今晚打籃球

呢排做多咗運動,由上兩星期開始,同屋企人打羽毛球,之後又射籃,上星期又同朋友打乒乓球,每星期做瑜伽,今晚就打籃球.好似呢排節目相當豐富呢.


今日同幾個同事打籃球,同場有好高大的歐化,速度高的艾活,on fire的丹尼斯,企邊都食糊的菲力,等等,無論幾多個打幾多個,都係打少一個人...因為我就好似一舊飯咁唔識走位,不過,嚮場內睇波都幾震撼呢.


最近發覺腰骨比上年再好少許,好似可以開始強身健體,不過,每次做完運動都幾攰,其實真係唔算好激烈,抖兩日就ok.希望以後多D運動.


各位,有興趣打波就叫埋我啦.嘿嘿.

舊歌兩首

旋木 - 王菲

曲：袁惟仁 (嘩...星光大道的小胖老師呀....好聽..好聽)
詞：楊明學Kefca
編曲：黃中嶽

擁有華麗的外表和絢爛的燈光
我是匹旋轉木馬身在這天堂
只為了滿足孩子的夢想
爬到我背上就帶你去翱翔

＊我忘了只能原地奔跑的那憂傷
　我也忘了自己是永遠被鎖上
　不管我能夠陪你有多長
　至少能讓你幻想與我飛翔

＃奔馳的木馬　讓你忘了傷
　在這一個供應歡笑的天堂
　看著他們的羨慕眼光　不需放我在心上

　旋轉的木馬　沒有翅膀
　但卻能夠帶著你到處飛翔
　音樂停下來你將離場　我也只能這樣＃＊

Repeat　＊＃


美錯 - 王菲

作曲：郭子
作詞：林夕
編曲：孟軍

本來相約他在海邊山盟海誓
卻找錯地方來到一個游泳池
滿眼湖水藍的美麗　你我就從那裏開始
藍色的漣漪鋪展一段回憶

你送我偶然後天而降的殞石
我一直誤會那是顆完美鑽石
不曾看見它的瑕疵　把它鑲在我的戒指
我也沒發現　有甚麼損失

＃讓我感情用事　理智無補於事
　至少我就這樣開心過一陣子
　不管他是真的你是假的誰是目的地
　能自以為是也是個恩賜

　不是來得太快　就是來得太遲
　美麗的錯誤往往最接近真實
　儘管昏迷有時夢醒有時不堅持
　人生最大的快樂也不過如是
　
　所謂醉生夢死　大概就是這個意思＃

Repeat　＃

所謂天意就是這個意思

陰霾

藉口 - 周杰倫

詞：周杰倫 曲：周杰倫 編曲：周杰倫

翻著我們的照片　想念若隱若現　
去年的冬天　 我們笑得很甜
看著你哭泣的臉　對著我說再見　
來不及聽見　 你已走得很遠

也許你已經放棄我　也許已經很難回頭
我知道是自己錯過　請再給我一個理由　
說你不愛我

就算是我不懂　 能不能原諒我
請不要把分手 當作你的請求
我知道堅持要走 是你受傷的藉口
請你回頭　我會陪你一直走到最後

就算沒有結果 我也能夠承受
我知道你的痛 是我給的承諾
你說給過我笑容　沉默是因為包容
如果要走　請你記得我
如果難過　請你忘了我


擱淺 - 周杰倫

詞：宋健彰 曲：周杰倫 編曲：鍾興民

久未放晴的天空　依舊留著你的笑容　
哭過 卻無法掩埋歉疚
風箏在陰天擱淺　想念還在等待救援　
我拉著線 複習你給的溫柔
暴曬在一旁的寂寞　笑我給不起承諾　
怎麼會怎麼會你竟原諒了我

我只能永遠讀著對白　讀著我給你的傷害　
我原諒不了我　就請你當作我已不在
我睜開雙眼看著空白　忘記你對我的期待　
讀完了依賴　　我很快就離開

relax 的一晚

上星期同Kathy報名參加一個私辦的瑜伽班.她們兩人以前都曾經學過,而我就是第一次學.今晚是第一次一齊學瑜伽,唔知點解佢地兩個都好似好興奮同期待咁.我就唔知頭唔知路,都係咁學啦.

一班大約八人,經過導師一邊示範一邊講解,由熱身到舒展(其實係好緊...好梗)再休息,雖然唔係個個動作都做到,但係都可以好放鬆咁進入一個較輕鬆的心情,身體放鬆.不過我雜念太多,導師一邊好似催眠咁講好多嘢,放鬆呢度,放鬆果度,都未想得到,又下一句,因為太嚴肅,反而成日忍唔住就笑,點知呢個時候,導師話連面部都要放鬆,搞到我個肚抽住抽住笑....


唔知係咪真係會幫助入睡呢?真係希望好瞓d啦,同埋放鬆我條腰就好啦.

靚妹玩電話

上個星期六去探三家姐一家人,三家姐畀咗我個手機號碼畀瑩瑩,短短廿分鐘,瑩瑩就打電話搵咗我三次,都係因為佢啱啱學識打電話畀爸爸媽媽以外的人,而我就好榮幸成為佢的第一個試驗品.


正如好了解佢的丈丈所料,噚日同今日我都收到瑩瑩的電話.真係估佢唔到,一朝起身就搵我啦,佢話,我打"C益"呀,又同我講起星期日畫的衫衫,講起雯雯,仲問我點解我講說話咁細聲添...但係我就唔知點畀反應.因為好少同靚妹講電話.


今晚又收到呢個靚妹的電話,今次佢就問我放工未.我一話未,佢就話"你同你老細講放工啦",我心唸,靚妹,你媽媽可以同佢老細講,因為佢地係好朋友咋,我反問番佢媽媽收工未,佢就話"未呀,媽媽返工呀,佢可能同你一齊收工啦"

講講下,佢忽然就話"我唔同你講住啦"...咁就收線啦.唔知佢聽日又會幾時打畀我添.

現報?!

真係呀....生命它給你一些,不給一些...


今日事情如不順,今日問題如不盡....


天呀,請給我一點時間...休息可以嗎?

我的新notebook

今個月頭公司有HP Notebook 特賣,雖然我算不上是呢間公司的員工,不過HP反正都係想去貨,點理得我咁多呀.

HP Pavilion dv2725TX Entertainment Notebook PC

($9980 street price, discount to $8780 including 4GB HP Memory flash drive, and 2 cinema tickets)
- Intel T7250 Core 2 Duo Santa Rosa CPU 2.0GHz
- Windows Vista Home Premium
- 2 GB DDR2 RAM
- 160 GB 5400rpm SATA Harddisk
- 1280 x 800 Wide screen
- NVIDIA GeForce 8400M GS (up to 895MB total graphics memory with 128MB dedicated)
- 8X DVD+/- RW Super Multi with Double Layer Support
- Weight 2.5 KG
- All in one, build-in camera, HDMI output, fingerprint etc.

今日收到新機,返到屋企試下功能,都唔錯呀.速度算幾滿意.不過有HDMI都冇乜用,因為無論Notebook定係TV都唔係HD....BUT...個Notebook的畫面超靚.係我好喜愛的反光玻璃面,立體感同層次感都好好.睇碟至啱.

今日仲有意外驚喜添,買的時候都唔知,以為要好高級的Model先會有的Remote Control, 呢個Model都有喎!
仲有個Pad Pad係特別設計架,個Scroll bar 真係一個bar,唔係碌碌架.正!

不過呢,都仲未搞清隻4G手指係點換領添...

哈哈,最開心莫過於,呢份禮物可能係上天可憐我呢排好辛勤咁工作,多謝天父,賜我玩物...哈哈.

細佬啟賢

今日又見到細佬啟賢...唔係,應該係係君君同羨寧的細佬啟賢....今日有多d時間同啟賢玩,佢睇到我地玩UNO,佢又想玩埋一份,碧碧姑姐就問佢,你識唔識玩架,佢就話:我識!


跟住叫佢數數目,佢可以由1數到11,真係叻叻,不過應該係"念口王"果種,仲講得唔多正果種,好過癮.點知佢數到11,之後就跳到15,哈哈,一路派牌仲係成日講"4, 15..."喃喃自語咁.


佢係反轉d牌咁睇住嚟派架,派派下,佢派咗隻"+4"畀我,我就問佢,"你做乜罰我呀?!"佢就笑笑口話:唔係呀...點知佢又派"+2"畀我,我又問佢,"你做乜又罰我呀?!"佢都仲係笑笑口話:唔係呀...睇嚟佢真係唔想罰我,只不過佢睇住d牌嚟派姐...


睇睇下,佢仲有個小動作,好似要打咗咭先派咁.真係唔知呢個小鬼嚮邊到學返嚟.睇佢一d都唔似兩歲半.佢可以講到好多說話,仲有完整的句子,真係好叻架.

虛無的航天展

早幾個星期同樺爾睇咗"2001太空漫遊"呢套經典的電影,估唔到今日走咗去圓方附近的一個露天"中國航天展",其實都係機緣巧合,因為同三家姐一家人一齊去,又想帶媽媽去行下,於是無無聊聊就去咗.


一去到,見到瑩瑩玩得好開心,佢剛剛玩完充氣的果種兒童遊樂場,裏面成個焗爐咁,玩完成個面紅耳赤,紅粉菲菲,好靚女.


