渴
吹完蠟燭　趕快請我們喝可樂
豬你生日快樂　等太久肚子會餓
許完心願　趕快把蛋糕吃光光
Happy Birthday! Happy Birthday!
（生日快樂！生日快樂！）
Happy Birthday! Happy Birthday!
（生日快樂！生日快樂！）
Happy Birthday! Happy Birthday!
（生日快樂！生日快樂！）
Happy Birthday! Happy Birthday!
（生日快樂！生日快樂！）
Happy Birthday! Happy Birthday!
（生日快樂！生日快樂！）
你是我的好朋友　所以今天你請客
你是我的好朋友　所以今天你請客
豬你生日快樂 La la la la la la...
豬你生日快樂 La la la la la la.............

天 降 尿 袋 男 子 中 招

無啦啦見到蘋果日報報導以前住過十幾年的大坑東隔籬座的東海樓發生d咁的事,於是就轉載一吓啦:
其實呢個屋村都唔算污"嘈"架啦,只係近年多咗d 新移民,環境真係差過以前,但係都未必係佢哋做既...有冇公德心都係睇人架啫.
【 本 報 訊 】 昨 午 一 時 許 ， 一 名 姓 莊 二 十 六 歲 男 子 與 兩 男 一 女 友 人 ， 行 經 石 硤 尾 大 坑 東 東 海 樓 對 開 ， 突 然 有 一 個 裝 尿 的 膠 袋 從 天 而 降 ， 尿 袋 跌 中 一 棵 樹 後 爆 開 ， 尿 液 四 散 濺 中 莊 的 身 體 （ 圖 中 ） ， 他 隨 即 向 警 方 報 案 ， 三 男 女 友 人 幸 無 被 濺 污 。 警 方 到 場 在 東 海 樓 搜 查 ， 最 終 並 無 發 現 ， 警 方 將 事 件 列 惡 作 劇 處 理 。

本以為找到好Site

個blog的歌仔好似唔work...想搵過個 site,再做過 d link, 本以為搵到個好Site,可以聽吓新、舊歌...

http://www.real2000.org/web/real/real_8800.htm

點知...D歌名調亂哂...
<<不見得>>變咗<<木納>>,<<木納>>就變咗<<不見得>>,都係對調啫...
嘩..唔係喎...<<喜歡>>變咗<<嗜好>>,<<嗜好>>變咗<<心裡有數>>,
<<心裡有數>>呢 ... 就係<<特效藥>>,<<特效藥>>又變咗<<破吉他>>,
<<破吉他>>咪變咗<<全年無休>>,咁乜係<<全年無休>>?嘩...係<<第七感>>國語版...
<<第七感>>國語版就唔見咗...哦~就係因為佢唔見咗...
咦 ~淨係梁詠琪同古巨基合唱的果首<<許願>><<第七感>>粵語版先係啱....冇咁鍾意的果兩首先啱....因管理員都係 Hit 歌先留意吓....真係呀....有冇搞錯?話哂係古巨基的同名大碟呀...第一隻國語碟就咁好聽啦...咁都唔畀吓面... 不過算啦...反正d歌都熟到識背啦,邊首打邊首仲唔知咩!

探媽媽後入去三家姐度食飯囉

本來今日都幾開心,不過返媽媽度,媽媽就話唔多舒服,我仲特登煮咗蝦子麵佢食添...不過呢..味道就...好一般...都係我唔好,媽媽仲因為食得太多,頂著仲唔舒服...過咗一陣,我都要去搞機票的事,冇再陪媽媽添.知道媽媽後來又再感懷身世喊起嚟...都係唔我好...如果我唔係同佢話我同阿dee想入去搵三家姐同二家姐,可能媽媽唔會覺得咁冇人理佢,覺得我哋情願見兩個BB都唔理媽媽.唉..其實我...
其實我想講清楚...想講清楚...想講清楚...該怎說好...
其實我很愛很愛...很愛很愛...很愛很愛...該怎算好...

