雞年的最後一個工作天

噚日覺得唔多妥,飲咗Kathy之前塞入我屋企信箱的一包薑茶...
真係好..........................難飲.


不過呢,飲完好似個身暖一陣,又再凍過,可能我的身體真係"非一日之寒" ...不過都要謝謝Kathy!


今日要返工,如常地遲到一點點.今朝冇乜精神,又好似就嚟病咁.好在返埋今日有假放啫.


今日冇早放,我的Schedule排得好密,又要搞新的Server x 2,講Migration就好似好容易,做起上嚟好鬼死"濕碎"...如果仲加埋有唔同人"耐唔死"走嚟"請教"你,你都未必知自己做到邊.


幾經波折,終於都準備好個兩個Server啦.但係仲有一大埋的工作要做.但係己經係6:xxp.m.


樺爾臨走的時候又畀人叫住做嘢.我就搞返個新Website的嘢.


其實今日冇乜放假mood,但都冇工作mood...哈哈!!


不過年尾啦.聽日的活動反而係最早安排好的一日.

行程:

-> 留在家執屋(唔知執唔執得切呢?)
-> 去爸媽度食盤菜 (唔知可唔可以夠時間同大bb玩呢)
-> 克勤演唱會 (唔知佢會唔會唱一d少d人識的舊歌,為佢以前"平反"吓呢...)
->Mabel忽然約我去行花市,好開心呀!!!!!!!(唔知係唔係真係同倒佢行呢?)


好快就知.


係喎聽日冇時間寫


講定先:

祝

學業進步,步步高陞,陞官發財,財源廣進,進...(進乜好呢???進退兩男!克勤都未唱,就咁快上腦...老實講,我冇乜聽呢隻歌.)

總之就心想事成,青春常駐,恭喜發財!

新年快樂,樂樂(66)無窮,窮都變富貴.....啦!