好耐冇見啦.

本來今日約咗Kathy同Berry,不過Kathy有公事,唔得閒,本來怕Berry要等我放工要等好耐,唔知取消好定係點.不過咁耐冇見Berry,都係想見吓佢.唔見唔見,一見就"雞啄唔斷".搞到行嚟行去都唔知去邊度食.


食咗個Set Dinner,都幾抵食,$65,有湯,有芝麻包,有drink,有Pasta/Meat rice,仲包埋有~$24的蛋糕添.食飽飽之餘,仲坐咗好耐添.


哈,講咗好耐講到打烊咁掣.真係超長氣.如果我係個主動d的人就好啦.咁就會多d搵人出嚟,多d搵人傾計.


本來今日想聽吓Kathy講佢既結婚情況(上次我都已經聽咗d...)不過又見唔到,好在星期六再約過...我哋仲有好多嘢想做架....游水啦,行山啦,打波啦,影相啦...唱K啦...好想乜都做齊先放你走!

*********

呢兩日撘Van仔經過麗城,成日想起呢個朋友,但係都兩個幾月冇見啦.本來都想約出嚟.可惜5月真係一個幾忙的時間.己經好快就Full booking...唔.又好想放假添.