瑩瑩到媽媽到過夜呀?!

12:00am無啦啦午夜兇鈴,原來係四家姐打電話嚟,點知聽到瑩瑩把聲,四家姐就話原來三家姐屋企附近行雷劈中停電,所以就一齊去咗媽媽度過夜.四家姐話瑩瑩好掛住我,所以先打電話畀我...咁我就問吓瑩瑩行雷閃電呀,驚唔驚呀?瑩瑩就話:"驚呀~~~好...大聲架~~~"講得好鬼Cute架,搞到我都不知幾高興添!
呢個瑩瑩都係想玩吓電話啫,邊係掛住我架.佢之前四家姐話佢係掛住我...既Jacob貓咋嘛!瑩瑩仲話要過嚟我屋企瞓添,哈,如果真係,咁佢就可以見到Jacob貓喇.