原價要100元入場費,今日特價20元都覺得唔多值.估唔都咁少嘢睇,展品有得睇,冇乜得玩,有得玩的仲冇乜好玩....-_-,去太空館好過.幾個展覽館都好似蒸籠咁,得少貓幾隻人都已經快要窒息,再多d人就真係死得啦.


逗留得最長的地方,竟然係禮品館...因為今日同行的是三家姐!

約會

今日樺爾約咗我去跑步同射籃,以為佢只係講下,點知真係成功出發,仲一打就打咗個半鐘,不過都有抖下架,唔算太攰.希望咁樣可以好瞓d啦.


今日試咗拍住個波打圈咁走,不過就似追住個波多過真係"控波",今日又試下"擦板",不過就似"彈板"射球多d,至於"走籃"呢...真係唔好意思嚮小朋友面前獻醜啦.都係射下波算啦.


呢排流感咁犀利,如果一個星期可以做兩次運動,應該都可以防一防既.不過睇怕都冇乜呢個恆心啦.

過敏症

早排煮咗兩次飯,換來成半個月都患上過敏症,隻手癢到飛起,好彩終於都好得八八九九啦.多謝哥哥的藥,我好乖呀,食足一個星期的療程,加上媽媽的涼茶,好好瞓咗成個星期.


不過到底我因乜事敏感呢,到而家都係一個迷.

歡樂時光

這幾天重遇了相交相知多年的好朋友,好同事,傾著傾著,忽然就像坐談會說起工作上面對的困難...


開心的時光過得真快,其實還有很多說不盡的話題,總覺得時間不夠,或是在趕什麼的,希望下次可以找個地方再談談心.

生日願望

上年的生日願望,基本上可以講達成咗,雖然唔知係好定唔好,不過,至少都成真了...(係呀,係你呀,其實,唔關我事架,不過當時果刻,只係想到呢個希望),至於其他....希望大家都可以成真啦.


今年呢,因為有兩次吹爉燭的機會,但係好似都係同一個願望,希望真係會成真啦.


另外,今年收到很多人的祝福,真係好多好多,有收咭,SMS,電話,見面都唔少,真係萬二分多謝各方可愛親友.


另:...

忽然想起近來看的一部電影,嘿...睇戲喊下就算啦,千祈唔好咁樣.

我的生日會 Part II

今日到屋企人同我慶祝生日,飲茶之後再返屋企食蛋糕.雖然今日哥哥一家人同大家姐佢地都唔得閒,但係有咁多人(同兩個小鬼)一齊慶祝都已經好開心啦.


雯雯仲揀咗一張金粉超多的熊仔生日咭畀我添,佢仲畫咗個雙手放後面的女仔添,小朋友畫的畫真係好可愛,笑得好天真無邪呀.


唱完生日歌,兩個小鬼就幫我吹爉燭,之後仲有三輪熱烈的"濕吻",瑩瑩鍚鍚鍚鍚...成個面都係口水,之後我抺好,又到雯雯嚟鍚鍚鍚,之後瑩瑩又再嚟一次,真係又wet又warm.


三家姐仲話,今日同瑩瑩揀生日蛋糕,瑩瑩本來想揀個芒果蛋糕,點知即刻畀人買咗喎,之後想買hello Kitty蛋糕架,但係媽咪又揀咗另一個朱古力mousse cake,之後瑩瑩就對住個sales姐姐喊啦,因為佢想買個可愛d的Hello Kitty但係就買唔到啦....Wooo...


真係傻妹嚟架...今時今日五歲的小朋友都仲可以咁天真已經好少見啦.


今晚走的時候,佢仲約我長假期的時候去佢屋企過夜添.唔知復活節得唔得呢?

我自問

呢排工作,日日做到冇停手,但係連午飯時間都要見老細,無啦啦有餐午飯食,咁都好呀,有免費午餐,不過對住"生補"的人就唔多講嘢,悶悶地...自已食,休息多d仲好過.


我好想快d做完今日要做的事,點知趕頭趕命之餘仲要傾續約的事,我一d準備都冇,同新老細講講下佢就提到年紀問題...原來佢真係估細咗我幾年...佢成日話"睇你個樣唔似"....


咁究竟個"樣細"有乜問題呢???

好攰呀

呢排冇覺好瞓,有一晚仲要改篇唱"等"呢首歌添,返到屋企又冇得好好休息,第二日又再返工.


我快要死啦....


天呀...我需要一種特效藥...我很頭痛我很煩惱....回憶最好通通忘掉....


瞓瞓瞓....唔瞓得著?!

吻別的位置

這三數日 隔天見面
怎麼共你 細數幾年
.... (克勤演唱會延續篇 .... ?!)

同你傾咗好耐,聽到你的事,真係覺得你真係長大了.


臨走時,本來只是想抱一抱,碰碰面,估唔到竟然會"鍚鍚"添.好warm...好耐都冇同你"吻別"啦!


好開心同你傾咗一晚.

世界末日的早上

btw,打下呢首歌先...雖然歌詞...呢個作詞人通常都有d怪怪地的字嚮中間,不過意念新鮮..


世界末日的早上 - 克勤
想聽呢首歌,按這裡再按上面Play掣



世界末日的早上

曲:阿卓 詞:... 編:褚鎮東

我 頭髮梳理整齊
還剃好了鬍鬚
隆重的打上黑色的呔
我 拿著一扎紅花
沿著空曠長街
沉默的走過 黎明和日出
來到這荒廢超市內
攜著你平時喜愛蛋糕走過來
送達你的家裡 盼望門一打開
有一聲喝采

過幾個小時 即使一切倒下
還是想抱著你一起怕
趁尚有一口氣抱緊起舞吧
聽著一街警報聲來伴舞吧
到終結之前 假使很怕的話
還是可以為你講笑話
浩劫中躲不了 但我至少可跟你
含著笑的告別繁華

聽 何事苦難情景
還有手電鈴聲
遙遠的好友 相繼告別
聽 誰在家裡嚎哭
誰在家裡狂歡
而我只需要如平時幸福
和你依偎這沙發上
如渡過平凡的假日一般正常
揭著那天跟你旅行時的彩照
你喜歡哪張
過幾個小時 即使一切倒下
還是想抱著你一起怕
趁尚有一口氣抱緊起舞吧
聽著一街警報聲來伴舞吧
到終結之前 假使很怕的話
還是可以為你講笑話
浩劫中躲不了 但我至少可跟你
甜蜜到死也沒記掛

過幾個小時 即使一切倒下
還是想抱著你一起怕
趁尚有一口氣抱緊起舞吧
我為你哼首愛歌來伴舞吧
這幾個小時 即使間太短暫
還是可以下嫁給我嗎
直到死不分開 讓這世間的終結
停在這種美麗年華

克勤演唱會

噚晚同Mabel,樺爾,阿Dee同媽媽一齊去睇克勤演唱會,今次又有新搞作,係一個櫻花形的搖鼓,未正式開場就玩呢個搖鼓warm up,跟住打拍子,打都hot先開場.

唔知係咪呢場係本來的尾場,加上噚晚又有錄影,觀眾都好投入,原來鼓聲節拍就係第一首歌"夏日之神話"的beat,真係好好玩,好好氣氛,跟住又有搖鼓人浪,克勤又轉凳,好型,真係估佢唔到.今次佢仲跳咗好多舞,真係有好大的進步,好明顯係有畀心機佢學架.佢仲自彈自唱咗一段花落誰家添,真係好大的突破,good try...


成個show加加埋埋唱咗三十幾首歌,仲有幾首fans好鍾意的歌,


"十年前後"...上次冇唱,今次唱咗,但係點解好似少咗d嘢咁呢?原來係冇咗小提琴聲...唔緊要啦,都ok呀.佢今次唱"我不會唱歌"唱得好好呀...讚!


當聽到"世界末日的早上"真係喜出望外,不過佢就唱錯咗兩個字,我同阿Dee因為太熟啦,相視而笑...其實佢都唱得好好架.不過到後尾佢唱到"一個人飛"果陣走音,見到克勤自己都搖搖頭,我同Mabel見到都戥佢唔開心呀.整體來講真係唱得好好呀.唔好搖頭啦...


估唔佢會唱"大時代",之前聽呢首歌都有想象克勤的演唱點夾呢首歌,本來只係一首好普通的歌,原來夾起嚟都幾好呀.之後又有同"假人小剛合唱"歲月風雲",又有同靚女高妹跳舞,好搞笑,真係幕幕高潮.唱住"小寶寶"又播佢個仔Ryan的相,真係好Cute,呢個係13號亂咗rundown之後冇播架.唱完呢首歌,唔知克勤係抺汗定係抺眼淚呢.


結尾的"命運符號"同"好戲之人"的melody就跟住我返屋企,不過返到屋企竟然想起古巨基的歌..哈..

兩個人的生日會

今日好開心同Mabel,Pui Yee, Giny, 一齊慶祝Iris同我的生日,第一站Outback,第二站到我屋企,幾乎全程不斷食食食.

Mabel仲買咗個好可愛的米奇芒果蛋糕,我同Mabel,Iris對住佢猛咁影,要影返夠本先放過佢.



之後仲有我第一次整的腐竹雞蛋糖水,其實一向都唔好食糖水,所以連D好基本的糖水知識都冇,只係知有腐竹同雞蛋,白果我又唔食,所以想用豆腐代替,不過最後都冇落到.因為我買錯咗一d鮮腐竹,所以要滾耐d先得,好彩有幾位高手敎路,原來要將腐竹滾到散哂先叫做Ok,加咗幾隻白烚雞蛋同冰糖就搞掂啦.不過我一向都唔喜歡太甜,所以味道就應該淡咗好多,希望下次會好d啦.


