羨寧同我講的第一句話

今日又返媽媽屋企,明知哥哥一家大細要出嚟媽媽度要千山萬水,所以去見媽媽之前又去咗買餸.今次呢...買咗d連媽媽都好少買的金錢肚,再買樹樹啦(西蘭花)、苦瓜、蟹柳、中段雞翼、同葱添.之後見樺爾聞到有好香的豆漿味,我哋諗住媽媽鍾意食,就買咗兩碗豆腐花同兩樽豆漿返屋企啦.
返到去仲未見到哥哥.但係四家姐就要走啦.四家姐仲送咗支Eye gel畀我添...我都知我真係好殘既,不過成日收好多咁好的嘢真係唔係幾好意思,話哂你都仲係無業遊民呀嘛.
本來大家姐走嚟同我傾緊計,蓋蓋丈丈就成日學君君講:"我有少少悶呀!"之後又同阿敏走咗去打機機啦.
今日都冇乜時間同BB玩,樺爾連少見面d的君君同羨寧都可以玩得咁癲,真係有d妒忌.媽媽見到d豆漿都就快凍,叫咗我哋自己食,點知君君原來好肚餓,好乖咁食哂成碗喎!大家姐仲話,上次君君都唔食架.原本仲以為可以留一半畀未瞓醒的羨寧添.
食飽飽先有少少機會同佢哋兩個BB一齊玩,我攞咗個廁紙筒放響隻眼度對住佢兩個扮望遠鏡,呀妹突然間對住我講咗句:"傻妹嚟架!"一手就搶咗去!我聽到佢咁講就係受寵若驚,乜我仲係傻妹嚟架?哈哈,個心都甜哂.
嗚嗚都係返少d屋企啦,唔駛次次都要我洗碗!我下個星期唔出現啦.因為我要同樺爾去蘇州啦.

今日同事嚟我屋企

今日朝早成日都落大雨,本嚟想出去食嘢,之後再去買嘢招呼佢哋添.睇嚟可能佢哋嚟唔到喎...不過只係Joseph 嚟唔到,佢仲千叮萬囑叫Dolmen帶UNO添...我連UNO都冇... 但係又唔記得攞屋企的過嚟6_-!.Joseph 都算唔話得啦,嚟唔到,都記住為我安排.
Kelvin & Fion, Philip & Flora 都一齊嚟,仲一個帶豆腐花,一個帶果汁香檳添.不過 Philip 睇咗一陣相就要早走,所以就冇飲到支果汁香檳.後來嚟到的Dolmen,Daisy & Roy,睇咗一陣相就玩吓外型好似台灣麻雀的數字遊戲,之後玩咗一陣UNO先走.
佢地幾個的腦都轉得幾快喎...不過我就...唔知點解一玩要用腦的遊戲我就唔知個腦去咗邊,個數字遊戲切嚟切去咁,明明可以贏都仲要kelvin指點添.
玩 UNO 時,樺爾坐響Kelvin隔籬,本來唔係罰佢都變咗罰佢,我仲係咁罰佢添,Roy 就唔記得咗點玩,幾舖之後就一馬當先,之後都反魂無術啦,不過樺爾就後來趕上,勢均力敵,雙雙包尾收場.Dolmen 同 Fion 就唔錯 Keep到100分左右.
今日都真係幾好彩,佢哋嚟的時候又冇乜雨,走的時候又冇雨,響屋企的時候,反而有時雨勢頗大添.
今日買咗炸魚皮,Dolmen就話幾好食...我之前同樺爾食得太多熱氣嘢,今日都唔敢食喇,所以都冇試到添.下次都要買多次先.

晚上又試吓煮飯仔,今次玩大堆頭,一味靠多,有青椒絲金菇粟米仔炒豬肉,我仲首次煲呢煲豬展節瓜湯,豬展煲得欠咗少少火"候".不過還可以啦.
今日終於都同樺爾打贏咗 PS2 版的 NBA Game 啦,同佢夾咗5舖,第一次輸30分,第二次輸20分,之後10分,8分,終於都贏咗喇...不過唔係樺爾帶著我諗都係70比2x咁上吓.不過PS2好屈,內線打唔到,用 Rocket 的姚明入緊樽,竟然可以畀矮佢成節的人 Block 到!

見雯雯雙重心痛

樺爾依家真係取代咗我響的地位,雯雯本來好鐘意同我玩,不過可能我成日掛住同二家姐傾計,樺爾就可以一心一意同佢哋玩,所以d BB 都同佢好玩d....(為自己找藉口辯護?)
樺爾又同佢玩拼圖,就食飯喇,雯雯其實淨係食樹樹,食脹咗個肚就算.食完飯玩咗一陣,雯雯就想拉樺爾入去佢的閨房,仲指明唔可以帶我入去添~~!嗚~~6_<~~~~~
我當場就係咁咇d眼淚啦,希望雯雯氹吓我帶我入去,但係雯雯就呆咗,可能佢知道搞喊咗我啦.咁我就問佢可唔可以帶埋我入去佢間房呀,佢先肯帶咋,但係就拖住樺爾隻手入去,我又問,雯雯你唔拖我架,雯雯就細細聲話:"你要自己行入去呀" ~~~~~~~~~ 我真係好想C計劃(lur 地)!真係心傷.
入咗房,樺爾又用佢的電話相機同雯雯影相相,雯雯又同我地影,但係唔係好似水彩畫咁花哂就係cut頭,終於有一張叫做見得吓人咁啦.雯雯影親相就好開心,"喳"住個相機就唔理自己身處何地,我噤啱就同二家姐講緊個抽氣扇的事,一轉眼,樺爾原來去咗睇吓停雨未,咁就出事喇....雯雯同個相機一齊由佢既新床樓梯度跌咗落嚟,撞傷咗小腿!聽佢失聲的秒數就知道唔少嘢...不過總算好彩冇撞親重要部位.見到佢喊個心都痛埋...樺爾的手機好似就short short 地...唔知有冇問題添.
之後許sir仲同二家姐,雯雯一齊送我哋去油麻地...嘩一家大細嚟送我哋走,真係夠哂排場!
咁啱就係我公司樓下落車,我心想...好似玩飛行棋咁,四隻疊哂一齊,點知畀人撞中咗,要打返回頭,返回起點.
返屋企前,仲去搵阿聰幫手借個 Linksys Wireless Receiver 添...真係矛盾,又想用個 Linksys 就解決問題,但係又接受唔到個Buffalo 真係咁不濟?! 都係返屋企再試清楚d先.
都未試過咁夜無啦啦搵朋友...以前都冇可能咁做...或者,真係獨立咗,又可以"放縱"吓自己.話唔定有一日,我可以話約吓 friend 無啦啦去飲吓嘢,又唔駛管住自己幾時要返屋企.唉,好奇怪...夠鐘就返屋企,想打電話畀朋友又冇咁做...日復一日...咁幾時先搵人?

