衝擊

今日有兩個消息對於我來講都幾大影響,有一定的衝擊.

1. 樺爾佢有可能會轉field
2. 跟咗好多年的老細要移民啦

其實第一件事應該係幾日前開始討論的事,但係呢個決定亦都會影響到我,雖然佢最終都未必會咁做.但係唔知我畀佢的意見係對佢好定係害咗佢呢?或者呢個問題都係佢自己選擇好d.我無論如何都會支持佢.希望佢快d有個定案啦.


至於第二件事,對於我來說,其實真係冇直接的關連,只係當知道呢個消息,真係好愕然.曾經預計過有呢個可能,但係冇諗過咁快就到.


畢業以後的第二份工,幸運地遇到佢,一個能幹又能體恤下屬,冇脾氣又有耐性的上司.公司由上至下的運作,呢幾年由一間沉淪的公司,到上返軌道,轉虧為盈都靠佢指揮.可以話佢就係Key Player.


今日佢叫咗全公司的同事入Meeting room,起初唔知係乜事,以為係 Team meeting,到佢開口講話己經請辭........我忽然想喊.


雖然佢好刻意營造一個輕鬆的氣氛.不過我就忍唔住啦.出Meeting Room的時候,就開始喊.


就連阿頭Kenny見到,就話我係"傻妹嚟架"...其實我都知自己好傻,但係由唔知點解,好似失控咁.


Kenny話咗畀老細知,Annie 就叫我入房傾計.佢話:我知道你唔開心喎.


我其實唔係唔開心,只係唔捨得啫.只不過好似好想喊,又太"薄皮"忍唔到.


唉....我係唔係好掉臉?....其實我仲好想喊.


我知道,其實我唔會點主動搵佢,就好似冇咗一個多年共事,多年敬佩的姐姐一樣.


不過....我所做的事,也未如理想,但係佢咁就走咗去啦.係唔係冇眼睇啦....


今日少有地入去佢間房傾公事以外的嘢.佢仲同我講佢的想法,遲d過到加拿大會甘心做個煮飯婆.真係好大哂.


為咗佢的仔女,留低佢的心血,留低佢的"仔".........為咗佢的仔女有好的環境,母愛的偉大真係令人尊敬.

或者佢想放下呢個包袱好耐啦.都係由她去了.移民啫...唔係走咗唔返嚟架嘛.





希望你嚮多倫多都可以生活得好好,好開心啦.


Fairwell, Annie!