今日好忙,夜晚仲要去睇克勤演唱會添.

攞命情人節

其實情人節呢d商人"煲"出嚟的日子真係好唔想中計,不過,就當係一個機會對下佢好d,呢排成日OT,乘機早少少收工咁都好丫. 於是ghost又叫我快d走啦.


平時成日出街食,可恨呢類日子,連出街食都要搵位,仲幾搵人笨.既然早收工,就自己煮好啦.


幾乎成一年冇煮大茶飯,買起餸就最頭痕,之前見Kathy介紹的菜式好似幾好咁,雖然未試過煮,膽粗粗就試下啦.


買買埋埋一大堆....



結果就有加左料的羅宋罐頭湯,同煙腩肉露筍卷拌意粉,另外再加一碟菜,味道都似返出街食.



不過煮咗成個幾鐘,真係好攰,最攞命係食完大把嘢洗!

新年先嚟執屋

哈哈,呢排因為好忙,本來以為早兩個星期可以執屋,點知每次都係執到一半就停咗.搞下搞下,搞到新年先真係有時間執屋.

呢幾日準備咗個環保全盒,因為冇去買全盒,所以就搵咗樺爾以前送的禮物盒做全盒,好簡單,倒哂d糖入去呢個心型盒就搞掂.裏面有Hello Kitty糖,可樂糖,姆明糖,super lemon "酸到喊",珍寶珠,加埋Berry一粒抺茶糖(搵得到就奇),仲有Kathy送的鴨腎,咖啡粉做背景,一對Bear Bear 做前景,好似糖糖浴池咁.



買唔到合心意的揮春,索性就唔買,不過早兩日總算搵到幾個新的"咕o臣"套,免強有少少新年的氣氛...

今年冇團年

今年新年,唔係三家姐團年飯唔得閒,就係哥哥年初一先拜年,冇時間齊齊整整相聚添.

年三十打波先嚟落雨,所以樺爾同阿dee就相約年初二打籃球.今次我就著咗boot,本來諗住睇下佢地打波,點知"係咁二"射下波,先發覺原來加高果"寸幾"高度係咁好架,圍住個鎖匙圈射波竟然可以有八成命中率喎!平時有五六成已經幾好啦.今日真係好似神射手咁...yeah~~!!


今日同兩個小妹妹,瑩瑩同雯雯一齊玩"kam棉胎"點知佢地兩個玩玩下牌,真係去玩kam棉被.留返我地幾個大人玩,我一向都玩唔到呢d靠反應的遊戲,玩正常的玩法都有點吃力,點知仲要玩"前一後一"咁高難到,真係太難搞啦.....點知原來低手都未算低...我都低低地架啦...二家姐仲禮讓過我,哈哈.

唔嚮香港

呢排己經病,但係冇得請假,好在新年又就嚟到,可以抖一抖.

點知今日收到風,話老細想我地新年都返工,拍擋就敎我講:"唔嚮香港",所以就返唔到工.


心想,之前三家姐本來約我返大陸玩,但係我就話唔知得唔得,如今不如"把心一橫"真係去玩下先.


真係估唔到,新年流流,就算老細自己會返,都未必會叫到同事返,何況...
學拍擋話齋,佢聖誕節已經冇得放,家陣大時大節都叫佢要返,但係個system遲遲未ready要launch,唔通個個節日的節目都係"返工"!


今日開會,老細真係當住vendor面前問我地可唔可以"Squeeze"少少時間返去開工喎.


佢既然做初一,咁我只好話...."我唔嚮香港"....嚮新界之嘛~~

疏忽照顧

KHC上星期五送咗一盆植物畀我,本來好靚架,點知因為上星期冇帶佢返屋企,今朝返到公司一睇,d葉好乾,花都謝咗!都係因為我疏忽照顧,唉,家陣盆花奄奄一息,點算好呢?

對唔住你呀...對唔住它呀...對唔住呀...嗚嗚嗚....

病厭厭

噚日返屋企都好似有少少作病,可能呢排成日OT,休息又唔夠,終於都病咗.唔知係咪同樺爾交叉感染,兩個先後一日病咗.

今日本來返工都已經病病地,但係又唔敢唔返,仲還返件羽絨褸畀四家姐返大陸著,冇著得夠.未到下午就已經唔多妥,所以叫咗外賣,留嚮公司食,點知都係唔得,好在有KHC陪我出去買藥食咋.下午仲要開個鬼咁長的會,我感到藥力開始失效....仲開...喂...仲開...唉....


呢排好多工作都一定要當天的事當天清,如果請病假,手尾依然跟住你,所以想請病假都幾難.加上拍擋又請假搬屋,想搵個人接手都幾麻煩...唉...家陣先明白果句"得閒死唔得閒病"係點解.


啋....都係休息多d先.

生日快樂K

今日返咗3個鐘頭工,之後同Berry一齊慶祝Kathy的生日.今日真係唱咗好多歌,不過呢排冇乜練歌,所以都係唱返舊歌.如果冇記錯,今次已經係我地第二次唱"相聚一刻"啦,今日同場加影Berry唱的麥兜"教我如何去小便",當然唔少Kathy的"費玉清"上身.

唱女仔歌真係好難唱,男仔歌又太低音,終於都係唱到唔高唔低,搞下笑就可以.所以就唱唱下成日笑.估唔到唱到咁多呂方的舊歌,因為唔係好記得邊首打邊首,多得兩位忍耐,辛苦了耳朵.

可能太耐冇同Berry一齊唱K,好似冇乜共同的歌可以一齊唱添,真係唔好意思.下次真係要預先準備個K List啦.

P.S.好開心今日可以唱咁多歌,其實我仲有好多歌好想唱,下次再唱過先.

愛.誘.罪 Atonement

上星期看到四家姐的blog有推介,今日去了旺角電影中心看了"愛.誘.罪 Atonement",故事性其實都是一般,當中有些還是有血有肉的鏡頭,本來也有點怕,不過這些戰爭片段也是在所難免,所以還可忍耐得到.至於IIB還是有一點點...對於很少觀看"非荷里活"片種的人,也算有一點新鮮感,當中雖然也有點悶場,主角都不是美男女,單從故事劇情和拍攝手法著眼,還是一套不過不失,可以一看的好戲.

忙裡偷閒

早兩日OT到9:00pm,因為成日都要趕工,休息都已經好唔夠,第二日又再開工,搞到朝朝都唔想返工,又怕唔返工,OT得仲"甘".但係個人開始謝謝地,唔知幾時會冧.


成日開OT肝火真係會上升架,呢幾日,KHC同TFC各有各忙,連傾計都少咗,連Lunch少少的時間都冇乜休息,真係好慘.


所以今日都係準時收工,休息多d,明天的事明天做.... Ghost... hehe...

生日快樂

To 兩位"一月之星"好朋友:
希望你地心想事成,財源滾滾來!
屋企人都平平安安,開開心心.

你...就係是候...

你...就快d.....

你呀...我等你,畀個好消息畀我....

你呀...要多d休息....

你呀...要幫忙,記住找我...


對唔住,今年冇乜好禮物可以送你地...希望你地見諒啦.


下次出嚟食飯啦!

一個人

今日見唔到兩個成日見的人,唔知點解就會好似好孤獨咁....


一個人... cold cold...


唔知為乜,要搞到9:00pm先收工,再做耐d呢個task,真係人都謝.

白日夢

樺爾唔嚮香港,噚日見過爸爸媽媽,所以今日就唔過去family day啦,成個星期日就係自己時間啦.


雖然唔多習慣,但係聽住歌執下屋,咁就一日啦.(小黑炭的blog有好多推介,幾好聽呢,聽多d可以去K啦)


執到5:00pm開始有d肚餓,好想食蛋,好想食餐肉,但係屋企乜都冇.所以就叫咗外賣...嘻嘻.


食食吓,忽發奇想,原來我今日好似嚮深山隱居咁,如果退休的話,暱嚮屋企,足不出戶都幾好,不過問題就係冇嘢食.咁點好呢?


想想下,其實真係老咗唔駛返工的話,可以去一個鳥語花香的地方,隱居山中就好啦.(哈哈,到時可能可以同Earma一齊住.)等等...食的問題,都係個問題,所以最好就係自己種下嘢,養下雞,嚮附近開一間露天茶聊,(好似武俠片果d咁,不過千祈唔好係西遊記果種黑店),再加一個生活雜貨店,播下歌,賣下生活精品,最好就係要有蛋同蕃茄賣,再收集下可循環再造的物資,搞下地方環保的後勤工作,有可能就做埋義工,派下毛毯,暖爐,修理電器咁啦....


咦?!咁好似反而破壞咗鳥語花香的大自然呢?!

ZzzzZzz

今日11:00鬧鐘鬧醒,不知不覺發呆到2:xx起身.食一個泡麵,繼續再ZzzZzz....


5:00pm再發呆.5:30pm起身,返去娘家見某個人來見家長.哈哈!


晚飯後,又一齊傾計..真開心.如果可以成日同屋企人一齊真係好.不過就冇私人時間啦,回到未嫁時...哈哈.

累了吧?

今日同老細"學友"唱K慶祝佢last day,一共26人,場面空前絕後. 今日見到好幾個新面孔,仲有幾個好耐冇見的舊同事都返嚟,最意外有一個仲派代表參加.