我都係入咗去見二家姐同三家姐,不過佢哋就去咗游水...我冇份...嗚~~

見到雯雯一陣,雯雯同瑩瑩又黏住樺爾丈丈!!樺爾左擁右抱,幾咁風騷 6_#... 嗚~~嗚~~嗚~~
我問:"雯雯你唔錫我啦?"雯雯話:"唔錫" 6_& 嗚~~嗚~~嗚~~嗚~~嗚~~嗚~~枉我咁錫你...心傷了~!
雯雯佢仲用咁的面口-_-話 :"我錫樺爾唔錫你"... 6_<~~ 嗚~~嗚~~嗚~~嗚~~嗚~~嗚~~我真的受傷了...手中的 m&m 也融化了....

原來瑩瑩之後同樺爾講:"我唔鍾意你同丹丹姨姨結婚呀"....又話:"我閂埋門唔畀你哋結婚!" 6_@? 有危機..我哋的第三者竟然係瑩瑩!!! (唔通佢記得我哋結婚之前要由個禮堂門口入去先結到婚?!樺爾就話都唔知佢睇咗d乜嘢劇集!)

瑩瑩好黏樺爾,我就扮話唔啋樺爾,我話:"唔啋你~",咁瑩瑩又跟住話:"唔啋你~",樺爾又扮死,要人錫錫先可以番生.瑩瑩就去錫錫樺爾話:"唔啋返你.."佢諗咗一諗好似講錯咗,又話:"啋返你啦. hehe..."

樺爾同瑩瑩玩煮飯仔,我就同三家姐入房睇佢個Mac機,佢有好多瑩瑩的video,見到瑩瑩響屋企度唱歌...又見到瑩瑩去海洋公園,有d音樂伴bb舞,好好笑,見到瑩瑩第一次坐纜車的情景,又見到成日撞落三家姐個Pat Pat度...三家姐應該同瑩瑩講:"你好似撞親我個Pat~ Pat~ 呀~"(好想睇比達~郭志權配音的<<荒失失奇兵>>...又唔想入戲院度睇卡通!)

d片真係幾好笑...三家姐同我講,呢d片,用錢都買唔到,如果可以,佢希望日日都錄起佢同瑩瑩一齊的片段.是的,講得真好.......樺爾,我哋又買videocam同d BB 一齊玩囉~~. 樺爾一定係咁:~G_@! 哦~

瑩瑩玩到攰就瞓咗一陣,點知瞓醒覺就當咗第二日,連自己之前同雯雯一齊去游水都唔記得,猛話自己仲未沖涼,係都要再沖過.其實佢只不過係要玩水咋嘛,不過三家姐一話要用個花洒,佢就乖乖地出浴啦...佢同我講好怕個花洒噴到佢個面喎.

三家姐的朋友Edmond好鍾意煮嘢食,三姐夫仲話係"肥mond私房菜",飽餐一頓,又係時候講Byebye...o趙完鬆... hehe....
返到屋企睇唔到<<鋼>>添!

唉～可以問誰

今日本來會飛上海,之前一兩日都擔心成唔到行,又怕有乜意外,都有d擔心媽媽會擔心我哋.成日臨急抱佛腳的我,尋晚先收拾行藏,到4:xx a.m.(今朝先啱)先瞓,今朝十點幾,我先起身.知道上海因為o個個"麥提莎風暴"(麥莎颱風)吹正上海,浦東機場要即時關閉,我哋係下午起飛的,都唔知會唔會影響我哋班機.因為我哋係"自遊行團體票",機票要機場到先攞到,我哋當然第一時間就搵個領隊問吓啦,點知個領隊就話叫我哋去問返個Agent喎,咁就收咗線.

因為仲未攞"人仔"的關係,我哋都係要出去食早餐同去銀行排隊攞錢.咁就一邊聯絡個機票agent,問吓我哋可以點啦.點知聯絡開的小姐就未返工,搵到佢的同事乜先生,但係就唔係咁想做生意咁.話11:30個女仔就會返嚟跟進,仲想收線就算.可能做呢d Case 都冇數啦.

嘩而家先10:40要我哋再等,又唔知出唔出發好...咁個人係唔係唔想理我哋丫?

