羨寧同我講的第一句話

今日又返媽媽屋企,明知哥哥一家大細要出嚟媽媽度要千山萬水,所以去見媽媽之前又去咗買餸.今次呢...買咗d連媽媽都好少買的金錢肚,再買樹樹啦(西蘭花)、苦瓜、蟹柳、中段雞翼、同葱添.之後見樺爾聞到有好香的豆漿味,我哋諗住媽媽鍾意食,就買咗兩碗豆腐花同兩樽豆漿返屋企啦.
返到去仲未見到哥哥.但係四家姐就要走啦.四家姐仲送咗支Eye gel畀我添...我都知我真係好殘既,不過成日收好多咁好的嘢真係唔係幾好意思,話哂你都仲係無業遊民呀嘛.
本來大家姐走嚟同我傾緊計,蓋蓋丈丈就成日學君君講:"我有少少悶呀!"之後又同阿敏走咗去打機機啦.
今日都冇乜時間同BB玩,樺爾連少見面d的君君同羨寧都可以玩得咁癲,真係有d妒忌.媽媽見到d豆漿都就快凍,叫咗我哋自己食,點知君君原來好肚餓,好乖咁食哂成碗喎!大家姐仲話,上次君君都唔食架.原本仲以為可以留一半畀未瞓醒的羨寧添.
食飽飽先有少少機會同佢哋兩個BB一齊玩,我攞咗個廁紙筒放響隻眼度對住佢兩個扮望遠鏡,呀妹突然間對住我講咗句:"傻妹嚟架!"一手就搶咗去!我聽到佢咁講就係受寵若驚,乜我仲係傻妹嚟架?哈哈,個心都甜哂.
嗚嗚都係返少d屋企啦,唔駛次次都要我洗碗!我下個星期唔出現啦.因為我要同樺爾去蘇州啦.