聚會

呢幾日都唔係幾開心,唔係幾想見人,不過Berry同Kathy好耐之前一早約咗我,咁就無謂推啦.


今日去咗又一城的Spaghetti House食咗個好豐富的大餐,足足傾計傾到十一點.
(我唔制,生日都要我點菜...應該係坐嚮到就等食架嘛~ )


雖然我自己都知自己多口過以前,但係不知不覺間,原來成日都係我掛住講自己的嘢.有時真係忽略咗Berry,好似發生嚮佢身上的事,我就慢慢地失憶.


唔知係唔係因為Kathy就嚟嫁去外國,我哋無啦啦嚮度話當年.咁就相識咗十幾年.唔覺唔覺.


我就覺得我身邊的朋友都係冇乜點變,思想態度都大致一樣....原來,佢哋兩個都話,我係變得最多的一個.


可能,我比以前多口咗啦.


其實,好少會係咁對住朋友講一大埋自己嘢,出嚟食飯真係幾開心,可能對多幾個人就唔會咁多嘢講.


原來如果唔開心,出嚟見吓朋友,講吓嘢都會開心d.如果我推咗佢哋,咁我咪少咗個機會畀人氹返開心囉~