樺爾就趕緊追問,其實呢件事邊個人都可以幫我哋追嘛,咁佢先勉強話幫我哋問吓咋.之後仲話一係就取消機票,一係就今晚夜機走,如果今日唔起行,之後一個星期都唔會有平機票喎,好似想我哋取消咗機票就算,冇option,又唔會話最快又平既機票幾時有.一d都唔helpful.咁我哋唯有收線諗吓啦,叫佢查吓要之後呢幾日的班機要幾錢咁啦.真係幾無助...... 可以搵乜水~~？

唉～可以問誰 - 樺爾/丹丹

我嗌過誰 我忘了誰
我曾經因為自摸所以上過那店子
你知道嗎 代理像鬼 總在出事把單撕碎
我們不可能防備
* 樺爾: 我可以問誰~~？(丹丹和唱: 我可～以問誰~~？ )
樺爾: 我需要問誰~~？(丹丹和唱: 我需～要問誰～？ )
問題是沒有一個代理可以答得對
看一看代理們的嘴 總是說得那麼美
旅行是這樣嗎 忘了吧 我會不會
樺爾: 唉～可以問誰~~？(丹丹和唱: 唉,可～以問誰~~？ )
樺爾: 唉～需要問誰~~？(丹丹和唱: 唉,需～要問誰～？ )
旅行的快樂最後都會變成一滴淚
走不出文員的範圍 我要的他從來不給
明天是什麼樣 再說吧 我無所謂 * （對不對）
你說得對 我忘了沒
這世界應該不是這個樣子 對不對
你知道嗎 他們像鬼
總在出事把單撕碎
我們不可能防備
Repeat *

改編自 <<愛可以問誰>> - 李克勤
曲:小剛 詞:易家揚 編:Aden Lee 製作人:小剛
我愛過誰 我忘了誰
我曾經因為寂寞所以吻過誰的嘴
你知道嗎 回憶像鬼 躲在夜裏把心撕碎
我們不可能防備
*我可以問誰 我需要問誰
問題是沒有一對情人可以答得對
看一看戀人們的嘴 總是說得那麼美
愛情是這樣嗎 忘了吧 我會不會
愛可以問誰 愛需要問誰
情人的快樂最後都會變成一滴淚
走不出孤單的範圍 我要的她從來不給
明天是什麼樣 再說吧 我無所謂 * （對不對）
你說得對 我忘了沒
這世界應該不是這個樣子 對不對
你知道嗎 回憶像鬼
躲在夜裏把心撕碎
我們不可能防備
Repeat *

我哋之後去咗南豐中心問吓d機票,我哋就問咗兩間,一間就冇平價團體票,另一間個靚妹就講到好平咁,仲話日日出發,每張機票計,平過我哋本來的250元,但係佢d料好似唔多可靠.問落d價錢其實根本同之前一樣咁上下,果個乜先生根本就唔係想幫我哋.咁仲好,我哋取消機票之後再搵過第二間出機票.咁事情就易辦啦.不過唔知d錢會唔會"凍過水"呢?

我哋之後去恆生攞"人仔",排咗好耐隊先發覺原來有尊櫃做架,唔駛排長籠!下次要醒少少先得.
人呢~真係一種好奇怪的動物,貴既就嫌貴,明明平d,又怕唔可靠呃你,問咗個靚妹都覺得信唔過,且媽媽食完麵之後再問多間,呢次個價錢同時間都幾合理,而且原來遇到呢個agent係上海人,佢話見大家咁好傾唔收我哋 $50x2 的 agent fee,可以平過之前100蚊....哈哈.
就係咁,我哋今日冇得去lu~~唔知點解,咁樣好似仲開心,所以心情反而特別靚,可能因為自己其實都幾擔心,去到都係天黑黑,又成日怕咁的情況去到上海,個天都唔鍾意我.

忽然夢見Mabel

早一個月前無啦啦夢到班姊妹,去咗個課室上堂,唔知上乜鬼堂,總知就好似中學生咁,但係就唔係著校服既...做乜都唔記得啦...
今次又夢到Mabel,我前日朝頭早,夢到同Mabel唔知去咗邊,好似考試咁,要一個跟一個咁入去考,個課室又唔知邊到嚟架...好奇怪,好似考口試咁....
無啦啦醒起呢個夢一定要記底佢!如果唔係又好似上次咁又唔記得咗個夢發d乜.

