情緒高漲

就係咁,睇完演唱會,同家人講Bye Bye之後,我拉住樺爾就同Mabel一齊去咗花墟球場行年宵,其實都係想睇吓有乜得意嘢,可能只係睇到好多吹氣公仔,冇乜意欲買嘢,今年係狗年,Mabel當然會搵到佢的至愛既史納莎公仔啦.我哋仲影埋相添.

其實Mabel應該都好攰,佢一路行緊入球場,見到路邊好大棵樹,以為係人哋手楂住,仲好奇怪咁同我講,咁秃既...我仲以為佢講笑!我就敢肯定,冇人可以楂成兩米的秃枝而一d手顫都冇!


哈哈,唔記得我哋仲有乜瘀嘢啦...不過就好好笑.


行到嚟2:30am左右.情緒咁高漲,唔好畀佢停,唔好畀佢停!!!所以,樺爾同Mabel嚮唔敢反對之下,被我話事去咗唱K,其實話唱K,不如就話係克勤Fans歌曲之夜...其實今日唱咗四五頁李克勤的歌咋,仲有幾多架?!


同你先可以乜歌都唱一餐....哈哈哈...樺爾當然就乖乖地冇反對的餘地啦.只可以間唔中唱吓佢識的克勤歌,又間唔中插一首半首周杰倫或者范逸臣的歌,數得出只係有六隻唔係李克勤咋.(有二首范逸臣的歌仲唔唱得添!)

唱完都6:45am,一齊食粥之後返到屋企都8:30am!!


學樺爾話齋,唔知Mabel係唔係瞓醒起身就又睇克勤呢?今日我哋坐好前啦....哈...