一週回顧 1/1

就係咁啦,成個星期都冇時間寫,新既一年,節目認真多姿多采:

1/1 星期日
約咗Su,Yi,Henry踏單車,Mo同Chung有事唔嚟得,Tiffan仲病咗.所以得返好少人,不過今日就有個神秘嘉賓Alan,真係好開心見到Su終於都肯拍拖拖啦.....(其實佢一早都可以啦...)


今日由大埔墟踏入大尾篤,因為好耐冇踏的關係,所以大家都唔敢踏咁快.Henry"甩鍊",樺爾打完籃球就踏單車,所以又怕抽筋,Yi個籃又綁得唔緊簡唔中就甩.今日有一次都有d驚,我哋要一個跟一個咁過馬路,但係我一見到有車就驚,我一個急停,嚇一嚇阿Yi添.

可能99年的一次意外係有少少陰影...每次落斜果陣我都會微微煞車.


其實同我踏單車,唔好同我講嘢,唔好同我平排,咁就冇事啦.真係要小心...


踏完單車,6:00p.m就去到沙田,仲去咗做一件阿Chung嚮到唔會做既事:唱K.原來Alan都鍾意扮古巨基唱歌.不過好似學友多d喎.


我就唱咗好多歌啦,阿Yi以前都幾鍾意古巨基架,所以我又借機會點佢的舊歌.樺爾點的歌,一睇就知係佢點...hehe...我鍾意你唱的果首:"吻別的位置"同"情非首爾".


今次同另一個Hacken Fans 阿su唱吓克勤的歌都幾開心,不過我同Su識唱的歌似乎都幾唔同,唔係太多歌可以一齊唱添.或者,我哋平時都應該交流吓先.


返到屋企先知原來四家姐同阿Dee仲有媽媽大家姐大姐夫都去咗唱K...又話好想同我唱既!四家姐,你騙我的!


※ ※ ※ ※ ※ ※

今日樺爾"爸爸"嚮車站度見到地下的一個好似米奇Icon的污積,佢仲叫我影低佢話送畀"愛女"喎!