本Pair

唔打唔打,一打就三篇

今日本來要準時走人,但係因為要Launch公司產品,好奇怪今日我唔係一個人試.我如常地做完,冇事發生,我就起身執嘢走,因為我又眼瞓,又好想返去見媽媽佢哋(...幾日冇見咋喎)


不過今日反而同事要做的嘢仲未得...要等佢哋,真係有d反常.


其實佢哋要做的事,本來同我冇關,但係關於個產品的事,有乜問題的時候,因為我通常是"最後關卡",情況許可的話,就會由我Fallback,所以今日就冇得走住.


(網頁中最面層的"介面"給用戶使用就是"最後關卡",因為往往也是最後準備,而有問題時,Fallback就可以了.而這也就是最表面,最手柀眼見的功夫的一層,就是一個不必花時間已經可以理解的一個層面,就是最不用 Development Time 的一層.)


好彩今天做好了,最後都係唔駛Fallback,就算仲有很多支Thread還未完成,我都想抖吓氣.


返屋企見媽媽,吃到媽媽煮的餸真係好好.


有時媽媽都會問我,我做d乜架,打乜位架.我有時會同佢講,我係做網頁既.咁好多人就會聯想起好靚靚的網頁.冇錯,公司的網頁係我造的,有時候仲以為我係 Web Designer,但係我就會講,我唔係Designer.咁我又可以點介紹呢?我甚至連Programmer也稱不上.其實,只要有 Copy & Paste 的功能,有好多網頁都可以完成.我就是操作Copy & Paste程序的工作人員,大概是HTML Clerk 吧.


我可以用Photoshop,Firework,之類的軟件畫簡單的圖,Convert不同Format,我喜歡一手包辦,我要原作原創,就是原抄,亦要原.我學過影相,希望自給自足.我上網找料,我喜歡找多個例子加在一起....


但過後連自己也忘記所做的是怎樣的一回事,因為往往是在急逼的情況下 Multi-tasking (同時做幾個不同的Task),而亦必須同時進行,同時完成,並同一天出街(Launch).之後新工作又來了.


而Requirement呢?"唔駛要好多圖,只要靚靚哋就得"...此時只好無聲勝有聲.


我很想說服自己,就算再無新意,只要過得人,就可以過得自己.就是無新意,無創意.又有乜所謂呢?


我好少會講我的工作,因為太微不足道,有時候會想轉工,因為一做已經五年.
唔好問我點解,要搵個走的藉口好易,找個留低的藉口亦然.萬物皆...


希望我可以拿出逃跑的勇氣來完成...這只是單方面的想法.


固執.執著.執迷不悟.