霍元甲

反正都要等珮兒嚟荃灣,咁我就去咗荃灣廣場度Hae,其實要留嚮呢個商場耐d除咗睇戲都冇第二樣嘢可以做.

時間啱啱好,就係6:xx同9:xx都係空閒的,咁就唔怕睇睇吓戲先出嚟"交易"啦.


今日見到"博士"同珮兒,一眼就睇到佢哋啦.好啦,利利是是都係要架,不過我唔記得帶利是,只係帶咗d畀看更的叔叔嬸嬸的利是,想要大利是就上嚟我屋企先再攞過啦!


之前睇呢套片的片頭,以為講呢個霍元甲幾咁光明,幾咁有氣度,幾咁磊落,點知原來開頭都係個莽夫.仲搞人哋的大壽,打人唔駛本.


唔知點解要咁安排,但係到佢醒覺已經家破人亡.又唔知點解要安排個"村姑"同佢過三五七年.呢個"女主角"的重要性都成疑問.


不過成個故仔,我都預咗咁簡單,就係猛咁打.原來學過功夫,真係會好留心咁睇d招式.李連杰打得真係好,但係Solo自己練功的功夫就好怪咁.唔係咁好睇....


(可能我睇慣師父打,覺得師父的功夫似係點到即止,又到位又到家.)


睇見李連杰打,悅目但並不實際.好多"花招",但總算出手快.而且又玩好多唔同兵器.仲有同日本仔交換兵器對打,都幾得意.估佢唔到.


睇佢打的時候,有時候我都幾肉緊,因為佢哋成日拗人手,好驚.........個媽媽同個細路女,死得好恐怖.但係我好似冇睇西片咁驚.


睇呢套戲,冇諗過會感動到喊,其實呢套戲都幾刻意加入一d教育意義的題材.睇到你都會幾心痛.


睇到個霍元甲對住個山墳講的說話,忽然會落淚,但係尾段睇佢點死,我就反而冇為佢喊啦.


你話有個好朋友,係幾咁好,細個又幫你練字,大個咗見朋友做得唔啱又會勸諫,又出錢出力.仲會原諒人,呢個朋友真係唔話得.


同樣都係功夫武打片,我就喜歡睇為中國人出一口氣的片嘞,呢一種感覺先至會贏得中國人的掌聲嘛.好過個成龍成日拍荷里活的片扮小丑,幾咁樣衰.