幾個星期前有一次...(應該係結婚之後發的頭幾個夢,第一次發開心的開口夢),我好似夢到我同樺爾去咗個山卡啦的地方住,三家姐同大家姐都嚟咗我屋企,我哋就招呼佢哋同一齊吹吓水,唔知道做過乜,又講起好搞笑的潮州話,跟住重笑咗出聲添,瞓響隔籬的樺爾就問我,做乜咁好笑,我就迷迷糊糊咁答咗佢講話我夢到"XXX"?應該係講咗o個句潮州話出嚟,之後又瞓返喇....但係醒返之後就諗極都諗唔起o個句係乜!

同事Kelvin轉寄一則

同事Kelvin轉寄一則情信,是比賽的優勝作品,雖然個故仔好似係假既咁,但係睇的時候都會眼濕濕,而且又會諗番起以前講過的話題...兩個人當中希望邊個死先死後.我當然希望我先啦,咁樺爾就話跟埋我一齊死,不過...我當然唔希望係咁既情況啦.如果佢係仲後生的,最好就可以搵返個伴終老啦.葬禮亦都唔駛麻煩,只係要火化,隨便撒落海度餵魚就得喇,不過好似好髒咁,都係唔好啦....好似<<天龍八部>>的王夫人咁,用嚟做花肥,葬響棵樺樹旁就可以啦....

同四家姐行街街呀

四家姐不嬲都係我的形象顧問,買衫都會買埋我個份,依家分開咗住,真係成日發覺著極都係o個幾件,連我都有d頂唔順要一改頹風.四家姐今日去見工,順便去買衫,都仲會想起我,叫我一齊去買衫添.我今日因為要補番之前的懶散,所以做到眼癱癱,四家姐突然約我去荃錦行街街,我就順手收工,嘻嘻...今晚真係好開心,因為可以同四家姐行街街呀.
同四家姐行街成日都覺得我好似個男人咁,個女人響到揀衫,我就係個保鑣或者係o個d闊太身邊的男人,成日企響佢身後睇佢揀衫...不過四家姐就唔似闊太,因為佢太識得講邊d款式邊d布料值乜價,又識講價同驗貨,最勁既就係可以響一埋雜菜中揀到d好嘢,而且又唔貴,真係好Pro...所以,我自從媽媽唔幫我哋買衫之後,就係四家姐幫我打點d衣著.久而久之其實我都唔揀衫,四家姐話我啱邊件,我就睇吓接唔接受到,就買喇...而且家姐仲好多時都幫我買埋,年中真係慳唔少.
同四家姐行咗一陣,都冇乜斬獲,可能我太肥啦...唔係冇碼,就係唔多好睇,最終都搵到兩件頂吓檔...買完,四家姐就同我響 b+ab 度分道揚鑣...回頭望吓佢...真係有d唔捨得,好似打完打齋唔要和尚咁.望吓佢的身影,好快就唔見咗...唔知四家姐有冇回頭望吓我呢.打吓打吓字又想起上次佢響佢個blog度話唔捨得我,又想起結婚o個日夜晚同佢祝"茶"的一個情景.{羨寧口吻}: 家姐呀....

啱啱就聽緊菲比尋常<<Faye Wong Live 演唱會>>的<<約定>>,都係唱片版好聽d...

約定 - 王菲 想聽呢首歌,按這裡再按上面Play掣
作詞：林夕　作曲：陳小霞　編曲：Adrian Chan
還記得當天旅館的門牌　還留住笑著離開的神態
當天整個城市　那樣輕快　沿路一起走半哩長街
還記得街燈照出一臉黃　還燃亮那份微溫的便當
剪影的你輪廓　太好看　凝住眼淚才敢細看
* 忘掉天地　彷彿也想不起自己　仍未忘相約看漫天黃葉遠飛
　就算會與你分離　淒絕的戲　要決心忘記　我便記不起
　明日天地　只恐怕認不出自己　仍未忘跟你約定假如沒有死
　就算你壯闊胸膛　不敵天氣　兩鬢斑白
　都可認得你*
還記得當天結他的和弦　還明白每段旋律的伏線
當天街角流過你聲線　沿路旅程如歌褪變
Repeat *
就算你壯闊胸膛　不敵天氣兩鬢斑白　都可認得你

不過我個人就喜歡呢首多d... 雖然係現場版...王菲笑到甩嘴,但係完場的音樂通常會令你好感動...

