雯雯

(為咗食晏,hang咗機冇咗成篇,又要再打.........嗚嗚)

畀珮兒估仲,今日又返媽媽度,原來二家同雯雯都嚟咗,雯雯仲請我哋食朱古力,不過就同樺爾講:你唔可以嚮呢度食架喎,要返屋企先可以食.......唔知佢係唔係又扮緊佢媽媽講嘢啦.


同雯雯玩,成日都係玩角色扮演,尤其係扮老師.我哋就要被逼扮學生,我就尊搞鬼,做個搗蛋學生.點知雯雯就拉我出房門,叫我罰企. (睇嚟佢扮的老師應該都幾兇!)


同樺爾又講叫佢做勞作:你做快d啦,做完交畀我!


雯雯一時又叫我扮佢媽媽,樺爾做佢爸爸,我就指住二家姐,問咁佢呢?雯雯唔知媽媽可以做乜角色,就一於ignore我的問題.唔答我!


之後同雯雯,二家姐,媽媽,樺爾一齊去咗荃灣公園的兒童遊樂場度玩,唔知佢係唔係覺得應該係"大人止步"的地方,佢竟然唔畀我跟住去保護佢!拉開我唔畀我"玩".叫我企埋一邊.


玩咗一陣,又畀佢搵到個好以小食亭的地方,佢又扮賣嘢啦.樺爾要雪糕,婆婆話要益力多,佢就話冇得賣.佢又扮計數啦,找錢啦,全部都頭頭是道.


但係,喂喂,我哋大個啦,你唔識悶,我識架.於是我又再用我的搗蛋招數啦.今次我玩搶嘢,又扮小販隊拉佢,雯雯冇諗過做小販會畀人拉.媽媽冇教佢呢~嘻嘻...佢就只係識得講:係我架!


雯雯只係得三歲,但係幫人影相就好叻.佢又識指導我哋,叫我哋點擺個姿勢先啱,佢會話:"我唔要手",又會同我哋執吓d衫整齊d,佢仲會話:"婆婆,唔好咁樣企,要咁樣咁樣."


最搞嘢係叫:"樺爾,過嚟啦,除褸!"


佢真係知道張相影得好唔好架,見到我哋背光,影完後面光哂,就同我哋話"太光啦,要轉哂另一邊影".個鏡頭影唔哂所有人,又話影唔到,自己走嚟走去,今日仲學識較個Zoom添.


好叻架.第時大個,真係要帶埋雯雯多d學習攝影先.