今日起初都冇乜點唱歌,就算唱,其實都聽唔到,講嘢都講都沙聲.真係估唔到可以同咁多人傾計."古巨基"都聽少咗古巨基的歌,仲一齊痛心疾首...唉~


佢地的新同事都好nice.所以都玩得好投契.仲有兩位小妹妹打算今年年尾結婚,真係可喜可賀.


聽到"學友"講起遞完信的一刻之後打電話畀老婆的心情,一滴眼淚從眼角滑下的情景,真係幾似曾相識,做得出呢一個決定應該要下很太的決心.自我走了之後,"古巨基"走了,"王菲"走了,"容祖兒"走了,"Eason"都榮休了,現在"學友"都走.留下"周杰倫","張國榮","孫燕姿",呀...仲有"李克勤"(今日冇來添),同埋一班"新進男女歌手",聽講月尾仲有"張智霖"都會走...其實大家都只是"累了吧"?


"周杰倫"將會是新世界的神?!星期一返公司,打骰囉!恭喜恭喜!希望"學友"可以遙距發功,Server都身體健康啦.


今日"學友"講起為咗"Eason"的一句說話,所以先走:"我十年啦...學友你破我紀錄啦!"結果,"學友"就嚮9.x年引退了."學友"仲講起我當日嚮Annie宣佈離職時,我的眼淚就一直沒停過...(真的fish fish)...6_<~~~ 愈大就愈容易喊添.


"學友"仲問起我覺得佢好唔好人,哈哈,真係令我有點意外,這個還用說的嗎?今日有一個"回家"的感覺,唱返"七友"呢個年代的歌,很回味,原來歸屬感咁抽象,都可以好實在.

Btw,好似唔記得同"魚魚讀書人"傾計添,其實好想走過去"嗲兩句",不過唱K很忙....見諒啦..嘻嘻.


今日"學友"仲以大哥哥的身份請我同"孫燕姿","楊奷嬅","林峯"食宵夜添,真係好感動呀.就好似一位舊同事講,"學友"真係一個好爸爸呢.


祝你步步高陞,財源滾滾來!

頂

今日要頂替人做嘢,其實冇work done.

聽講遲d仲要得返佢同我....我......丁頁~~

今日係多事之冬

早:
好開心買咗兩份早餐,一起分享,感覺良好,心情開朗.

午:
阿姐打電話過來,煩咗成個月,但係Vendor解決唔到的問題可以暫時放下,如釋重負.

晚:
7:00放工都仲要偷走?已經唔早啦,唔理啦,明天請早.

睡前:
上網睇咗幾個Blog,好消息同壞消息一齊出現,擔心喜悅交雜...希望平安是福.

過街老鼠一號抽血記

留咗言,唔好浪費...paste過嚟就得..haha...

好嘢!真係做到"過街老鼠一號",真係好榮幸.
真係唔好意思,估唔到我的經歷會令你有少少壓力.
不過你其實都好"淡定",一針過,又唔痛,其實我過得嚟都已經好放心,唔會緊張,不過對抽血的過程同姿勢都唔係咁清楚,可能我問東問西仲會影響你添.個針洞只得一點,機乎都睇唔到添.多謝你呀!好好呀!
蕃茄餅好好味呀,仲有,你的一個tea set, 仲有一件林明頓蛋糕,真係"又食又拎"!
今日好高興見到幾位"blog友",可以得見"真人",原來會有好特別的感覺.

同你十一個鐘頭相見,都仲未傾夠,至於唔開心的事都只係感觸而已,其實我以為自己已經放低咗,不過有個傻妹為我的事流淚,真係令我好感動.多謝你呀!

今日搵Mabel幫我抽血,做個詳細的健康驗血報告.其實一向都唔多驗身的我,今次只係為咗"擔櫈仔,牙頭位"爭住做過街老鼠一號(總計係老鼠九號),畀Mabel試下同我抽血.


過程相當順利,只係見到Mabel小小緊張,只係一針過,我就一d都唔痛,加上有"隔離班班主任"同我傾仲分我神,只係feel到落咗針,之後好快就抽咗一個針筒的血出嚟.原來咁深色架?因為係靜脈血呀嘛.


今日10:00am見到Mabel,到9:00pm先分開,探訪過佢的Lab同office,茶房,著咗佢件袍,仲有好多儀器,好多電腦,見識過佢一部份的工作,真係好佩服佢呀,似乎要懂多方面的知識先可以做到咁多嘢.之後仲見到佢一班同事,仲有已經傾咗兩年的"blog友",Dick Dick,紅魔鬼,仲有肥叉添.當然仲有隔離班班主任,同一個"我有結論的人".感覺就好像...哦~原來你就係XXX. 好得意.


同Mabel足足傾咗十一個鐘,真係仲未夠,可能真係應該見多你幾次,咁可能我地可以冇咁"長氣"啦.


而家就去食你送我的果件朱古力味林明頓蛋糕先~~嘻嘻~

懷舊

好耐冇聽以前的歌,心血來潮,就想起呢首歌,好懷念...(哈...我懷念的??)

對你始終痴心一往 - 古巨基想聽呢首歌,按這裡再按上面Play掣

(電視劇「刑事偵輯檔案」插曲)

作曲:邰正宵
填詞:張美賢
編曲:甘志偉

相依的分秒間　 不似當初那麼興奮
兩眼再次望見　 你那逃避眼神
一聲聲歡笑聲　 總覺隱隱帶點苦困
似這晚這一切　 未像期望動人
陪著我要是這樣勉強　 你的憂傷我也可想像
或者如從前模樣　 重頭尋路向
都不過一些妄想

對你始終痴心一往　 每晚我又應否充滿盼望
愛你的心燒得火燙　 每晚美夢當中總遇上

喜歡的一闕歌　 不似當初那麼吸引
你我再次合唱　 歌聲中如沒靈魂


同場加影.......

我懷念的- 孫燕姿 想聽呢首歌,按這裡再按上面Play掣


作詞：姚若龍
作曲：李偲菘
編曲：Martin Tang
製作：李偲菘

我問為什麼　那女孩傳簡訊給我
而你為什麼　不解釋低著頭沉默
該相信你很愛我　不願意敷衍我
還是明白你已不想　回首

＃想問為什麼　我不再是你的快樂
　可是為什麼　卻苦笑說我都懂了
　自尊常常將人拖著　把愛都走曲折
　假裝了解是怕真相太赤裸裸
　狼狽比失去難受

＊我懷念的　是無話不說　
　我懷念的　是一起作夢
　我懷念的　是爭吵以後　
　還是想要愛你的衝動
　我記得那年生日　也記得那一首歌
　記得那年星空　最近的右手
　在那的胸口　誰記得　(誰忘了)＊

REPEAT＃＊

我懷念的　是無言感動
我懷念的　是絕對炙熱
我懷念的　是你很激動求我原諒
抱著我的痛
我記得你在背後　我記得
我顫抖著　記錄感覺相擁
最美的煙火　最沉的相擁

誰愛的太脆弱　誰過頭愛了
誰要走我的心誰忘了那就是承諾
誰自故自走　誰忘了相處過
誰讓愛變沉重　誰忘了要給你溫柔

(我懷念的 )　
我還有想要愛你的衝動
我記得那年生日　也記得那一首歌
記得那片星空　最緊的右手　最暖的胸口

我放手　我讓座　假灑脫
誰懂我多麼不捨得
太愛了　所以我　沒有哭　沒有說

克勤演唱會

今日Mabel一早就搵我,原來佢去咗撲飛,仲幫我呢個死懶鬼買埋,真係辛苦哂你!

本來想叫佢買多機張,又唔好意思喎...所以今次只可以同Mabel,樺爾,阿Dee,四家姐一齊去.希望大家姐同媽媽唔好唔開心啦....最多買DVD送畀你睇啦.

年尾

年尾啦,該來一個總結吧.

事業:
今年都可算係我人生的另一個大轉變,轉咗兩間公司,做的工作亦與以往有較大的分別.但工作上所學到的,還是自己一點一點地去學,慢吞吞的我怕要叫人發瘋,幸好有朋友及工作伙伴多番忍讓及出手相助,否則恐怕要轉行做"土地測量".


健康:
今年初開工至今,身體的健康反反覆覆,今日仲無啦啦仆親添,今年年頭害到媽媽仆親,年尾先有報應...唉,上天有乜啟示呀?


朋友:
一向朋友不多的我,可以維繫現有的fd,已經算成功...只可惜已經失去咗很多相聚的機會,只是放在心裏,真的不行了....電話又不想多打...死証.


家庭:
機乎每星期都有family day,有時只忙著替爸爸做筆記,連family day都要對電腦...累...很累.


愛情:
結婚是愛情的墳墓??.......幸好,希望呢個會唔apply嚮我身上,我想,只是剛起步吧?

家姐瘋狂掃貨日

好耐冇同四家姐行街,今日本來約佢去葵芳,都未去目的地,已經用凸咗quota!最後都只係荃灣搞掂.

買呀買呀,都不忘幫阿Dee買d,其實家姐都好辛苦揀同攞架,細佬,你大個仔啦喎,自己同朋友仔去買下嘢,唔好用哂d錢買書啦...

今日冇同四家姐買鞋,但係已經有三大袋衫呀褸呀,但係我就只得一件...因為好肥好肥,冇乜衫褲啱我啦...嗚嗚...