人間 想聽呢首歌,按這裡再按上面Play掣
風雨過後不一定有美好的天空
不是天晴就會有彩虹
所以你一臉無辜 不代表你懵懂
不是所有感情都會有始有終
孤獨盡頭不一定惶恐
可生命總免不了 最初的一陣痛
但願你的眼睛 只看得到笑容
但願你留下每一滴淚 都會讓人感動
但願你以後每一個夢 不會一場空
天上人間 如果真值得歌頌
也是因為有你 才會變得鬧哄哄
天大地大 世界比你想像中朦朧
我不忍心在欺哄 但願你聽得懂
但願你會懂 該何去何從

事實證明我唔係盲目吹捧李克勤

半年多之前見李克勤、許志安同古巨基同台用粵語、英文、國語唱幾首歌,再次勾起以往對克勤的唱國語歌的印象,我除了勉強接受到"情牢"那首<<難道你不懂>>歌之外,實在無法再聽得下他一首完整的國語歌,每次聽到李克勤的國語歌,我都想話一句"唔該你自量吓啦!"又或者"唔該你慳d氣啦!"...有一段時間沒有出國語碟的他,本來近年來的推歌策略頗為成功,卻忽然要轉攻國語...但他有所不知的是,他的國語同他的舞姿都一樣"高超"....如果佢再自掘墳墓,Fan屎可能走得不少.
本來聽克勤的粵語歌,可以說是剛柔兼備,但是當唱起國語歌,我也不懂考究其國語準不準,只是總是有些沙石,的確幾"梗"耳.今日再次聽他的新歌,發覺他多年來也沒有丁點兒進步.就算是Fans*都不敢恭維.相信他若是再執迷不悟,日後很難聽到他的新歌了.新歌"聲聲慢"的"慢 慢 慢 慢",我不看歌詞還以為是 "乜 乜 乜 乜"! 6_- ?!

係都要聽呢隻碟就按此再按上面的Play掣啦 ...<<愛可以問誰>>

你係都要我答邊首歌最可入耳?<<大雨>> 算是好的了.就算曲可以...他呢隻碟可說是名副其實的"廣東版國語歌"...好廣東的國語!
都係粵語歌好聽d,推介歌:<<醫道>>

*我一向認為聽歌的"Fan屎"同"Fans"是不同的,"Fan屎"者就係o個d人哋電台吹捧邊個佢就鍾意邊個,自己鍾意乜都唔知,就算話鍾意,原來只係認識dHit歌,甚至係冇興趣再聽番d舊碟添.我覺得"Fans"唔應該用盲目跟隨的方式嚟支持既,有時d歌手話 so call 多元化,但就有時變得有點不倫不類,不堪入耳的歌就唔好支持啦,因為Fans的耳朵應該是雪亮的,唔得就係唔得啦,唔可以死撐嘛,咁個歌手先知佢d歌唔得,要揀過第二類歌,有時知道d八掛的花邊新聞又會為佢不值吓呀咁啦....不過,你唔聽佢的歌,又點會知佢唱成點呀...所以我都係要做吓Fan屎,不過始終都聽唔落好多次.

大家姐的新居

大家姐話個"設計情報"同佢登咗d相出嚟啦,我就上網睇吓喇.
大家姐的新居都幾靚呀...簡約,乾淨,我最鍾意個不反光地板,好有樸實的味道,仲為咗君君同羨寧造咗個兒童房畀佢哋添.d燈飾又靚喎...大家姐的taste果然係一流既.加埋個無敵大海景,連BB也瘋狂,唔怪之得上次瑩瑩都唔捨得走啦.......不過咁鬼遠,好日都唔可以入去一次.