仲以為你會寫d乜

有時都好後悔當初開個Blog話係兩個人的Blog,因為你成日都唔得閒,得閒打機都唔得閒打吓Blog...
突然發覺有新的post,真係有d歡喜若狂,你終於都肯寫吓啦....不竟我唔係自己一個人生活,有時候都想見到另一半的生活點滴,又或者發吓"up"風都可以.但係如果變成交功課咁,不如就唔好交啦...當然你又唔會花時間咁敷衍我啦...因為有時間都打機同瞓覺啦...係咪?見到你寫嘢仲以為你會寫d乜...原來...
雖然我尋日去咗同d同事一齊打叮"dum" ball,同 snooker....打到好耐仲未返屋企...不過我都有掛住你架...嘿嘿..只係有d貪玩咁啦...但係見到你響Blog度話掛住d BB 都唔掛住我...嗚嗚...咁又幾失望架...
不過話時話,自從早幾個月前,就算d bb 響度,都冇乜時間同佢地玩,反而你就個個 BB 都玩到熟落哂,個個都纏住d丈丈響度玩...咁我哋幾個姊妹先可以傾吓計咋...
下次返屋企唔帶你去,咁我就可以霸住同佢哋玩!!

今朝咁早起身,都唔知為乜,為咗幫阿聰一齊上esdlife個網度預約登記婚姻註冊時間,點知上定網等入去,一踏正就入去啦,點知hang住hang住,鬼咁死busy...之後試幾次都係咁,好鬼死慶.想打電話同阿聰講無能為力的時候...佢就打電話嚟話,個friend已經幫佢搞掂啦!
嘿...有冇搞錯,我上次都OK快架...等我仲特登試打好幾次佢哋的身份證number,練熟樺爾個Keyboard添...真係無用武之地!
不過算啦,至少佢搵到人幫到佢...講真,如果係大旺日,每對新人都搵幾個friend幫手,幾百個 time slot x 幾個 friend,成千人踏正8:00a.m.一齊入去 esdlife 個網,你話佢個網點會唔Busy先得架...

B2症候群

你有無試過以下經驗? 會不時想起某些人, 想起時會不經意地笑出來, 快見到某些人時會加快腳步, 急不及待. 如果佢地唔理你, 你會很沮喪; 如果佢對你笑, 你會心花怒放. 對住佢地, 你的心仿佛變得年輕, 為左佢地開心, 你會不惜代價地去做一些平時唔會做的事.

如果你試過, 咁, 你很可能已經患上了B2症候群. 得了這種病的人, 沒有根治的辦法, 只會越陷越深. 唯一的安慰, 就是... 你可以告訴自己, 你還是蠻有愛心的~~

唔知你今日點呢?

唔...兩個星期都冇見到你啦,本來以為尋日可以見到你,其實我都唔係特別喜歡詠春,同你一齊學又當見吓你,咁都幾好架.唉...不過你又好忙,仲病咗添...
你真係要小心d呀...唔好好似四家姐咁,因勞成疾,要多d休息,要多喝水,要食有維他命C的食物,要空氣流通,如果咳咗三星期,切記去照肺呀...
四家姐好番好多啦,希望唔係o個陣成日同四家姐一齊,又帶住d菌見你...又傳染埋你呱??不過我哋個個都冇事...可能佢既菌唔係傳染性既...唔知呢...好擔心你架.
今日...可能都係有少少想避開Earma...又返媽媽屋企避吓...嘻嘻....有好嘢食,仲可以指使樺爾洗碗...其實係佢自己話去洗架...哈哈...樺爾都真係幾好既~~~
同阿敏一齊用四家姐的手機錄音做電話鈴聲,點知錄嚟錄去,唔係阿dee忍唔住笑就係我忍唔住笑,再唔係就係四家姐引我哋笑...總之點錄都錄唔到,搞到爸爸就話咗句"Chac Si Nong"(嘈死人...)
媽媽仲猛叫我同樺爾快d返屋企...

甜蜜十一日

某個程度上,我可能係犯賤既...當Earma響度,就好唔自然,好似有人監視緊你咁.但係當佢唔出現十日,我又開始問樺爾,點解佢唔返嚟既?唔通佢嬲咗我哋?又或者佢唔舒服?定有d乜嘢事?
到知道佢返咗呢,又唔係好想返屋企見佢.有時間見我媽媽仲好啦....(樺爾真係慘...會唔會搞到你好難做?有媽見不得?)
不過可能今次Earma有打電話通知佢返嚟,知道佢返嚟,反而鬆一口氣,至少,佢仲好地地,唔係嬲,又唔係唔舒服,如果唔係,我就好似罪人咁,所以今次就會覺得開心d,至少我會有d準備呀嘛.

剛剛過咗"甜蜜十一日",依家又告一段落啦. 6_6 又要改編阿敏細個唱的o個首放學歌...

"現在快樂告別,Mami又返嚟,快樂十日暫停,又要對住佢."

第一次請客

今日約咗Mabel,Pui Yee, Ginny, Iris 嚟我屋企玩...
叫咗Pizzahut個"軟殼蟹Pizza擦子膠餐",本來仲要加個雞翼...因為尋晚mark嘢mark得唔好,以為係Spicy Chicken rice...問個服務員都話冇呢款...咁就轉叫個千層肉醬闊麵啦...
(其實依家打字打得多,雖然成日打中文字,打到d字唔識寫就查,打到連寫字都執筆忘字.急起嚟,拿起手隻隻字都唔識寫!吓吓都用英文代替....所以唔記得寫個"翼"字...就唔知原來係chicken wings!!!)
個"擦子膠"真係油麻地...只不過係一味有d棘的矮瓜吧...6_@

其實上我屋企都幾悶,又冇乜嘢好玩,冇乜嘢好做,只可以傾吓計咋...唔知點解,可能我哋太熟啦,有時講起嘢上嚟就好似七嘴八舌咁,如果我有四把口就冇問題,咁同一時間就可以分別同你哋四個都講吓嘢...唔駛講到一半又要回應另一個...(嘿嘿...知唔知我係話緊..你,同埋你呀....)有時候要體恤吓我,唔該...可唔可以就吓我轉數慢,一個跟一個講,咁我就會清醒d...回應得切架啦.因為當你要同一時間回應幾個人的時候,都真係幾攰架.

如果可以的話,真係想多d聽吓你哋各自的近況...關於我的話題都已經差唔多告一段落啦...

其他既都應該仲可以,但係呢様嘢我下次一定會記住,我一定會準備好4公升的冷熱水先恭候你哋大駕光臨架啦...待慢哂唔好意思呀.

好耐冇見大家姐

今朝食咗叮叮乾炒牛河同叮叮星州炒米,都係星州米好d...
每個星期六我都唔會太遲起身,因為星期六早上真係好好用,有d自然光透入屋,又唔駛返工,唔駛開燈就可以執屋.之後又會同樺爾一齊睇一套重播卡通片"少女十七減十一"...hehe..其實都唔係好好睇,不過又幾好笑...係話個十七歲的女主角無啦啦碌咗落樓梯撞親頭,之後智商返回六歲,之後成日都好似個蹦蹦跳的小女孩咁.個故仔都幾得意...(哈哈...忽然想起自己有個朋友,唔知佢係唔係又撞short咗個腦呢?仲好似中學生咁,仲係好鍾意米奇老鼠啦,又會蹦蹦跳咁響個商場度行,哈哈...不過就覺得佢好可愛囉...)係呀...講緊你呀.大個女架啦...快鬼d搵個佬啦.
唔...聽日就見到你哋一齊嚟屋企,真係好開心,又好鬼死緊張...因為,有生以來,我係第一次請客人呢我屋企,以前同屋企住,幾時都唔方便.依家就可以啦...哈..不過就連招呼都唔知點招呼添.

