Stop!

食飯本來係一個好好的溝通媒介.今朝同Earma出去飲茶.佢竟然咁畀面肯出去飲茶,以為佢終於開竅,呢個世界唔係只有健康同財富!仲有一個叫"享仔福"的嘢,就算食吓d"唔係咁健康"的嘢都冇計啦.


原來佢係想叫埋佢志同道合的Friend嚟飲茶.又係一個懶過健康的女人.不過相比之下,人哋真係搵啱行嚟做.正所謂,"食正果行飯"就係呢個意思.工作最怕入錯行都仲以為努力就可以扭轉頹勢....(我就係一個活生生的失敗例子).... 唉~


原來,當一切極端化,一切常理都會變成歪理.


任何都比不上健康重要,沒有錢,冇得食,唔健康,就好慘.以前的人,冇得食,好慘.(依家你冇得食咩?!)


你想賺大錢,就去賣健康食品?搵到錢,又用錢去買健康食品去達至健康的目的?


人如果只有健康的軀體去搵錢,要有錢同有健康先可以去享受.做人都幾可悲.


世界應該有更可愛的事物,先有人咁唔捨得死.


同被洗腦的人傾計,原來同一個兩歲的小孩傾計都冇乜分別.
唔係冇努力過,唔係冇妥協過.我唔想再咁樣落去啦. 再咁落去,我會發瘋!


點解?乜唔講呢d嘢,就冇其他話題?