Sydney - Day 1

九點搭上的士, 轉機場快線直奔機場, 係商務貴賓室欣賞完古巨基的星戰之後, 便快快上了機... 悉尼, 吾往矣!

估唔到十一點機都有晚餐食, 分量仲好夠添, 有魚, 有飽(熱的), 食到飽飽, 便睇<掌門狗之世紀大騙兔>, 一點都不好笑, 好失望... 睇完便倒頭大睡... 睡得不太好, 好似幾次有遇到氣流都會醒一醒... 迷糊中到左澳洲啦, 已是早上10點, 居然仲有早餐食, D晚餐都未落格... 食完仲有時間便睇NANA, 感覺一般... 未睇完, 不過估計漫畫會好睇D掛...

下了機, 出機場都好順利, 到的士站排隊, 個管理員居然派個阿差司機俾我... 算... 同個司機傾下謁, 但佢的英文好似仲差過我... 話已經來左悉尼七年... hmm... 最搞笑係佢介紹我去Zoo玩, 話如果夜晚得閒可以去睇下... 我好奇怪咁問, 咩動物園夜晚都開架咩? 佢呆左一呆, then, "I don't know.. ha ha"... 但我落車個陣仲係好熱心咁叫我一定去Zoo睇下...

到酒店Check In已經2點, 派左係507號房, 好意外地係單人房... 不過個景觀好靚, 正對住Sydney Harbour & Bridge, 我稍為整頓便急不及待咁出動了... 亂咁行, 不過方向大概係向住海, 要影相嘛... North Sydney呢度人比較少, 鋪頭又少, 不過就好恬靜, 環境優美, 多數係低層建築, 又新又靚, 行落好舒服, 雖然廿幾三十度, 不過唔覺熱, 有海風吹住, 好愜意... 行下行下便到了橋邊, 意外地見到Opera House係海對面, 便快快影低... 呢度的鴿一點都唔驚人, 任影唔嬲... 我見到有人係橋度行, 心想橋上景致一定更好, 便週圍搵路上去... 但點都搵唔到, 咁就去左Milson Point火車站, 試下搭火車去對面海睇下... 研究左個火車線路表好耐, 決定去Town Hall, 應該會有野買, 仲可以行番來影相...

悉尼的火車係有上下兩層的, 連單車都可以上... 無幾耐就到了Town Hall, 咦, 點解感覺去左唐人街? 好多黑眼睛黑頭髮, 高樓大廈, 同頭先North Sydney唔同, 又多人又多商場... 當下興趣大減, 便即刻轉軩向Bridge的方向行, 沿路見到頭頂有火車經過, 好細架的, 好得意, 叫MonoRail, 真係好頭頂下架... 亂咁行下行下, 見到前面有海, 便即刻行過去... 點知行下行下去左Darling Harbour, 都好... 順便影下相, 仲有個海防博物館, 見到一艘戰艦同潛艇, 幾型...

睇左路邊的地圖後便修正左方向, 正式向North Sydney Bridge進發, 沿住George Street, 一路都有指示地圖同路牌, 十分方便... 好渴便去7-11買左水同可欒, 成5元, 真係好貴... 沿路仲順便睇左Rock Market, 同女人街性質差不多, 不過就寬敞好多, 賣的東西都幾得意... 兩邊有好多酒吧... 搵左一輸終於找到上橋的路了... 於是一路行一路影, 雖然橋好大好壯觀, 但係企定就感覺到震下震下, 都有D驚...

行得真係好累... 我都估唔到我可以咁多路... 番到酒店, 梳洗完後便睡著了... 醒番電視播緊網球... 天都仲係光的, 唔係呀, 夜晚8點啦噃... 悉尼人真幸福, 8點個天都仲咁光... 8點半, 再唔落去食野就收啦... 於是單施落去酒店Restaurant(得一間, 仲有一間Bar)... 點左個Caeser Salad (Small), Chicken Breast with Rice & Mushroom, 仲有一杯啤酒, 嗯, 這裡啤酒很新鮮... 這裡的小吃很特別... 這裡的Salad... 咁大個?! 心想中招了... 回想當年去美國同一個韓國同事點菜的事, 兩個人一人一個Salad, 仲有泠面同天婦羅... 居然只能食1/3... 好彩我今日冇乜點食野... 居然食得哂... 野食就真係麻麻... Salad的肉好硬, 飯又軟, 好彩杯啤酒幾好... 早知唔要個Salad, 成16元!! 雖然可以報銷, 但係唔抵食嘛...

回到房, 睇埋費特拿對蛋散.. 完全不是一個級別.. 轉台, 居然仲有賭博的遊戲節目, 叫幾個人上電視賭錢, 好似賭王大賽咁... 打埋呢篇野1點啦... 睡了...