同黃小姐去黃珍珍

黃小姐一早已經預約好去九龍城黃珍珍食泰國菜,所以黃小姐訂的卡位可以坐得好舒服.今日叫咗一d平時好少會叫的泰式蝦刺身,肉質好"實正",不過聽珮兒講,有另一間好味d...食物的味道就好似麻麻地,泰式炒蟹同香芒XX炒飯都太淡.不過就睇到好多枱都叫烏頭魚食,唔知係咪好好味呢?


今日冇乜時間傾計,話咁快食完行一陣翻新好的九龍城廣場,9:00pm,大部份都關門啦.好快又要走啦.


今年就等我做個過時的聖誕老人啦,希望大家都會喜歡你收到的手信啦...唔...不過見到你扁嘴...好心傷...今日如果唔係約咗四家姐,睇怕我都會帶埋果份一早買落嚟畀你的聖誕禮物"補飛",因為我都怕你唔喜歡史迪仔,可以一起送畀你...本來後尾嚮日本機場都買咗另一份...(哈,原來我真係好多心....)但係因為唔夠份,畀咗一份阿嫂...唔...好對唔住你添.其實當我畀佢的時候...佢好似都唔多鍾意...唉...我又做錯咗啦.


呢幾日都好凍...好凍...

相聚一刻

好耐冇見Berry啦,好開心咁傾咗一個dinner,只係水道橋的食物好似冇上一次食的咁好啦,不過有免費的三文魚都幾好呀..嘻嘻...我地真係冇order到架.今日已經係我地第X次出現算術混亂的問題啦...sorry sorry,下次真係唔好掛住傾計!

東京箱根六天自由行(後記三)

->築地-> Hello Kitty Land->Tokyohands(新宿)

築地
一早8:00多就去到築地,為的就係去食呢個新鮮魚生壽司,3500円一個set抵唔抵食真係見仁見智.不過真係好新鮮,有成八至十件當日精選壽司,有Torox2,有幾件唔知乜魚,再加有六件係紫菜包著青瓜的果種,海膽壽司真係好鮮味.不過好多人等位,所以食得好急呀.不過"阿姐"話"no photo no photo..."所以影唔都所有壽司啦.

Hello Kitty Land
如果唔係同瑩瑩去,我十成十都唔會去Hello Kitty Land,基本上佢唔算係一個Land,只係一個外觀可愛d的一個商場.裏面有歌舞睇,有so call 4D的動畫,有機動但唔刺激的遊戲,有演員敎小朋友學跳舞,呢樣都幾好丫,不過瑩瑩當時只係掛住食爆谷,所以冇跳舞.三家姐同姐夫睇歌舞表現仲睇到瞓著咗喎!其實都唔係咁差呀,都跳得好好呀...試吓默想換咗個貓頭做其他人,跳隻咁的舞應該幾搞笑呀.

接觸咗幾日日本人,就算服務員識英文的都唔多,不但唔多啋人,有d服務員的態度都幾差,有d仲好冇禮貌,不過都有d好主動幫你,真係睇你好唔好彩....其實如果唔識日文都係少去d呢d乜land乜land睇表演,因為冇乜英文翻譯.

東京箱根六天自由行(後記二)

20/12 新宿->迪士尼 今日去迪士尼,大人細路都玩得好開心,不過因為瑩瑩瞓著咗,都冇玩好多嘢,其實行嚟行去都冇點搵到好嘢.又見唔都好得意的巴斯光年,又冇乜好的米奇嘢,好在有呢個特別版米妮嘢,但係唔知佢地會唔會鍾意呢.

之後食Lunch見到個史迪仔飯盒套裝好似係咁多個最得意,雖然知道Mabel最喜歡的係米奇,我估佢"lam著"個飯盒都應該會好可愛架....心諗,如果畀我搵到個更加好的禮物,咁先唔送畀佢啦.


食完午飯,繼續玩啦,瑩瑩見到一個門,佢想去開,但係又唔敢去開喎,咁佢daddy就幫佢開,一開佢就嚇到彈開喎!

有咗之前的經驗,之後叫佢按另一個門鈴,點知佢都未按,就嚇到走咗啦.靚妹真係好可愛..嘻嘻!

東京箱根六天自由行(後記一)

今次去日本旅行,三姐姐一家人,加我同樺爾兩個一行五人,先去東京再去箱根,機本上係一個美食團:

第一天 19/12 成田機場->新宿(Washington Hotel)
第一晚就去咗三家姐朋友推介的"北澤俱樂部"食壽司,係一間當地好受歡迎的迴轉壽司店,一坐低,我地就食一件牛肉壽司,真係好新鮮.


長腳蟹...正正正!


再嚟一個帶子刺身,好味 but...好"林"咁...乜新鮮原來係咁架!


食咗三碟先至睇下幾多錢一個,一睇....哇,金碟要1470円!!


收歛咗,就食呢個啦,甜蝦的腸好"奀",唔會斷架,肉質鮮嫩:


蟹肉再加少少醋,真係好好味:


之係再食下三文魚壽司,其實同香港食的都差不多.



不知不覺5個人就食咗2萬幾円.真係好滿足的一餐.但係荷包就重創啦.


經過JR商場的快餐店,又買咗呢個甜品,幾好味架,仲以為係雪糕波波,原來係個芯係熱架.

九年之約

今日係一個我同樺爾的記念日,雖然並唔係刻意,但係偏偏又揀今日去旅行.


今次仲同三家姐一家人去添,唔知會點呢?


其實每次去旅行,都會有少少期望...唔知可唔可以見到你夢裏面的景象呢?


一起走過兩旁樹的小路...唔知會係點呢?


6:00就要走啦,心情總是有一點點....希望開開心心,返嚟再寫啦.

Mabel,加油~~努力!

今日無啦啦要同好多人接觸喎,加上臨近聖誕節,特別要搵多d人.


今日又見到阿聰,同聰嫂添.撘同一架車,間唔中就會見到.


好耐冇同Iris呀,講到上次約出嚟食火煱,Iris 同 Giny都好期待幾時約出嚟食,但係我就冇心肝添...雖然我當日一早就到,不過火煱呢樣嘢....真係興趣不大.所以唔好見怪.


至於Berry呢,約下約下,約到要1月中,咁就搵個好d的節目玩下先...哈哈.


哈哈..其實想搵Mabel,講聽"努力,加油"...不過由於唔想阻住你溫書,都係,遺個言here....


祝你考試勁過,咁我可以就做你的"老鼠一號"啦....係街外的果d"坑渠老鼠..."

精神不振

近來休息又唔係好夠,加上有貴賓來訪,所以又要執屋歡迎佢...經過媽媽檢閱,見到間屋都仲四四正正,都好欣慰.其實媽媽都好鍾意我間屋...哈哈...(其實我個書房真係好鬼混亂,不過媽媽見怪不怪lu...忽然覺得自己都好乖咁...hehe..媽媽真係錫我...哈!)


好彩呢頭執屋,果頭Earma又過來住...hehe...希望佢都滿意呢個服務員的服務啦.
今次,又要教佢用新電視機,同佢set下佢的手提電話,佢個電話真係好"ke lear", 都好丫,我都冇乜嘢可以為佢做.


呢幾日好似好忙咁,其實都冇好好休息過,Earma終於都走咗,咁又可以"反轉"間屋啦.

食蛇羮

今日下午,去咗蛇王善買外賣蛇羮同臘味飯,呢次應該係我的第一次食蛇羮,唔知點解,因為一向都冇意欲去食d"奇珍異獸",所以雖然唔係我唔敢食,但係都係可免則免.


不過呢排同事們經常提起要去食蛇羮,講咗好幾次,今日終於都"心血來潮"走去食蛇.


我都唔敢要一碗,KHC就分少少畀我試下,hehe...多謝你呀...你經常帶我去做d我一向都唔做或者怕做的事...


今日又"破例"食咗啦.其實聽同事講,呢碗蛇羮唔算夠味,又冇菊花喎...唔知係點架呢?? 不過對於我第一次食的人嚟講就真係好易食.冇乜問題.仲有d薄脆幾得意.


唔...下次仲食唔食?唔...睇下點先啦....其實我以前去攝影團,連狗肉都食過,有乜唔敢食呀,不過,如果同一般的肉一樣營養價值,又唔見得好好味,點解要乜都去食呢?我不食佢地,人地都食佢地,蛇呀蛇...你地被養大,總有一天被人劏....

遙遠的Jay

今日同KHC去睇周杰倫演唱會,係三家姐的朋友有兩張第12行的飛,不過當我收到飛,一睇,下,一個Section 46 85號,一個Section 48 95號,已經畀佢嚇咗一嚇,以為唔係一齊坐,不過check返,其實係轉彎位的坐位號碼就係咁架啦.


不過forum都話,個台好細,所以平時四面台咁,今次就好似三面台,仲要中央位置都係坐位,相對地,第12行都其實好遠,好似買咗280的飛咁.(今年呢,普遍都加咗價...)


總之,一個字就係遠啦!所以都無想象中興奮...新歌比較多,有好多都唔記得,冇得跟住唱,而且音樂仲大聲過Jay把聲.好遠...好遠...


見到現場的粉絲,我自問我都唔可以算係一個fans,又可能冇唱好多我好喜歡的歌啦,而且同KHC的口味真係有好大分別,南轅北轍,機乎去到"互相踐踏"的感覺...不過其實係"和而不同"啫....唱K時,又唔係好覺添...


都唔記得有乜歌,唔記得咗KHC嚮邊首歌仲對我唱咗幾句添,funny guy ...同你一齊去聽演唱會,真係唔會悶.不過...真係有少少嚇了一跳...所以想"反擊"...但係...有d說話/歌都係好難會唱出口架...Anyway,有你陪我都已經好開心啦,多謝你呀....


