一週回顧1/5

1/5 星期四


今日返到屋企終於睇埋個"鋼"的結局,之前阿Dee同四家姐都話唔係太鍾意個結局,但係我就覺得都算係咁啦,唔係太悲,又唔係唔合理咁大團圓結局.相比好多日本卡通來講,都算有d睇頭啦.


如果佢真係搵到一個好"高招"的結局,可以圓到謊,可以解釋到,而兩兄弟都可以冇穿冇爛咁一齊,咁我就好佩服啦.聽講話個故仔仲未寫完架.


其實"賢者之石"真係幾好架.如果我有的話,我想好似馬爾科醫生咁,整吓爸爸個心,媽媽條腰,我隻腳.


又如果真係有驚情四百年的人,真係幾嚇人.要咁長命把鬼咩.身邊的人都死哂啦....


奇怪,如果大家都唔會死,到底,人仲會唔會珍惜眼前人呢?呢個世界會點呢?


本來寫咗好多嘢,但係因為hang咗個 Browser,再打都冇意思啦.