快d好返啦

本來呢幾日都幾開心,不過你又令我哋再次擔心.我唔係話你呀.其實知你噚日要去睇醫生,好希望我收唔到你的電話,點知食完午飯就收到你電話.原來我真係好脆弱.


如果你話爸爸媽媽唔嚇得,其實我都係一樣.收到你電話,手顫咗一陣.如果唔係因為要開會,可能我都會繼續擔心.不過,我都係希望你話我知.


到後來知道你唔係復發,咁都開心返d.返屋企見吓你.見到你都好似安心d.


其實今日都想見一見你.不過今日好似有d感冒,都係唔探你啦.


如果可以向你施健康咒就好啦:


熊人熊人變呀~啦哈哈變呀~哈~哈~回復健康呀~


希望你快d出報告,快d出院就好啦.四家姐,你一定要好返呀.我哋仲要一齊去玩,一齊去行山,一齊去好多好多地方架.不過未回復,我哋就不如行住街街先啦.


話是話,上次的聖誕節願望都幾靈呀.希望我呢個生日願望可以靈啦.


肉麻嘢都係用番文講好d: 4th Sister, I love you~