同月同日生

我的同事Dolmen係同我同月同日生日架,識咗都有五年啦,呢個係我同佢之間的秘密,因為唔可以咁"揚",所以每年都冇特別送禮物畀佢,上年本來買咗一對杯,想送一隻畀佢,但係又好似Cheap過頭,最終都係送唔出手.


今年同四家姐去行街,去到賣玻璃飾物店度,見到d飾物好靚,所以最終都買咗三樣嘢.四家姐送畀我的花瓶就其一啦.另外四家姐都買咗一份禮物畀佢的朋友.(四家姐...其實你幫咗我出錢喎...)


Dolmen去過好多地方食嘢,無論香港,海外,內地佢都會去試食唔同的菜式.所以我都封佢係QPI食神.當我見到件玻璃掛飾有個水煲就諗起佢呢個特質.所以就揀咗佢啦.


唔知係唔係同一日生日的人性格都係相似呢?至少我哋都好好傾先.


佢個人又Nice(我冇意思讚自己架!),唔Man,唔算男子頭(我Man d),但係就唔係d好嬌嗲的女子,買衫的方式都幾似我,(我都冇諗過有人會同我一樣會做姊妹的"保鑣",企嚮後面睇家姐/細妹揀衫!)買嘢的性格都有d似架,好間唔中會有一時衝動咁買嘢喎(好似買相機咁,就會突然之間好爽手咁,之前睇咗好耐都唔買,但係一個impulse就去咗買喎).但係平時就好慳家....仲有佢都鍾意聽孫燕姿架....(所以上次會有佢幫我買演唱會飛囉.)


哈哈,不過佢同我又有好多不同,例如佢好鍾意食嘢,去旅行,又睇好多書,做事就爽手又細心,我就剛好相反啦.


哈,四家姐都見過Dolmen,佢仲同我講佢幾靚架.(不過,我就唔敢口花花轉告佢囉)


(唔知如果畀佢睇到呢篇嘢佢會點呢~~ 6_*....唔理啦...)


咁好彩畀我搵到一個同月同日生的女仔,就算有不同的喜好,不同的性格,我都會好珍惜佢架.何況我哋仲有咁多共通點呢~


有一首好好聽的歌分享吓先(哈哈,知道又多咗人睇,好畀心機打字架!)


不同 - 孫燕姿想聽呢首歌,按這裡再按上面Play掣


作詞:徐世珍/April Wu/小碩 作曲:Engler,Martin/Nielsen,Henrik"Helle"

地心引力的作用 我逃不開地球
走到世界另一端　沒人認識我
街上的人　跟我那麼相同　卻又那麼的不同


多一點　多一點　自我的空間
少一點　完美的呈現　不需要改變
it's my little secret
多一天　多一天　不同的體驗
少一天　經典的意見
oh~ it's my little secret


蹲在路邊哼著歌　唱著我的心事
快樂悲傷在街上　不需要掩飾
不必堅持　和不搭調的人　可以有不同的心事


多一點　多一點　新鮮的空間
少一點　多餘的諒解　離開了範圍
it's my little secret
多一天　多一天　不同的危險
少一天　規則都省略
oh~ it's my little secret

你擁有什麼　我失去什麼　想要自由
yeah~　而我們相同　而我們不同卻完整