克勤終於肯結婚啦

今晚睇"勁歌金曲",明知係豬肉獎,但係都係會睇吓,因為諗住李克勤呀,古巨基呀,實會有上台機會呀嘛.


成晚好似聽極都係幾首歌."希望"可以唱國+粵語,"勞斯.萊斯"又唱兩次."無賴"都係,但係點解"天才與白痴"有"金曲"同"四台聯頒"兩個獎,但係只係可以唱一次?! 唔公平!


不過攞得最多獎始終都劉德華......噓.......!


唔知係唔係克勤有主場Feel,終於部處好講呢番說話要結婚.


不過"婚前的女人"的歌詞呢句"但卡數跟心愛是正比例",我其實就唔係好接受,(所以唔會係我最鍾意的歌)但係見佢終於都成家立室啦,都好"鄧"佢開心lu~~


哈...其實佢早幾年開始到今年已經成日男人女人,好似成年前已經諗住結婚,所以先整成隻咁既碟咋嘩~?唔知呢,好似已經定咗型咁.下一隻會唔會係"婚後的男人"...唔好呱?!


想打呢隻碟好耐,一直都冇時間,上次Post仲瓜Browser添!搞到冇心機再寫.


其實成隻碟只係"阿李爸爸"可以飛之外,其實都各有特色,再加上克勤同陳少琪各填五首,都幾得意.但係始終用詞還是..."粗糙"一點,不過,至少都啱音而且又幾寫得幾新,幾抵死...


"未成年同盟會" - "牛仔褲襯老西　故意露底" ~咁露?!


"勝中情人" "每晚將假牙放好先可接吻" #%$# 唔...都幾搞笑架.


不過我都係比較喜歡"常在你左右"有d修辭技巧好d:


"如難復合 合做摯友 友愛共伴　伴著最後　能傾訴就夠" --嘩!頂真句喎,幾高! 唱得好好聽!


其實克勤作詞的"十年前後"寫得幾好呀.應該要"煲"呢首.


如果有買碟既呢,睇埋個DVD版就Perfect啦!因為其實成隻碟可以見到好多唔同的中西樂混合使用.如果淨係聽呢隻碟,就哂咗呢隻咁苦心經營的碟啦!


咁多中樂,點解個主題成日都係韓國?!!首爾?!人哋改首都名都唔洗首首歌都係架嘛?!


我的"李克勤演奏廳"推介:


"常在你左右","十年前後","情非首爾","韓夜不冷","輸情歌","未成年同盟會"