返到媽媽屋企,二家姐同三家姐都返到啦....仲有哥哥同大家姐未到.我就特登帶咗個相機同佢地錄影添...雯雯同瑩瑩成日模擬呢樣,模擬o個樣,今次仲連疴屎屎都模擬埋...6_#@#@$# 咁核突!佢地又扮企響到疴!!又扮"敏"屎!仲扮擦廁所添!!!
之後雯雯又攞咗我個相機錄瑩瑩,不過瑩瑩唔入鏡,就好"猛"咁話:"沛瑩,唔影到你呀~~"要瑩瑩自己就返個鏡頭!
我仲錄到瑩瑩爭櫈仔,同雯雯頻頻打小報告添....再加埋三家姐的驚險鏡頭...不過file太大要用返Canon 個 program 先 download 到.
哥哥同大家姐都未到,咁就用哂d電啦!
返到屋企,發覺自己都仍然好似一個 technical support 咁,爸爸話想要 print 嘢...(我都好想換咗佢部腦,三家姐,快 d畀 d driver 我啦),四家姐就complain部新手機 download 唔到嘢,仲話拆個外殼成日要用暴力,一攞個Manual睇就知點樣唔用暴力啦....四家姐...你係大力...但係都唔駛得舖蠻力架?!
唉...連拆張櫈的手柄都要我嚟拆?!哈,阿敏以後的事靠你啦.
原來哥哥嚟之前去咗出手機,返到嚟都4:00pm 啦.不過哥哥返到呢就讀Manual ...!嗱!唔係凈係我會讀Manual架!之後哥哥又攞咗蘊德的相機電話嚟試,第一時間試的功能...竟然係...計數機!!!哥哥仲好振奮咁話有 Sqrt 的功能添!第二個要試的功能就係單位換算...第三個要試的功能就係計時器!!!仲要試吓個反應時間快唔快~~我就好似隻小狗咁圍住哥哥轉來轉去等緊佢試d"正常"少少的功能,影相同拍Video囉,唉,見到哥哥咁樣試d功能真係~~~~暈低!不過講真,哥哥不嬲都係咁,咁多年來,哥哥都係對運算或者要計算的事物最感興趣...仲以為哥哥會去睇佢最鍾意的恐龍添!
自從大家姐搬入屯門,就更加少見大家姐,不過見到,又掛住同BB玩...都冇好好同佢傾計...其實我好想同大家姐你講,你送畀我的微波爐好好用,仲有個公仔麵叮叮碗好好用,仲有個煲啦,個雪櫃,真係冇咗佢唔得.

返媽媽屋企其實為見瑩瑩

hehe...放工喇,本來想要出街食,不過問吓四家姐,原來瑩瑩成日都留響婆婆屋企,仲未走喎!嘻嘻..媽媽...唔好意思講句...返媽媽屋企其實為咗見瑩瑩咋...
見到四家姐用我同佢一齊買的Nokia 6230i影既相同video都真係幾好,而且見到瑩瑩扮超人好似龍珠的精英軍團咁,做個超人變身之後隻手仲擺吓擺吓好搞笑.
D BB大到呢個歲數,開始講好多好刁鑽奇怪的"推理"的說話,真係各有"特色",好以前呀D細個咁,有"南"(男)風窗同女風窗",今日媽媽問瑩瑩知唔知佢叫乜名,瑩瑩竟然話係"謝麗婆"!而公公仲變咗係"謝麗公"!
瑩瑩雖然好鍾意舅父,但係見到樺爾丈丈又好鍾意同佢玩,可能真係"新屎坑三日香",同舅父玩咗成日,見到樺爾又話好鍾意同佢玩喇.
呢個瑩瑩就成日唔食嘢掛住玩,搞到爹哋要發佢老痺,跟住當然又喊啦,四家姐同我當然就唔會錯過呢個"精彩"片段,對住瑩瑩猛影,三姐夫見到都忍唔話:"乜你哋兩個姨姨都咁殘忍架,見到呢d係咁影係咁影既!唔係去氹佢既?!"試機呀嘛,嘿嘿...證實咗NEC既N840雖然有200萬像,但係都冇Nokia 6230i的Display同處理咁好....唉...我都想要Nokia 6230i呀.
媽媽一見到我,就成日話我仲係熊貓眼,叫我要休息多d.佢話,人哋做新娘做到容光煥發,我做新娘就見住我殘.仲講笑話梗係樺爾唔幫手做家務所以做殘咗我添.哈...有時候真係既...不過,除咗煮嘢食之外,樺爾都成日幫手架啦.
今日仲特登買咗阿敏的Favourite--"踩屎糖"(采詩糖)添...估唔到都仲係咁好味.三家姐仲示範咗食蝦餅的奇怪食法,佢無啦啦就握實拳頭打碎塊蝦餅,佢話食蝦餅就係為咗聽呢吓"dub"碎聲... 6_^! 原來做咗媽媽的三家姐係咁變態架!(唔係...係一路都咁變態先係!)不過千祈唔好教壞哂瑩瑩先好呀.
阿敏同四家姐成日話要食冰冰,買咗又唔記得佢哋一齊食,匆匆忙忙又返番屋企去啦.好彩有三姐夫載我哋返去屋企啫!瑩瑩仲唔肯坐後坐,企咗響度係都要話要坐前面,要我捉佢坐後面先肯.

瑩瑩到媽媽到過夜呀?!

12:00am無啦啦午夜兇鈴,原來係四家姐打電話嚟,點知聽到瑩瑩把聲,四家姐就話原來三家姐屋企附近行雷劈中停電,所以就一齊去咗媽媽度過夜.四家姐話瑩瑩好掛住我,所以先打電話畀我...咁我就問吓瑩瑩行雷閃電呀,驚唔驚呀?瑩瑩就話:"驚呀~~~好...大聲架~~~"講得好鬼Cute架,搞到我都不知幾高興添!
呢個瑩瑩都係想玩吓電話啫,邊係掛住我架.佢之前四家姐話佢係掛住我...既Jacob貓咋嘛!瑩瑩仲話要過嚟我屋企瞓添,哈,如果真係,咁佢就可以見到Jacob貓喇.