返到屋企,入咗腦的有..."夜之第七章"前奏,"夜曲",同"陽光宅男"的beat,兩句"甜甜的".

電視機送到啦!

講話買咗LCD TV成兩年,講下講下都冇買,因為舊電視死唔斷氣,唔潮濕的時候部機都幾OK,所以一直都唔捨得換.


兩個星期前樺爾買咗個二手XBox 360,點知最想玩的NBA Live 08 連字都睇唔清楚,皆因電視的解象度唔夠高.真係令佢好失望.


識我地的人都知,樺爾對於電器一向都冇興趣,相反我由細到大都係"家電部",屋企的家電都係由我負責.點知因為一部XBox,佢就自己走去揀電視機啦.在於我真係好"恩惠"...


但係結果都要我去做功課,但係都"未做完功課"就等唔切買咗啦. 之前以為要買37"先夠大,不過32"有Discount,再送$1200百佳coupon,冇理由要花多差唔多一倍價錢去買唔係Full HD的電視機架?


一個星期前買咗,今日送到嚟,都幾開心.冇死點.哈哈哈...


我一路以為我地部電視機係25"添,叫收賣佬上嚟睇部機,原來得21"架咋,相比之下,原來32"電視已經好夠大架啦!畫質唔錯,真係幾好,可以打機,打機,再打機...

一個星期又過去

開始又有d茫茫然的感覺,有時候會覺得做人冇乜目標,冇乜特別想要,之後又頹頹地...


今日上返MSN...同久違的多位朋友傾計...真係估唔到今晚咁"墟憾",好開心咁傾傾傾...


傾傾下,仲知道咗一個好消息...真係有人可以"咁快退休,真係要多謝佢自己",佩服佩服...


今年由年頭大升到年尾,聖誕節可能仲會再升,難怪可以提早退休啦.


唔知幾時可以好似佢咁呢?

叉燒包

今朝收到個SMS,叫我唔洗買早餐喎,


呢個世界冇免費午餐,不過係會有免費早餐架...


哈哈...真係好開心!!!唔係因為"免費早餐"...而你呢份心意.


好味...如果Ding熱佢可能會更加好味.


Anyway,多謝你呀...hehe....


suddenly記起一首舊歌...有時,以前聽呢首歌就唔係十分鍾意(同一隻碟唔會揀佢...),就係無啦啦會想起呢d歌...忽然"refer"到...

不過...對象好似唔係好對...唔好嚇一跳喎.哈~

小小意思 - 古巨基 想聽呢首歌,按這裡再按上面Play掣

曲: 黃丹儀
詞: 黃偉文
編: 黃丹儀

這葉兒給你記掛誰時 可以摺隻船兒寄相思
這電池給你最困難時 得以振作維持你宗旨
#如在理閒事 愛的部署 都瑣碎如此 為情人忙構思
呈獻小小意思 來搏一絲笑意
在那小事上極盡奢侈

願這關懷能無微不至
猶像最小心眼那天使
呈獻小小意思 難免不好意思
若你心裡替我留位置
不需要特別鄭重被掛住
隨便放於一角也可以#
總有用處
酷味兒 給你最眼紅時
一次呷兩茶匙 也消暑
四字詞 給你要到來時
講暗語當門匙 探屋主
REPEAT #
呈獻小小意思 誰也不必介意
沒有刻意要你留位置
假使這無無聊聊微細事
能讓你想一次笑一次 總叫用處

我好鍾意小爾

之前樺爾無意中睇咗yahoo的video有一套"動物橫町"的卡通,無線配音版.睇咗一兩集,我就好鍾意小爾啦.可能係"悟飯"聲配音的關係啦


註:真名叫"林元春"的配音員,即係果個"相聚一刻的響子","龍珠的悟飯(細個)","百變小姬子的野野原姬子","百變小櫻 Magic 咭的小櫻","Keroro軍曹Tamama二等兵"........


總之呢隻兔仔真係好搞鬼,好出位,鬼主意又多...最屈就係佢的"靈魂出竅".


其實故事都係好小朋友的果種,簡單d講都係低低能能,其他角色都冇咁好睇,熊貓依沙,小熊健太,小美呢個小女孩只係配角嚟架咋.


有時間先睇啦...因為好多都唔係好好笑...但係只要你係"林元春"的Fans真千祈咪錯過啦...

(係呀...你呀...同埋...你呀...)

動物橫町【第1集】【我的新朋友】
http://hk.video.yahoo.com/video/video.html?id=197979

動物橫町【第10集】【給偶像的信】
http://hk.video.yahoo.com/video/video.html?id=199078


動物橫町【第25集】【新年了要大掃除！】
http://hk.video.yahoo.com/video/video.html?id=254466


動物橫町【第26集】【溫泉我來了！】
http://hk.video.yahoo.com/video/video.html?id=254476

剝牙篇

好耐未剝過牙啦,自從當年要剝一隻智慧齒,已經相隔好多年冇"郁"棚牙啦...


其實上個星期本來好似有少少問題咁,但係以為敏感牙齒冇理到佢,依家搞到連隻呀都冇埋添.唔通我講咗大話,所以要罰我"甩大牙"? ....冤枉呀..."十一月飛花呀"...


其實我都幾怕睇牙醫,因為細個好少睇,棚牙好醜怪,唔好意思去睇牙.


本來想去之前洗牙的果間,因為之前洗牙時個牙醫都叫我最好剝咗呢隻智慧齒,問下要幾錢,好似講話要$12xx咁上下,但係我又唔覺得痛,都冇理佢.點知呢個牙醫今日嚮中環應診...唉,唯有去撞第二間.點知太遲出門,要下午先有得睇.


今日樺爾仲陪我睇醫生添,真係好感動.(不過要佢請假.真係唔好意思... 6_^),去到呢間新開的診所,門面真係好high $$..真係怕佢會收好貴,檢查都要$200,但係如果要做手術就收少d,收$80,我心知都係要剝啦...但係個護士又唔講幾錢一隻大牙喎.都係要問醫生先講畀佢"略"架啦.


原來等睇牙醫的時間係耐過剝牙好多架,個護士仲叫我去行街食下嘢先返去睇牙喎.同樺爾行咗一陣,佢返屋企我就去診所.


入到去診所,牙醫講冇兩講,就一邊睇我d牙,一邊口述我的牙齒有乜毛病.我以為係左邊上高第二隻,原來係左邊上顎的智慧齒呀.牙醫話,因為我的牙冠垂直崩出,如果我補牙都可能補完都好快再甩,所以建議我剝咗佢.問埋價錢,$1100 +$80 檢查,都ok公道啦.咁佢就開始啦.


我feel到支針"gut"咗我幾下,之後就好苦..開始有D麻痺...呢到有"黑超"戴,所以冇咁直接睇到個醫生,而且又有保護,都幾好丫.好快就搞掂,用咗15分鐘咋.個牙醫話我的牙有"倒鈎"所以難剝d喎.仲問我要唔要返隻牙留念喎.唉...仲細咩~


出去畀錢等攞藥的時候,個護士仲陰陰嘴笑我講唔到嘢添...真係呀...-_-專業..知唔知乜嘢係專業呀...


回家時只可以打電話畀樺爾,但係又講唔到嘢喎,所以係咁"唔唔...唔唔"咁講嘢,好好笑,低低能能.


行行下,仲有個人走嚟問我幾多點添,我只可以畀個表佢睇,真係好似啞巴咁.


之後仲要食唔熱的食物,諗嚟諗去,都係去食日本嘢啦.d魚會容易"趙"d,不過今日試呢間日本嘢...真係唔多好味,可能我地叫得唔好啦,只係叫咗一個魚生定食,一個壽司定食,同鹽燒青魚,以呢間店的人流,魚生有雪雪地的感覺,服務又麻麻...應該都唔會再去.

隨便

突然之間好想推介古巨基的一首舊歌,係我同阿Dee,四家姐都好喜歡的一首歌...不過冇得唱.

聽吓呀...古巨基的歌詞寫得好好架.

隨便 - 古巨基 想聽呢首歌,按這裡再按上面Play掣
詞/古巨基
曲/張佳添
編曲/張佳添

領悟 不領悟 一念之間 如釋重負
倦了 沒了 沒意義 愛情來去太容易

沉默 衝突 沒有對錯勝負 別太固執
別堅持 隨便讓它過去

生命總不能重來 愛情還能期待
歲月能讓人放開
一路走來也許太多人生的無奈
珍惜你的人還在
生命總不能重來 時間不能停擺
拋空一切能釋懷
等到兩鬢都變白
回頭看 這一切都沒什麼 什麼

That's what friends are for

多謝你呢首歌呀...好受用架..好好feel.

That's what friends are for - Trijntje Oosterhuis

想聽呢首歌,按這裡再按上面Play掣


And I never thought I'd feel this way
And as far as I'm concerned
I'm glad I got the chance to say
That I do believe I love you

And if I should ever go away
Well then close your eyes and try
To feel the way we do today
And then if you can remember

**
Keep smiling, keep shining
Knowing you can always count on me, for sure
That's what friends are for
For/In good times and/in bad times
I'll be on your side forever more
That's what friends are for

Well you came and opened me
And now there's so much more I see
And so by the way I thank you

And then for the times when we're apart
Well then close your eyes and know
These words are coming from my hearts
And then if you can remember

做運動

食完飯,呢排好似冇乜好電視節目好睇,就同咗樺爾去打籃球兼跑步.


