Sydney - Day 2

幾經艱辛, 終於起左身, 8點, 天已經光哂, 仲以為昨晚咁夜都未天黑, 朝頭早冇咁早天光添, 悉尼人真係幸福, 一日可以享受咁多陽光...

等齊人之後, 有專車安排我地去玩, 今日係Sunday, 緊係去玩啦... 一開始我地便向Koala Park進發, George安排得好週到, 每人兩枝水... 一路上大部分人都昏昏欲睡, 但係George果然不同凡人, 同個德國人同埋美國人一輪嘴, 冇停過口, 講野的比例大約: 美國人0.5, 德國人1.5, George 8.0... 咁好精力?!

到左Koala Park, 入去睇浣熊, 樹熊, 袋鼠, Dingoes(狗類, 白色的), 鸚鵡, 孔雀, 仲有一種好懶的動物, 貌似袋鼠, 但係成日趴係地下, 人地點搞都少理, 對眼又生得衰, 好似俾人搞到好苦惱咁, 好有趣... 樹熊就成日坐係樹枝度訓覺, 唔跌先好野...
之後個站係Blue Moutain, 途中有一些景點俾我地影相, George一路上又係唔停口... 繞讓完一輪去左The Carrington食Lunch, 原來係George渡Honey Moon的地方... 幾有特色, 內部多數係文物, 雖然有點舊, 影相總算都有野可影, 但係個餐就強差人意... 芝士好難食啊~~~

食完野又坐車去Scenic World, George毫無倦意, 越戰越勇, 都唔知係咩構造, 難怪撈得咁掟... Scenic World可以拍下照, 參觀下個煤礦, 仲有Tram坐, 下山時差唔多九十度, 好彩唔快, 如果唔係心臟實負荷唔到... 之後上山就坐纜車, 同海洋公園唔同的係, 佢一次可以坐好幾十人... 玩完一大輪之後鳴金收兵回酒店... 而我亦在George滔滔不絶的英文中入睡...

回到酒店, 今晚Dinner係自己搞掂, 咁就同各路英雄私下約好去China Town度食野... 7:00一齊出發搭火車去Central的China Town... 佢地揀左間廣東酒樓食野, 咁我理所當然負責介紹同點菜啦... 菜單如下: 美國人點左時菜炒蝦仁(荷蘭豆), 德國人點檸檬雞, 韓國人點左北京鴨同招牌窩面(海鮮), 咁我就加左蘿白筋腩煲同埋中式牛柳, 仲叫多個Salty Fish 雞粒炒飯添...

第一道菜鴨, 美國人一睇便不爽, 一口都冇食過, 之後又嫌茶唔好味... 搞到之後的其他餸一點都冇郁過, 直至時菜蝦仁一上, 就自己霸左來食... 德國人就好D, 讚D餸好味, 我的評價就係一般啦, 唔值呢個價, 份量係好多, 搞到我地淨係食左三分二到... 埋單160澳元仲話食唔夠數唔俾簽卡... 好彩韓國同事有得Claim, 咁我地就當然多謝佢啦...

回到酒店又影左幾張夜景, 點影都唔好, 算數... 返房準備一下明天的Presentation先...