可惡的PCCW

連日來上唔到網....可惡!已經因為個Wireless network 唔多穏定搞咗一輪,之後仲上唔到網添.
樺爾打電話去叻記Check完一大輪,最終都係要上來整,重要等兩日!
今日上嚟的o個"靚仔",入到嚟,搞冇兩搞就話要拆個入牆Network頭,叫住話個入牆掣拆咗好難上返,唔好拆仲拆,因為我哋之前兩次整,個3仔,同個叻記都已經拆完又抛低走咗去,之後我哋仲要自己搞咗好耐先上番實...只怪上手業主是但搵人整,d手工奇差,兩口螺絲根本都冇上好,是但就搵d白英泥補咗佢就算...之後無論有乜事,d所謂技術支援就係又拆唔係又拆!
之後,o個個人先發覺原來係個機樓有事6_$#%$#@%
都話咗佢啦...係唔係都當個客有事先咁處理...點diagnose都唔懂,學人哋Troubleshoot! 唔係應該make sure 自己的connection 係work,先入屋confirm或者試其他嘢先係架嘛.
個"靚仔"搞到咁都唔敢走...上咗一口螺絲都算好好啦...不過就阻住我哋食飯啦,為免佢心浮氣燥唔小心整到冇得救...唯有放佢走啦.
我又一邊洗緊d好難洗乾淨的芥蘭...樺爾就嚟招呼佢,見到咁的情況,真係一肚氣...
講起芥蘭就想起爸爸以前都成日炒芥蘭飯,(可以話係爸爸最拿手的炒飯),但係媽媽就話我哋熱底的人唔可以成日食芥蘭...所以見到Earma買返嚟都已經唔係好想食...今日見到仲有隻2cm大的昆蟲...(非一般菜蟲)死咗響個袋到都真係幾嚇人的一件事嚟*...d菜唔唔見得少農藥先死...唔通真係要好似Earma咁用洗菜的洗潔精嚟洗咩?!樺爾話,不如掉咗佢,我又覺得好浪費咁.其實田裏面少不免有d昆蟲,只不過通常唔會畀我哋睇到啫,我想,用鹽水沉一陣,再洗四次都可以接受既,終於,洗吓洗吓,發覺洗到d菜都有d霉啦先敢煮嚟食!唉,不如買d乾淨又衞生的菜唔係仲好咩!

*註:關於"幾嚇人的一件事嚟"的句子,係由上次個日本團的導遊到學返嚟既,佢成日都講呢句,講到我都入咗腦啦.

二家姐請我到佢屋企食飯

今晚有兩件事令我好開心架:
第一: 二家姐邀請我到佢屋企食飯
(哈,到二家姐屋企,聽到二家姐同另一個朋友講電話,好鬼客氣:"多謝你邀請我哋同你哋一齊去黃金海岸..."云云...其實有時唔好咁客氣啦...)
同雯雯只係玩咗一陣,反而樺爾丈丈就可以同雯雯玩耐d,雯雯好搞笑,玩咗個電腦Puzzle遊戲,其實都識玩,不過幾次都drag唔到啱位,隻手仔就攰啦,就冇乜耐性...之後仲索性坐响度做指揮,指樺爾點drag落去.
上到去仲有個小朋友一齊玩,二家姐真係好.人哋家長搬屋就幫人"揍"細路...咁人哋幫過你,你又幫返人,都幾好既.
言歸正傳,咁個小朋友走啦,雯雯就喊咁口,好唔捨得.
之後,佢同樺爾畫咗一張紙,仲指明一定要收埋,唔可以畀丹丹姨姨睇.咁我又問,點解?!可唔可以畫多張畀我,佢竟然話:"唔可以!"hu~又蝦我!!!
我哋要走啦,雯雯又喊咁口,好似之前咁...媽媽話,其實佢好眼瞓啦.
第二: 返到屋企都10:xxpm,見唔到Earma...不過都有d內疚,好似令佢哋有誤會添...其實都有d對唔住樺爾...又或者可以用另一種方式表達,寫吓信咁,相處會好d呢?如果Earma只係真係間唔中返來我可以對佢好d既...
返到屋企都10:xxpm啦,但係就唔駛煮,唔駛洗碗,間唔中打搞吓二家姐都幾好.其實二家姐的手勢都唔錯...以為佢會因為"健康"為目標,煮得過份清淡.其實都Okay架.

阿牛

唔知點解,忽然對呢首歌的幾句歌詞有d感通,只係改少少歌詞都可以抒發吓我的境況.

阿牛 想聽呢首歌,按這裡再按上面Play掣
歌手：陳奕迅 作曲：雷頌德
填詞：林夕 編曲：雷頌德

不能回頭　多年前早明言不能回頭
可恨在是我這一頭蠻牛(可恨在是我知呢個年頭)
幾年來無法侍候(自拔)　才和我分手(才和佢搬走)
成婚之前一刻才趕到(知道)
難得你來通報才知道 (通告才醒覺)
往日共你追憶(相識)永遠是好
怎能預計似這般難共你同諧共老(阿媽共處)
你話只需肯做　差一剎　與我拾回舊好(己潔淨完舊居)
不甘心　尤其這新婚　就像玩犧牲
想過搶新娘(走出去)　我差點講真
歷史一刻(現實一點)早已將舊伴侶(雜誌)轉送別人
我說　別傷心(執書)　仍能恰當大方去做人(仍然好夠地方放棋魂)
約定日後你若和他相分(和她返鄉)
拿來用你尚有餘的惻隱　憐憫 (拿來贈你有聯繫的親戚 唔要)
我自身的不幸　不緊要　約到明年來生 (我自己的寶物 不緊要 我要到明年才dum)
＊不甘心(等開倉)　人人不開心 (人無不紛紛)
　尤其這新婚　失去我身份 (添置我新居)
　不甘心(不翻新)　明明不開心(明明不很新)　就是不甘心
　不過我肯等(買)　等一生都等(買一蚊先肯)＊
這都好　自小想拿到的全得到 (自小留到的全dum晒)
如今我求不到才知道 (如今我留不到才知道)
我命運裡雖則當你是寶 (我舊日裡雖則當佢是寶)
天涯尚有更多的好情人仍然未抱 (得閒時仲有更多的好書仍然未看)
要這麼的慘酷(消滅)　他不要　我再拾回舊好(我就Pac回娘家)
REPEAT＊
一頭蠻牛(呢個年頭)　闖情場竟成為一頭蠻牛(可恨在是我知呢個年頭)
慘淡在是我知不能回頭
欺騙我能約定未來(能)回頭　我是牛我是牛 (我是囚我是囚)

崩潰

蜜月返港已經兩星期多了...我依然未能調整好我的新生活...是我的適應能力差?還是有其他原因?我實在沒辦法搞清楚.我想盡快建立好我們的新居,把新居重新整理、重新佈置成為我感到舒適的家,有個"家"的感覺.
怎樣才算是"家"?我想,大概是,當你忙碌了一整天,回到家時可以有令你輕鬆愉快的感覺,有很自在、很隨便的感覺,可以釋放自我,解脫約束.在家裏待著沒事做,可以隨意躺在沙發上看看電視、聽聽音樂,靜靜地看看書、對著電腦、打打機,不須要管著還有什麼事情未辦妥,不必煩著什麼時候該做什麼、該去哪裡.沒有誰在監督著你...回到家裡可令你有"我返來啦"的感覺.
每當我以為可以開始適應時,新的、舊的問題卻一直纏繞著我們,生活的節奏總是給打亂了,不斷重覆著,努力嘗試著,卻無法取得平衡.當事實與幻想的計劃...(應該是妄想才對)出現偏差,當事實並不如你所想般配合得來;當有人闖進你還未站穩著腳的地方....身體卻一天一天地轉差,有些事令你實在有心無力,力不從心.甚至,我已無法單純地忠於自己的想法去進行我要做的事. 難道一個安穩的環境是這樣難達至?我的生命快塌下來了.