估唔到附近個球場咁早收10:00pm未夠就趕人走,之後就走咗去荃景圍跑步,都跑冇2個圈已經有d攰.好似跑左10分鐘,就冇氣啦.


同一時間,其實都有唔少人跑步,跑街跑公園都有,佢地都應該係好有恆心的果種,唔知我地聽日仲會唔會去再做運動呢?


之後我地再去荃景圍的半個籃球場都射波,射得一陣,我就中咗頭獎,今日都好似幾黑仔...到底..仲要黑幾耐?

崩牙妹

今晚同樺爾食飯,食到"留尾",食到last一舊排骨,係好硬的軟骨,我又真係好喜歡"趙",不過就估唔到今日我隻牙終於都"報銷"啦...

我仲唔知,一邊飲湯,仲以為d湯係有沙,吐咗出嚟都仲未知自己咬崩牙!都唔知我有冇吞咗少少落肚添...


死啦,都唔知點添...

是我不好

是我不好 - 應昌佑 想聽呢首歌,按這裡再按上面Play掣


作曲: 陳志遠/伍冠諺/雷頌德 │作詞: 黃偉文
編曲: 雷頌德 │監製: 雷頌德

這是我的錯 難怪你會恨我
若你想不要我 仍有你道理 不敢嚕囌
那日你跟我 曾經多麼諧和
其實我珍惜過嗎 有一點 可惜不夠多
但現在 重回家中 至清楚 惹了大禍
面對一邊 空空被窩 前夜也都溫暖過

就賴我不好 是我不好
但我不知 怎麼 改得到
糊塗的人 錯到了這種程度 不知怎去補
你教我應該怎做 恕我已無 信心找你哭訴
怕你更加憎我 不敢 再上訴

寂寞是 無人知 深宵一個對電腦
期望藉電郵說句話
但太心虧 發送不到 發送不到
自問是 難彌補 談情並不可商討
若那些 早可以做 怎麼不做 要惹你鼓燥

就賴我不好 是我不好
但我不知 怎麼 改得到
糊塗的人 錯到了這種程度 不知怎去補
還債那個時辰來到 並不討好 誰願聽我哭訴
怕你更看不起我 不敢 再上訴

就是我不好 是我不好
是我一手 掀起 的警報
其實你很好
是我天生 管教不來 太令人卻步
求你教我應該怎做 我會試圖 去依足你一套
誰錯了我早知道 不敢 再上訴

Berry 生日快樂

好似每年都草草了事咁為Berry慶祝生日,有時候甚至會覺得有點內疚...


今日又去咗尖沙咀的Cafe Bloom, 同佢慶祝生日(由於時間關係,我同Kathy只可以買個生日蛋糕同你慶祝...希望你唔好見怪lor~)


今日係生日會,但係竟然係講鬼故,講講下仲講到用意識去體會"死一次"的經驗,Berry真係一個樂天派,當你的靈魂飛出肉身之外,你竟然同自己的body say goodbye :"辛苦你了" ... 哈, 真係估你唔到...


相聚的時間真係好少...下次唔知又要幾耐之後?

情緒病

呢幾日情緒病又發作,以前對住同事都仲可以勉強堆起笑容,都冇乜人知我發作.有時唔想見人就"lay"埋屋企.不過呢幾日情緒病又發作就有d唔同,因為有個太熟悉的人嚮身邊,我的眉頭眼額,佢一睇就知.有乜都瞞唔過佢雙眼.


當你接二連三遇著好多頭頭碰著黑的事,情緒收蔵得再好,有時都想發下霉氣,但係就係唔想對著朋友或者家人發脾氣,一個人去慢慢思考下,平服下就可以啦.


Please give me a break. a day is enough.

我返嚟啦

剛從蘇州返來,好攰好攰...


想抖抖...有機會先講講我地的蘇州之旅啦.

最差勁的姑姐

今日見到雙十...唔知點解有莫明奇妙的感覺,若有所失,好似唔記得咗d嘢咁.


返到屋企,見到四家姐的blog,先....阿~啓賢兩歲生日啦,我都唔記得.真係最差勁的姑姐!
嚟緊的星期六日又唔嚮香港添...想想下,我真係忽略咗啓賢.上兩次睇到啓賢的時候先驚覺原來啓賢的乳齒都出齊好耐啦!


上次仲見佢學講嘢,見到個椰子,佢就會講"瞉".同佢玩識字卡,佢對佢見過的事物就會有多d反應."襪襪",蛋蛋之類咁,佢見到一杯奶,佢竟然係話"杯",唔係話奶奶,又真係好正確喎.


係唔...雖然啓賢仲未識得睇呢個blog,不過,如果你大個仔,而呢個blog仲未摺的話,你又入咗嚟睇的話...


希望你唔好怪五姑姐啦,生日要快高長大,開開心心,聰明乖巧呀.生日快樂啦.


最差勁的姑姐...(唔用"上"...用乜架??)

約咗好耐的K

每次約Kathy,都會有心理準備要約好耐先真係會去得成,本來話做完個project就去唱K,好似成日都會話搵日去唱k,但係因為我話要"練歌"的關係,所以遲遲唔約住,由九月尾約約下,十月先約好,咪以為成日見好易約,就係因為大家太隨意的關係,唔係我唔得,又到佢唔得,終於就"是但"約咗就咪改啦.


兩pair人入去唱K,唱唱唱...冇乜真係傾計,但係好似未開聲就己經收檔,好唔夠喉.


一時間唔知可以唱乜歌好....


唱咗你那麼愛她,記得,魔力,五月天,當你,霎眼嬌,深愛...但係其實唔知點唱...


本來想同kathy蝦子唱幾首羅家良的歌...但係好唔啱key...唔知佢係咪在滴汗呢...
樺爾同kathy就合唱咗"今天你要嫁給我"喎...

切記,珊瑚海好難唱...千祈唔好再點"對你有感覺"啦樺爾...唱完就會"對你冇感覺"..斷咗氣.


唱唔到好多首歌...好似有...是我不好,溫暖冬眠,橘子汽水,無可救葯,很想說..對你的愛...等等...


可以唱到"走音人"的歌...嘻嘻...


講真...我想聽你地唱歌多D.

呢首,有意思,好聽....

魔力 -- S.H.E. 想聽呢首歌,按這裡再按上面Play掣


(口白)有一首歌要送給你　聽好　１２３

I have you to be with　Everything will be easy
曬的陽光　淋的雨滴　都值得回憶

I have you to be with　才懂心不夠近才怕距離
心電感應　絕不斷訊　會如影隨形

曾灰心以為　我來錯了世界　太多想法很另類　找不到人瞭解
當我說的感覺　牽動著你的臉　互動的淚　讓我們變得特別

你是我的魔力　想要勇敢就想你　一眨眼睛　把不如意　都變成流星
你是我的魔力　心情不好我就想你　刪除憂鬱　複製甜蜜　笑容不結冰

幸福是間電影院　沒有單人的座位　要肩並肩　才能看好戲上演

I Wanna Say Thank You!　Thank You!　Thank You!

東涌至大澳行山記

"今日"同阿聰阿義阿Mo,阿Su,加埋樺爾一齊去咗行山.天氣其實唔係幾適合行山,又悶熱,空氣污染指數又高,由東涌行到大澳,足足行咗3.5 hr,路程比想象中難行,途中經過上落幾個斜,少少石級,少少泥路碎石,邊行邊影,行到尾段我已經冇乜力氣去影相啦.

好攰呀,瞓瞓瞓....聽日要唱K.

愛回家

好耐冇返屋企做阿四,今日咁啱,樺爾又去打波,之後又去飲,咁我就成日都係自己的時間啦.


本來約咗四家姐下午去行街買衫,不過又遇著一個人,加左人工,同爸爸媽媽飲茶就最好不過啦.


最衰就係要"涼衫"之後先出門啦,搞到急急忙忙去飲茶,仲要爸爸媽媽等.真係衰女包.紫荊的食物都算抵食,所以爸爸媽媽都食得好開心.不過今日坐的位置就麻麻地,好鬼熱.


食完飯,就同四家姐行街,買衫就變買鞋,一買仲買咗兩對添,不過唔係我...係艾Mei黛.


本來以為冇收獲,後尾同四家姐,一齊買咗件T shirt,又買多件畀阿Dee,3 件 50% off...ok 啦. hehe...


今日真係冇想過會咁過,返到媽媽度食飯,仲下廚煮兩味..爸爸媽媽仲搶住嚟教我煮添.不過爸爸今日就失手,我己經唔記得咗炒菜要落幾多鹽,所以四家姐就話:"冇味既",蕃茄唔知落幾多糖,爸爸又話唔好咁多,唔健康,所以四家姐又話:"好酸呀"...嗚嗚...爸爸媽媽都未話嫌三嫌四喎...哼~


好彩四家姐去洗碗,咁我又可以同媽媽傾下計啦.


好耐冇試過氹爸爸媽媽開心啦,今日我好乖架.


