情人節後記

講起我為樺爾準備的情人節禮物...我就真係太失察喇.我可能太低估樺爾的觀察能力,將禮物收得"唔夠密",畀佢發現咗.咁情人節就無謂再買過第二份啦....我可以收兩份~你就休想收兩份喇~


本來以為結婚後的第一個情人節,我同樺爾都會好重視.


但係呢幾日其實忙緊好多嘢.各有各忙,就好似畀咗個借口大家咁,唔會為呢個節日去特別慶乜嘢祝.


反而過去的星期日,係中國情人節,我同樺爾,Berry,Kathy,四家姐同佢兩個朋友仲一齊去咗唱K,諗都冇諗過有個咁的組合去唱K.


今日同四家姐其中一個朋友傾計,我之前見過佢幾次,所以都可以話係識得既,講講吓佢嚮白田工作,好似識得Mabel喎!我為咗確定一吓,仲畀咗之前一日Mabel嚟我屋企影的一幅相(Mabel唔好意思呢~~唔好怪我),原來做化驗呢行,個行頭真係好細.


唔...佢個人都幾得意呀,心算快而準,唱克勤的歌又唱得幾好喎.仲會唱吓古巨基的歌...(嘿~我真係用欣賞的角度講架~)只係個人好似怕羞d.唔知可唔可以幫到佢Match up 呢?哈哈~我都好想收吓媒人利是架~


四家姐的另一個朋友都幾好人,不過我就唔係咁喜歡Leslie的快歌,仲好怕見到成日唱人哋歌的許志安.就算佢唱幾多首古巨基都冇用.....因為...如果用唱K嚟定生死,佢就真係"Certified"啦.車~又唔係我揀.......


我哋就係咁歡度咗一個好特別的情人節.一齊食晚餐的氣氛真係幾好,Sorry家姐,希望唔會因為我成日搞笑,搞破壞嚇怕咗你兩個朋友啦.