想家

本來考慮緊返唔返屋企食,因為唔想對Earma咁耐.四家姐就問,你返唔返屋企攞相呀.諗吓又係喎,都好,返屋企透吓氣.見吓媽媽爸爸,身體都健康哂.
四家姐見到我,又話我殘咗好多,又話我瘦咗,仲問我咳嗽多唔多痰,好擔心我未嫁前成日同佢一齊,已經感染埋TB...我係瞓得唔好..但都未至於好操勞,至少還有樺爾幫手呀.
佢都唔信,仲同我度吓條腰睇吓有冇瘦到...可能已經食飽啦,同未走前差不多啫.
媽媽剛開新鍋炒咗一晚,向我投訴,話黏底....我都好唔好意思,本來想氹佢開心,反而令佢辛苦添.罪過罪過.
早知跟二家姐買個Circulon啦...媽媽其實用慣o個d... 唉...大家姐...你會唔會涯義氣要咗佢呀?其實炒菜同打邊爐都 okay 架.
爸爸一邊聽我同媽媽講,一邊又加把口話埋一份,聽到"打邊爐"就用好奇怪的口吻講"打邊爐?!"好好笑...其實爸爸好似歡容咗不少...
又講起潮州話抵死的說法,教吓新成員樺爾,好似爸爸幾句口頭禪就一定要學:
"mo yia mo jiak"即係"無影無跡",即係Earma的"點會唧"
"si shar nup"即係"亂講"
"shir meug"即係"衰物呀"...
"niao jiak niao deang"即係"講呢d講o個d無聊嘢" ...
四家姐就問樺爾,佢明唔明我響Blog度寫的"E ar ma"點解?哈,我剛剛歸家途中已經解釋過了.
"E ar ma" 即係"佢呀媽"... 但係傳到落嚟我哋呢代香港土生土長的香港人,當然有d唔同的曲解法...
我哋就話..."他的媽"的意思...註:並不是粗口來的...只係"客氣d"的稱謂而已!
當我地講解緊的時候,爸爸仲重重覆覆示範咗好多次添...成日講:"si shar nup",笑死我啦.

一齊食飯的氣氛真係好.四家姐叫我留底瞓,可以抖多d休息好d...我都想...都唔捨得走...雖然有想過畀d反應畀Earma睇吓,剛結婚就要返娘家住...但係個問題唔響樺爾度,況且我諗咁樣做都冇用...一路到睇完"醫道"之後,都係決定走啦.因為就算我真係留底瞓,我想,我一定唔會好好地抖...因為四家姐同阿d一定同我講好多嘢,瞓唔到覺架.

今日煮咗Pepsi

Pepsi ?點煮架?!乜唔係嚟飲架咩?!
E ar ma響屋企,本來約咗Kathy學詠春,諗住唔駛對住佢,點知Kathy好忙,嚟唔到,唯有硬著頭皮返屋企啦.E ar ma話今日會煮定餸等我哋返到屋企食.同樺爾一齊返到屋企都8:25pm,點知E ar ma只係剛剛用緊個電飯煲蒸緊d醺魚喎(好似即係糖醋魚)...仲唔知落乜一齊蒸,有紅辣椒、薑、金針、雲耳等,味道可想而知,我都唔敢試食.
當然見到佢又嚟呢套電飯煲煮食法,我都見怪不怪,作客時都見識過多次.不過當我要來煮飯食的時候見到此情此境,心口為之一頂!!所有人都會選擇先煲飯,後炒餸的策畧的.而E ar ma果然不凡.
E ar ma話:"你哋去消息(休息)吓啦,等一陣就有得食"(嘩,而家都8:30pm啦,煮好o個碟醺魚,之後再用個電飯煲整另一味蘿蔔煲茶雪菇(都唔知係唔係咁讀既),先再煲飯,佢煮到嚟都10:xxpm啦(最保守估計),食完洗埋碗仲有乜鬼時間...!!!)我就話:"等我嚟啦,你出去睇電視啦",佢又唔肯... 6_@#$@#$ 唯有用我強而有力的臂彎半拉半扯地推佢出廚房!
煲唔到飯...點好?!唯有點呀樺爾查吓點用個微波爐煮飯食啦.唉又冇合適的微波爐器皿....Gamchewlea 啦,用個入得微波爐的煲,點知都未夠時間就flooding啦...d米水開始泛濫出嚟,快快脆脆停止先.唉煲飯變咗煲粥!唯有又等吓個電飯煲"得閒"先再煲吓佢啦.
另一邊,我已經準備好蘿蔔,加埋排骨同茶雪菇一齊落鍋煮...點知又掛著一邊洗米煲飯,搞到個鍋有d燶!加埋豉油好似隔夜餸咁...
d粥放返落電飯煲度煲,冇法啦,都唔知點控制水量啦,粥唔似粥,飯唔似飯,直頭係Pepsi(pat屎)啦!
E ar ma仲敢話:"係唔係個微波爐好麻煩呀,都話用個電飯煲啦"... 心道:"頂~~!(爆粗添!)唔係你霸住個電飯煲咁用法,我都唔駛咁狼狽啦!"真可謂愈幫愈忙!
其實E ar ma都算係咁啦,乜都話冇所謂,我今晚真係好失敗...都係多得E ar ma!畀Pepsi佢都肯食,仲有乜話忍受唔到?!
至於時間..仲可以keep到一個鐘頭內完成既!9:30pm有得食!本來只係煮一味餸,幾個字都可以啦.

可能阿敏可以解釋一吓?

樺爾forward咗呢單新聞,話唔明喎...其實我地又點有能力去明呀....不過,可能讀緊Physics的敏敏可以解釋一吓呱?
時光旅行夢碎-量子理論新證
【 明 報 專 訊 】 愛 因 斯 坦 的 「 相 對 論 」 強 調 沒 有 絕 對 靜 止 的 時 間 和 空 間 ， 理 論 上 似 乎 容 許 了 時 間 旅 行 回 到 過 去 的 可 能 。 不 過 兩 名 物 理 學 家 在 最 新 一 期 《 新 科 學 家 》 撰 文 ， 表 示 他 們 已 解 開 這 個 謎 團 — — 量 子 理 論 令 到 回 到 過 去 成 為 不 可 能 。
量 子 理 論 既 視 粒 子 為 物 質 ， 亦 視 之 為 複 合 的 波 (multiple waves) 。 根 據 量 子 理 論 ， 當 這 些 複 合 的 波 「 建 設 性 地 相 互 干 涉 」 ， 粒 子 才 能 「 現 身 」 。 美 國 紐 約 市 大 學 的 格 林 伯 格 跟 維 也 納 科 技 大 學 的 斯 沃 齊 爾 發 現 ， 若 這 些 複 合 的 波 朝 過 去 「 旅 行 」 ， 它 們 總 是 「 破 壞 性 地 相 互 干 擾 」 ， 亦 即 意 味  粒 子 不 會 「 現 身 」 ， 即 回 到 過 去 這 謎 題 根 本 不 成 立 。
格 林 伯 格 指 出 ， 這 表 示 即 使 有 人 能 回 到 過 去 ， 他 也 不 可 能 改 變 過 去 ， 例 如 一 個 人 不 可 能 回 到 從 前 去 殺 死 自 己 。
德 通 社

