三日一記(之二B)

約咗Mabel,Pui Yee, Giny, Iris,一齊去沙田的Ruby Tuesday,個環境呢~係一個令你好想瞓的地方.我向來都係喜歡光猛d的地方.不過同朋友傾計,咁的氣氛又唔錯喎.


真係好豐富的一餐,有肉食,真係好啦.不過我就食咗好多菜沙津喎,唔知係唔係大家都知我好需要食多d菜呢?結婚後,食菜的機會真係少咗好多.


今日其實唔係傾咗好耐計.Iris好似成日都好多嘢講咁,相反,Giny就唔係咁多機會出聲啦.講起情人節的趣事....珮兒的男友真係好搞笑.佢的浪漫都幾另類喎.


收到Iris的禮物真係好驚喜,係一條橙色的貓眼石手鍊.仲加一個小禮物骰子添.


今日第一個就見到Mabel先,佢就第一時間送咗份史歷奇餅乾,(呀...帶咗返媽媽到同BB一齊食,唔記記得帶返個史歷奇餅乾盒添!)好得意架.我仲拆開嚟食咗一塊添.好味.好得意呀. (不過原來得四個角色:姆明,美妮,姆明爸爸同阿Dee口中的核凸女子阿美,四家姐,唔係你喎!),冇史歷奇架.


原來Mabel仲有另外一份禮物喎,係一條史歷奇電話掛頸繩添.唔知點解,佢好似知我想搵呢個頸繩咁呢?真係多謝你呀.我會好好咁用架.


今日傾完計,散的時候,Mabel又送我走啦,唔知點解,好似好唔捨得你咁.好似...你都係.定係,你有d乜嘢想同我講呢?唔知呢....直到我上車啦.你至先走....可能係我多心啦.