一週回顧1/4

1/4 星期三 糟透的一天


今日返工,例遲...可能成日睇"鋼",噚晚發夢好似好混亂咁.因為之前on and off有睇無線播的"鋼",我發夢就好似繼續睇落去之後幾集咁.瞓得好差.


今日公司的電腦要裝返個 source safe,裝之前Kelvin又畀個VS Dot net 的Msdn Libary 我裝喎,裝咗一次,Disk 2 read唔到,再裝都唔得,之後以為自己的CD-ROM read 唔到,就用同事Share CD-ROM再裝,又唔得,諗住用Kelvin裝過既CD-ROM,冇死啦嘛...都唔得?!!Setting 唔同?!!


放棄吧!點知Victor都裝唔到,佢就問,係唔係畀錯碟呀?!係喎,Disk 2係另一套碟架, -_- 死蠢!


好啦,裝另一個Software,我一路唔肯裝VS 6的Source Safe,就係想用新的2003 Version,點知Kelvin又話佢既係Sever Version喎,我又趕住用,咁我就死死氣氣去裝舊 VS6既啦,點知第一次裝,我又Hang 機,第二次先得.我呢頭裝完,佢果頭就話原來佢果隻係新的Developer Version喎!死未?!


咁就3:00p.m啦.我唔裝新版啦!Ding dong ding dong ding~~~~~(呢個係朝劇的音樂呀)


裝完啦,試嘢啦...又唔得...唔知點解,搞兩搞之後又無啦啦得返!


唉.....可能精神唔好啦,做乜都唔好,人黑打倒 Tun!


今日裝裝吓嘢,Mabel打電話話佢可能有更加前坐的克勤飛,咁我就要搵過另外兩個人去睇啦...好彩Berry想要又買唔到咋!不過就唔知Mabel係唔係真係攞佢人哋個細佬的兩張飛囉.如果冇點算?


今日追過咗無線"鋼"的進度啦,好緊張呀!