門鐘又響起了...E ar ma

幾日來都冇好好休息,本來今日想同樺爾出去食飯,唔駛煮完又要洗碗,洗完碗都十點幾啦.
點知心血來潮又想幫樺爾買隻Logitech cord Notebook Mouse,同佢搵返敏敏一樣的o個隻.上次買190,以為豐澤賣緊138定168咁上下...嘩,乜得95~108咋?!係唔係假架?
行哂成個旺電場,所有都係冠恆做代理(乜唔係恆昌定漢科咩)...應該冇問題呀嘛...?是但問過個哥哥仔,好隨便就答我轉咗代理,都唔知係唔係....
見d貨都似係真既,咁就響賣$95的o個間到買啦.個Sales仲話,不嬲都係冠恆做代理架啦,我哋唔係賣水貨架,你放心啦.嘿...唔怕你水,最怕你渾水摸魚賣假貨咋.
買完Mouse都8:00p.m.啦,返到屋企都8:30p.m...(咦?我幾時開始當呢到真係我屋企架?)剛落米煲飯,門鐘又響起喇.心想,樺爾已經習慣咗同佢媽媽住要按門鐘先入到屋?!所以按咗門鐘?定係想我迎接佢?不及細想,打開個門,又嚇咗一跳...又係奶奶呀.....6_#一時間唔知點反應好,連"mami"都要等兩秒先講得出口!佢都笑住講一聲,"哎呀"...(都唔知做乜)...
入到屋,嘩,帶咗好多嘢,又話買咗魚添,我唯有話:"你下次係唔係都打個電話嚟啦,唔駛我冇準備到你o個份晚餐,唔知點算."佢竟然話:"我就係唔想你哋準備囉...你唔駛理我架,我自己買咗返嚟呀嘛"(咁屈!!!頂....佢唔順!)
佢仲話原本想早d返嚟煮飯,不過遲咗...(chu!樺爾話你成日都遲到啦,話夜晚返去煮飯,就10點幾先返,人做媽媽你做呀媽,又唔係工作關係...遲咁鬼多,要個仔餓住等到你幾時呀?!)要等你,成日都死啦....都話唔駛咯...到底明唔明架.你唔緊你個仔...我仲緊過你... 6_#^%&#%
啦啦臨煮多d餸啦...d飯都係得兩碗幾,三個人分.本來次次的份量都啱啱好...就係你..算..我忍.
Mami走入廚房視察,就話"你買咗新的'戈'啦"...(係新的鍋..唔係戈...6_-)
用個新的Buffalo鍋...又係Buffalo ?!!(個USB Wireless receiver 都唔多掂添...早知買Linksys啦.)
個鍋用完先知...又唔係洗唔乾淨,唔知點解洗完仲係好似花既咁...(死啦,我仲買多個俾媽媽,唔知佢收唔收貨添.)
煮好都已經9:30pm,算快啦...今日本來好有心機煮,青椒+粟米仔+紅蘿蔔+雞脾菇+豬肉,仲有碟椰菜添(個椰菜係Mami成個星期前買的...唔食都唔得啦!) 呢碟"青椒粟米雞脾菇炒肉絲"仲打咗個"獻"添,不過加咗d麻油之後...d麻油好似益的咁...唉..可唔可以掉咗佢...仲有半枝喎...點用呀.
所以味道有d奇怪,當然Mami話覺得冇問題啦,樺爾就只係話鹹左少少.
食完仲煲咗媽媽畀我的感冒涼茶,分咗少半碗畀樺爾,都唔敢畀太多畀佢,因為E ar ma都問你煲緊乜畀佢個仔啦,毒死佢我仲得了?!
頂唔住...好想落街透透氣...但係都10:30pm啦.宜家E ar ma 樣樣都話冇所謂,樣樣都話唔駛理佢,我都冇話可講啦.
"可怕地順服你 像在做戲 奴僕活在世廿一世紀! 無話再講,怎麼這輩子要愛到這樣合作 不似在伴著你 像侍奉你"......

無話再講--關心研 想聽呢首歌,按這裡再按上面Play掣
作詞:甄健強
作曲:藝琛
編曲:kelvin Chung@ Bebop Music
監製:Bebop Music
你叫我捨棄 不准愛著你
不准 又一次 回頭為你暗中打氣
如果又掛念 用一億種方法逃避
聽你話妒忌你又道別你 不記得你
我說碰到你 真不夠運氣
消失亦依你 無人像我那麼傳奇
靈魂被吃掉 被指使將黑暗抱起
可怕地順服你 像在做戲
奴僕活在世廿一世紀 無話再講
怎麼這輩子要愛到這樣合作
不似在伴著你 像侍奉你
連分手亦未敢怕死 無話再講
一張通告都有半句多謝合作
我愛得失去了自覺
來換你像獵人對白兔 那樣兇惡
死不到心 盲目令自尊解體 狠不到心
又怎麼會這樣徹底 只想相戀
前事後事都不計 這般堅忍
大家說我有沒有問題
難道付托一切 得不到些安慰
有沒有人也為我難過 愛護我

第一次聽到成首完整的歌係響兩年前聽Kathy唱K時聽既,因為佢唱得真係好好聽,所以都聽咗呢首歌的原唱大碟,發覺Kathy好過原唱者添...哈,之後自己又試吓唱...呢排關心研又出咗一隻碟..有首老狼的"同桌的你",當然冇辦法同王菲番唱相比,就連同那英比都撐咁節...

