新春團拜

今日係大年初二(其實呢個係後記嚟),往年我就會年初一就團拜.因為哥哥年初一要開工,改咗年初二.


其實個個星期都好似新年咁,不過新年就有得睇d大BB著靚靚,今年君君同羨寧就反傳統,著咗公主裙,啟賢成身紅色,好以係個大紅封包咁.


瑩瑩同雯雯又一身中國華服打扮,雯雯仲梳咗兩個髻,好可愛.好娃娃LOOK.瑩瑩講嘢就不嬲都好大聲,拜年唔駛敲銅鑼.


不過今日佢哋幾個BB其實係各有各玩,君君同羨寧嚟到仲要睇果套己經睇咗好多次的"哈爾移動城堡",羨寧好熟裡面的情節,仲同我哋講,話"個哈爾會跳落去之後又飛返上嚟架",佢好少會開口講嘢,但係佢真係睇得好留神.


哥哥仲一邊講解成個故仔畀大家姐聽,哥哥不嬲都係講故佬.其實我哋都好耐冇聽哥哥講故仔啦.君君,羨寧同啟賢真係有褔啦.


雖然今年係我第一年派利是,但係我哋仲猛收利是喎.真係好!依家D利是真係愈來愈靚啦.媽媽畀咗D好Cutie的利是封畀爸爸派添.唔知點解,我覺得爸爸今年真係特別開心.唔知係因為佢要做的中醫筆記終於完成咗,定係因為見到啟賢乖孫呢?不過我就覺得爺爺唔係咁偏心既.

(2/4 打打吓 12:00AM 個Friend有事急Call...待續.)