冇獎問答遊戲(係呀,你冇份架啦)

今日派利是,但係收的仲比派的多,多謝大家姐Cover我的"Lost"!個個家姐哥哥都冇手軟,收到都有d唔好意思.


媽媽今年都好搞鬼,派利是又玩抽籤咁抽,仲玩有獎問答遊戲,答中就有利是一封.


媽媽有五個利是要出五條題目:


1. 媽媽幾年幾月出世


嘩,咁淺,好彩大家都未warm up,我就搶先答咗啦!好嘢~估唔到我都可以快過佢哋!


2. 以前的門牌幾多號


媽媽其實心目中係講緊獅子山的門牌,我哋猛話1102, 1528都冇用,得我同阿Dee唔知獅子山的嘢!哥哥好快就答到啦.


三家姐就話,咁對我哋細的唔公平,所以要出返d大家都識的.


(哈,我好似一個會議記錄的秘書添!)


3. 媽媽同爸爸的結婚日期


邊年邊月邊日,西曆加唐曆都講得咁清楚,抵阿Dee攞喎.


4. 媽媽姓乜


嘩,咁淺!唔駛講,呢個就要反應最快的人講就係啦,咁就畀三家姐講中咗啦.
但係二家姐的答案真係估都估唔到,佢講咗媽媽以前祖先的姓氏!好嘢,二家姐的記性真係好好!


5. .....


媽媽都諗唔到再出乜好啦,就拋咗個Ball畀爸爸,第五題就由"百合詩人"代出.


"百合詩人"就即係"百合詩人",諗的題目都要提首詩,爸爸今日詩興大發,不過就好似"當機"咁款,佢話要出個燈迷.

5. 猜一物

ｘｘｘ一君子
出嫁瘦損腰折
日時同步同行
夜來獨立床邊

唉........唔記得咗第一句添,唔該,邊個記得既話我知丫.


好啦,估唔估到?由於我的文學知識有限,仲掛住用攝錄機影爸爸,只係啄磨緊"出嫁瘦損腰折",點知樺爾走過來用咗唔夠一分鐘,就講咗個答案出嚟!


答案就係:枴杖!


佢仲可以解釋得頭頭是道.梅籣菊竹四君子,瘦損腰折,就係要破開旁枝同折斷竹支.


哈哈,可能爸爸之前出過題目:"孔子搬家"的揭後語,訓練有數啦...


話時話,要搵"揭後語"的答案,上網一查就知啦....爸爸的電腦上唔到網,所以就唔知個答案啫.其實個答案係"盡是書",爸爸就話,文憲冇講過孔子搬家的事,所以應該係"冇人知"!


至此以後,嚮屋企裏面講"孔子搬家",你就知係乜嘢啦.


例句:"三家姐又走咗去邊呀?打極都打唔到畀佢" ... "孔子搬家囉".


其實爸爸的心思真係好得意.