記錄-新生活

還記得有個舊同事對我用了電腦述語打了一個頗貼切的比喻:生活是一個Class,每星期有七天,由五個Instance的工作天及兩個Instance的假期組合而成的生活.我想當時和她大慨是在剛剛踏入社會,對當時枯燥生活的一種控訴.當然,我相信她可以呼叫的method總比我多.而且,到假期的時候可能有Polymophism或Overloading的出現. 我就比較喜歡Information Hiding喇.至於Encapsulation就...最好可以private就private啦,不過好多事都好Public,因為Protect到的事唔多.我的 Garbage Collection一向都好差,相信好快就有Memory Leak的情況出現....因為我也沒有時間去慢慢清理我剛搬過來的物件.哈,好似曲解緊添.
就當記錄一下我的Instance吧:
!~星期一至五~!
7:45 am 樺爾的超人鬧鐘會響起
7:55 am 丹丹的超人鬧鐘會響起 (冇電呀)
8:00 ~ 8:15 am 樺爾起床 --太陽晒屁股啦,仲賴床
8:15 ~ 8:30 am 丹丹起床--其實賴床o個個係我
8:20 ~ 8:30 am 樺爾返工 / 一起返工
8:35 ~ 8:40 am 丹丹返工:無法同樺爾一起返工就會遲些出門口
6: 30 ~ 7:30 pm 樺爾離開公司
7: 00 ~ 8:00 pm 丹丹離開公司
8:xx ~ 9:xx pm 煮飯
9:xx ~ 10:xx pm 洗碗
10:xx ~ 11:xx pm 睇醫道/沖涼
11:xx ~ 12:xx pm 樺爾就上網 ,丹丹就呆坐/呆咗
12:xx ~ 1:xx am 頭髮都未乾透就要瞓覺啦
!~星期六至日~!
9:30 ~ 10:xx am 丹丹的電話會響起
10:xx ~ 12:xx am Blunch~可以出街食,又可以自己煮,同屋企去飲茶都唔錯
10:xx ~ 11:xx am 咁上下媽媽/四家姐就會有Call來問:"你今日返唔返媽媽屋企"
12:xx --> xx:xx pm 返媽媽屋企同BB玩或者返自己屋企打掃
8:xx ~ 10:xx pm 又要煮飯喇,洗碗喇,洗衫喇....
10:xx ~ 11:xx pm 星期六的剛之鍊金術師成日都轉時間轉到都唔知幾時做
11:xx ~ 01:xx am 算係上網的最佳時間啦
之前,第一個星期還未打點好廚具時,還沒有這樣辛苦.現在除了有約外,每日回家第一件事,就是要煲飯、準備餸菜,飯後又要洗碗...(好在樺爾會洗吓碗),每隔幾日就洗吓衫褲(好在樺爾會long吓衫).
數下數下,掃地洗廁所都冇時間做添...

荃灣錦豐園中午有鋁窗墮下

媽媽同阿聰都話我知有呢單意外發生....我當然就第二時間(慢半拍)打電話畀Kathy:"喂你住o個座喎..."

荃灣錦豐園中午有鋁窗墮下[08/07 星期五 14:28]
今日再有至少兩宗鋁窗跌落街意外。中午一點幾，荃灣青山道錦豐園一座一個鋁窗，由高處跌下。而早上八時許，荃灣華景山莊第六座有一個鋁窗由高處跌下，無人受傷．
Hong Kong Commercial Broadcasting Co. Ltd.Copyright 2005

幾日都見到Kathy

呢幾日,星期一至三都見到Kathy,可以一齊食lunch,真係好.好耐都冇試過唔同同事一齊食咁多日.哈哈,不過我只係想同kathy多d見面...因為依家唔見,遲d真係好難見啦....
仲有半年多d...真係要好好珍惜我地相見的日子啦...
好似Kennis咁,就咁就走咗去美國...kathy又要嫁去馬來西亞,一個一個都有自己的路...一個個咁離我而去....好凄涼架....不過好在我哋仲可以一齊學詠春...唔知你走咗,我仲有冇呢個衝勁去學呢.

星期二Kathy知道係我"重生"的第一日,仲放我一馬話俾d時間我同樺爾撐枱腳添,真係唔話得...
不過樺爾就好遲先放工,我仲因為同四家姐傾完電話後的唔開心,一次過過咗畀樺爾添!不過樺爾真係高...仲開解番我...

對四家姐的回應

家姐,老實講,其實返到屋企,我直頭唔想再睇d相...但係又要揀d相去晒大相同整Video,我呢幾日都提唔起勁啦.不過你都唔駛過份自責,問題唔響你的身上,因為你所講的野句句都o岩.正如你之前所講,我係一個完美主義者,但係我都唔敢話要所有事都十全十美,我個日都好"謝"啦.只不過...其實我最遺憾係冇時間好好同家人一齊單獨影相,但又因為怕大家肚餓,又怕爸爸要跟著一齊響香港公園到走黎走去頂唔住,到時我仲遺憾.我都知你好緊張好緊張,因為今次你又做化妝小姐,又做伴娘,為我奔波,當然想所有事都好好地,不過,算啦,過去就是過去啦.其實o個日都係因為有你咁出色、咁落力的幫手,個婚禮先可以咁完滿、咁順利,我的回憶都已經好美好、好幸福啦.唔好再為呢d事而影響心情呀.

四家姐的意見

剛剛打電話同四家姐講點响 Icq 2003a Save History,阿敏又唔教四家姐... 6_#%#%~ 不過算啦..
四家姐就同我講話d相好差,個攝影師好唔專業. 連屋企人大合照的人頭都冇一張完整,即使影多幾張,個問題都係一樣响度!兄弟佈置花車都影成筒;玩新郎又唔見所有姊妹都有入鏡,但係又影嚟影去到差唔多咁樣,都影咗一筒有多.又冇影到在場的人的反應,更加冇屋企人入鏡!只係斟茶相同的場地係咁影4張差唔多的相.去到紅棉路又冇同屋企人單獨影相(唔係紅棉道...但係唔知點解個個都話係紅棉道,可能以前有個的士老的廣告太深入民心).唉...仲冇同四個花女一齊影相添.(呢d都係我好遺憾的事...但係你就一針見血咁講咗出嚟.
你同我講的嘢,雖然係事實,但係真係令我幾唔開心架,好似我所托非人....可能係啦,但我都係唔想接受呢種批評...(唔想面對現實..)我想,都總好過又叫四家姐做埋攝影師,咁就成日都唔見咗個人....(當然我都相信如果你有佢哋的"架生",你可以影得妥當過佢哋啦.不過佢哋或者會好過原先"tat"訂的個間公司呀...至少,個日的氣氛都唔錯呀. (又自欺欺人啦)
同四家姐傾完之後,都唔係好開心,但係同樺爾傾返,佢都認同我同你的講法,但係又冇法啦....都已經係咁啦.
今日要學詠春都冇心機啦....好在師父要應付幾個丹麥來的鬼佬,佢哋有一個係跟師父學的.師父走過嚟講嘢,都心不在焉,因為好大個Cam cap 住佢.
我哋仲見到話有個今年選香港先生...(唔係健美先生個種喎...係TVBo個個唔成氣候的選舉喎)六號喎...嘻嘻依家男仔都要咁樣拋頭露面...唔知道係唔係臨急抱佛腳,走嚟惡補詠春呢.

有相睇啦

如果想晒邊張相,請在網上留下你的大名同Ref No.,我哋有專人通知你幾時有得攞相架啦.

http://hk.pg.photos.yahoo.com/ph/wayitanki/my_photos

去到攞相,遇到當日的攝影師,個攝影師話99%的相到OK,因為我屋企的廳夠大,又夠光,所以都好好影.我同樺爾各自睇左一半相,都唔知另一半係點,本來想搵一間餐廳慢慢坐底睇相,但之後又急急食完走人,因為想買d日用品,所以只係約略睇咗d相一陣.

四家姐就好緊張,之前幾日打親電話都問攞咗相未,我就專登同四家姐講,今日攞咗啦,仲同四家姐講有幾張獨立咁影佢家...佢o個日都幾靚架,所以都好想有佢的相.

四家姐知道我唔多舒服,同咗媽媽講,媽媽仲好關心咁話:"你幾日都唔返屋企,返屋企飲涼茶啦."我當時只係想同媽媽話唔駛擔心,都冇回應媽媽,其實我只係一日冇返屋企咋.星期五,六都返咗,今日只不過係星期一咋喎!!(個心真係好甜,媽媽真係好掛住我喇,正所謂一日不見如隔三秋,哈哈,一日當三日都算幾掛住我架啦!)其實我都唔係好慣,返到新居,平時同屋企人一齊睇電視都不知幾開心,宜家有時仲唔記得或者冇時間睇電視添,連睇開的"醫道"都係睇d唔睇d....

其實攞咗相,我都好想返屋企一齊睇...但係我就唔想兩頭"tun"仲冇時間休息.

腦交戰

同樺爾買完餸返到屋企,Kathy搵我話想要d馬路膠紙,咁我就諗,隨時上來攞啦.
點知當我想開始煮嘢食的時候,門外忽然鈴聲響,哪位客人到我家...謝叔叔,林媽媽,還是同學們來找我玩耍?打開大門瞧一瞧,啊!原來是我的好奶奶....!!!!
仲以為係Kathy添...當然係有d失望啦...失望既當然唔會係因為見唔到Kathy啦...(Kathy唔會嬲架呵?)係星期六,又返嚟啦...
佢仲以為我唔會煮嘢食,仲特登買埋餸返屋企添.好在我落多咗米...本來想聽朝早用嚟煮粥食既...
佢仲想搶住嚟煮添.我當然唔想佢煮畀我食啦...如果唔係,佢仲以為我好鍾意食佢d嘢,咪成日嚟煮囉.其實我問過樺爾,佢會唔會成日返嚟,佢就話唔會,不過唔知佢的間唔中即係幾間唔中喇.咁即係點先?我唔係話要佢唔准返嚟,不過都打個電話先啦...畀個心理準備都好呀嘛.失經無神咁返咗嚟,佢仲話冇煮佢米唔駛理佢,佢會自己煮...唔係呀嘛...咁叫做乜嘢先.咁佢又同我哋煮,我又唔同佢煮...佢唔係工人...唔好搞到自己咁慘呀.我都唔係要刻薄佢...只係佢仲成日話要分工合作,可以幫我哋煮飯,洗衫,吸塵....咁幸福?!!{雯雯口吻}:唔駛呀...
我都只係想獨立d啫...仲要人照顧,咁仲結乜鬼婚呀.

星期六又返屋企啦

又係下午4:00鐘,尋日又係,今日又係.哥哥今日返屋企 (哈,我當自己好似無家可歸咁,個新居仲係唔似自己屋企咁),於是又想攞d手信同屋企人一齊食.所以又去咗媽媽到坐咗一陣,又唔記得咗大嫂今日生日...
阿嫂....唔好意思,因為成日掛住"氹"BB,d大人全部都企埋一邊.都好對唔住大家姐...因為冇帶d乜嘢好嘢畀你.其他的家庭...都係分贓唔勻.始終,一個唔買嘢的人...到外國都一樣係唔多買嘢...就算幾想買都唔知買乜好.
d朱古力真係好味,所以連啱啱瞓醒的阿妹...(哈..我冇阿妹架喎,係羡寧先啱)都肯"show"我,畀面肯食一粒.
好在四家姐去咗買生日蛋糕畀嫂嫂...我仲想影多幾張相架,點知{瑩瑩口吻}:"冇電呀~~~"
該死的995有電都夠慢架啦,冇電個陣閃完燈又自動熄機,重新開機又要等兩秒,(想當年愛不釋手的相機...今日落得如此下場,聽者無不對呢個被遺棄的995心生憐憫之心,嘆息竟然遇呢個負心薄倖的主人.... @#$!@#$)當然負心人已經另結新歡 (IXUS700) 棄舊愛!


hm...今日見到樺爾咁開心咁同d BB玩,連君君,羡寧都同佢玩得咁投契.
君君仲同樺爾講,話阿妹成日學佢,"我食乜嘢佢又食乜嘢,我唔食佢又跟住我唔食喇,我乖,佢又跟住我乖,我唔乖佢又唔乖囉".
見到樺爾玩緊個樣真係好似一個慈祥的爸爸咁G_#...(如果我同佢有細路,發火扮惡o個個一定會係我啦. 6_!@#$#$">6_!@#$#$)

7.1返娘家

今朝早九點幾就起身,係唔係好早呢....
因為有好多嘢要做呀,要繼續試個Router啦,又要洗衫,仲想執屋添,你話幾多嘢做呀.
煮咗早餐畀樺爾食,係我唔鍾意食的通心粉 6_-,係mami買嚟整沙律整剩既,所以要快d食咗先(因為我見到...d蟻好似搵到嚟啦6_@!)
呢次好似係我有生以來第二次煮的通心粉!!加咗d雜豆一齊煮...唔知點解d通心粉煮嚟煮去都好似未熟咁既?!乜鬼嘢嚟架...百佳牌...終於煮好啦...好似雜豆多咗d咁,都算OK啦.呢個就係我第一次煮畀樺爾食的早餐啦,嘿嘿...老公,你當然唔敢話唔好味啦........
11:xx am媽媽就打電話嚟問今日會唔會返屋企,我梗係想返啦.所以都唔理其他人返唔返啦.

試吓Router,執吓屋,吓咁就3:00pm啦,四家姐就打電話嚟問...你哋幾時返架...雯雯同瑩瑩都返咗嚟呀...!!! (自從d BB 出世,我哋都唔再講哥哥返嚟、二家姐返嚟或者三家姐返嚟咁)

見樺爾丈丈同雯雯、瑩瑩玩得咁開心,自己又同佢哋玩埋一份.(d BB好醒目,話咁快就改到口唔再叫樺爾哥哥喇!)我瞓低响床上面,佢哋兩個就坐响我個肚上面,我扮飛機,呼呼咁飛,變身成船呀,電單車呀...其實佢哋真係好天真,咁都玩得一餐.四家姐就話屋企只有我先會同佢哋咁低能咁玩架咋.雯雯的幻想力同模仿力都好強,扮幫瑩瑩沖涼,好投入.沖涼的次序:洗頭,除衫,"jit"鹼液,查呀查呀...之後沖水,攞毛巾沬身都做足哂,二家姐都應該安樂啦...著原衫仲要吹頭添,好鬼神似.d動作應該都係扮媽媽架啦,一時又扮老師叉腰叫瑩瑩:"夠鐘瞓覺啦."真係入哂戲囉. 雯雯仲話要食早餐,我哋問佢鍾意食乜,原來係"沙律蝦蝦"!
瑩瑩就其實好眼瞓,但又唔肯瞓.之後又話要為雯雯施針!雯雯就要為瑩瑩打針...喂一個中醫一個西醫,公公你係唔係好欣慰呢?(公公都冇睇我的日記....)