愛回家 -- 古巨基 想聽呢首歌,按這裡再按上面Play掣

作曲: Dick Lee 作詞:林夕 編曲:Ted Lo 監製:雷頌德

勤力過 捱罵過　如做錯
誰又會原諒我　懷念家中被窩
想去躲　這麼吃力　求甚麼

投入過　麻木過
磨練過　沉悶過　疲累過
其實我進取麼
時間從未敢蹉跎
賺到幾多
賺到的只是你
能被你溫柔無微的照顧
被你那麼在乎
平日有你縱壞已忘記辛苦

活著有你多好
多麼渺小都變寶
躺在平靜被舖上漫談來日旅途
回到家中便有你多好
一碗暖湯的鼓舞
沾濕我眼睛
有人祈求我歸家　來互抱

唯獨你　明白我
成就過 誰若說　容易過
曾受了氣幾多
能聽我解釋因何在這被窩
賺到的只是你
能被你溫柔無微的照顧
被你那麼在乎
平日有你縱壞已忘記辛苦

活著有你多好
多麼渺小都變寶
躺在平靜被舖上漫談來日旅途
回到家中便有你多好
一碗暖湯的鼓舞
沾濕我眼睛
有人祈求我歸家

自問已經得到
得到你比一切好
躺在平靜被舖上望浮雲在過路
回到家中便有你多好
張開兩臂的鼓舞
沾濕我眼睛
眼前繁華有幾好　來互抱

中秋節

今日有得早放工,3:00pm就可以走,不過我地最後都冇準時走,3:30pm先走.估唔到仲早過艾活同歐化走.


今日本來都唔想返媽媽屋企度,因為約咗翌日先見大伙兒.點知三家姐一家人都返去,一齊開開心心食一餐,但係媽媽就辛苦啦,不過有我地陪佢落街玩氹下媽媽都幾好丫.雖然...我真係唔鐘意落會所.不過,如果媽媽開心的話,嘈雜d又何妨呢.係咪?


後尾仲車我地入元朗打機,撘車車的時候,瑩瑩仲唱歌仔我地聽添.原來佢睇電視學咗兩首機械人卡通片日文歌喎,聽落真係好似咁,佢仲話佢聽咗兩次就識唱啦,真係好叻呀.

1 day escape

上星期樺爾工幹返嚟,本來以為有幾日空檔抖吓,但係我得閒時佢又唔得閒.反而都仲係各有各忙...


因為樺爾的同事送咗兩張UA的贈劵畀佢,而即張落畫的"無恐不入"只係東涌同太古有得做.咁我地就去東涌行下啦.去D咁"遠"的地方,先至好似有d放假feel咁,好耐都冇"拍拖"啦,就當係鬆下散心啦.


至於套戲呢,其實我都知係驚驚地的戲種,不過估唔到我反而只係怕某d打鬥的鏡頭,其實都唔係好驚.只係可以用緊張嚟形容.


呢套戲係講外星人透過病毒侵略地球,話太空船失事墬落的殘骸有外星生物,接觸過的人就會性情大變.不過如果講Invasion,不如就講Infection算啦.感染咗呢種"病毒"就會冇emotion,所以個個人都好似行屍走肉咁,不過就唔知點解,佢地會想令冇感染到的人都感染埋喎,令到所有人都係一樣冇emotion,反抗的人就會畀人追住吐口水落佢度.個故事本身都唔多合理.但係睇的時候你都唔會理咁多啦,只係好怕個主角都變咗佢地咁,好怕佢飲咗人地的口水,好怕佢又畀人吐口水,好怕佢畀人check到佢有emotion,好怕佢畀人追到,好怕佢個仔都係咁樣....


話時話,妮歌潔曼好似又靚返啦喎.

黑仔

今朝一返到公司,開唔到機,原來harddisk呱咗,唉,點做野呀....


反正噚晚都瞓得好差,又遇著死機,真係想乘機休息下.但係又好不安,因為之前幾個月做的嘢,都冇好好backup,好似有個舊copy.最好個harddisk救得返啦.


今日仲要傾續約添,遇著呢個惡耗,我仲要強作鎮定,真係呀....希望"嘉仁宮"入主長蛇座....射住射住.


辛苦咗幾個月,呢頭話以為可以抖,但係舊的唔去,新既又嚟.希望呢個唔係無底深潭啦.


咁多個月嚟,真係要多謝一個人...好想好想:請你食餐好的.

睡不著

........

寂寞夜晚

好似咁大個女都未試過一個人住一間屋,上年樺爾工幹,我就返咗外家瞓,今日除咗落街買外賣之外,一個人留嚮屋企,做吓嘢,睇電視,打下機,又過咗一日啦.


唉,今晚得我一個人好悶咁睇"交嚮情人夢"...原來一齊睇電視,就算幾無聊都會好笑d架.


寂寞夜晚,如常平淡....

昏迷

7:00am 睡...會睡著嗎?
8:00am 吵...吵得醒嗎?
1:00pm 醒...是醒了嗎?
2:00pm 食...是食了嗎?
1:00pm 睡...是睡了嗎?
6:00pm 夜...天黑了嗎?
8:00pm 醒...是醒了嗎?
9:00pm 餓...還會餓嗎?
10:00pm 做...做到了嗎?
11:59am 睡...會睡著嗎?

天...為了它通頂

(後記)......


其實我好想走...不過又未搞掂,睇住KHC一個人做,自己乜都做唔到.好慚愧...


但係乜都諗唔到呀....


SORRY... SORRY...

911演唱會後記

雖然我自認係古巨基的fans,但係我並唔係靚妹仔果隻狂熱,話就話好想睇,但係又唔自己走去買飛喎,又怕好似上次咁多人買要撲飛喎,結果今次原來都唔係爆場果隻,果日(9/3)本來叫樺爾幫手買第三次加開的陳奕迅演唱會,不過又買唔到喎,咁就順便問下有冇古巨基演唱會啦.真係好彩啦,仲可以同阿Dee一齊睇添....(當然,包括樺爾啦...不過佢就經常被忽略咗...真係好唔好意思啦.下次唔敢架啦....g_-:係咩?!)


同阿Dee一開場就笑鬼死,呢個古怪基,無啦無講乜鬼"我已經滿力量啦"?!
好彩附近冇狂熱粉絲,如果唔係就可能會畀人打...


今次呢個舞台設計唔夠上次的好啦,一開場的果隻用爛紙製成的翼,非常之咁笨拙,好似飛都飛唔起,之後d樹樹,跳舞,但係就似垃圾蟲的造型多d.仲有四個人扮的風雷雨電之類的嘢,真係唔講出嚟都唔知.


不過我諗,古巨基自己都未必知道,其實佢簡簡單單,唔好搞咁多花樣,反而先似返佢自己.就算Remix過d歌,搞個管弦樂版的勁歌金曲咁又點呢...(其實花咗心機,同做出嚟的效果理唔理想唔係成正比架,呢個我成日都會體會得到...)


佢唱舊歌又唔記得少少歌詞,唱返近期的歌就正常好多.真係希望佢會唱下國語歌,不過佢半首都冇唱....


臨尾古巨基仲走出嚟解話,講吓成個so call的音樂劇,估唔到佢仲會安排自己跳咁多舞,睇在呢個Show都係經過一番心機去製作,11:25pm先散場,都算好抵睇架啦.

唔想咁樣

假設的5個問題,解決3個問題,走捷徑去解決1個問題,但係又產生2個問題,又返回原先某個問題....到底係咪始終都要搞掂果個問題.....


可以點樣?!冇氣啦...唔想做,但係都係要繼續做....


到底幾時先得?

一年了

上年的今日係我正式離開舊公司第一天,咁又過咗一年啦.


回想起上年游手好閒,今年除咗轉新工的半個月好少少之外,好似由年頭忙到依家都未停過,聽講仲要忙多一段時間添.


噚日放工撘地鐵,忽然見到舊同事,同佢老婆,佢仲"串"我,返親份份工都要做到咁鬼夜,佢地行完街,Shopping完,返屋企啦...我都只係啱啱放工咋.唉....


好想放假呀...........



今個月過得好辛苦,時間好以都漏走了.不過並唔係話好快咁又過一個月.之不過都有樣好開心的事:


呢排成日同Kathy練習講普通不過的普通話,百忙中調劑一下枯燥的生活.都好開心.


就讓我同繼續練習吧!

細佬

生日快樂嗎?你健康嗎?讀書讀得開心嘛?有拖拍未呀?


祝你心想事成,萬事如意.最緊要就係開開心心喲.


家姐的生日禮物要後補啦,請見諒喎.

泄氣

日日都係咁試,做到個人都傻傻地,由上星期抖大氣再接再厲,到今日真係有少少泄氣.忽然有人會熱心地關心我的進程,仲提醒我應該點樣去做添.真係要多謝佢,令我可以提早收工啦.

瑩瑩生日會Part II

上星期同屋企人開八月之星生日會,今次的主角就只有瑩瑩,家陣d小朋友好幸福架,成日會有生日party去玩.不過就真係辛苦咗佢地的父母啦.


三家姐本來都唔想搞Party,不過見Yumi咁多朋友仔,幾年來都冇搞到,今次就要盛大舉行啦.
瑩瑩之前話想去KFC搞,不過可惜又Book唔到場地...所以就去咗佢地的屋苑搞生日party啦.


三家姐成個幾星期就開始準備呢個生日會,又做咗個靚靚back drop,各式食物,回禮等等,我同樺爾都有幫手去訂個三磅的Hello Kitty Princess生日蛋糕.嘩~原來係咁大個架.足足可以畀30多人食架.


因為三家姐姐夫同樺爾都要去攞食物,我就聽三家姐的吩咐去咗會所到佈置場地.只係得返20分鐘就要開始啦,但係我見到個場地先想到,我對佈置場地一點經驗都冇,小朋友都陸續到達,但係我只係放好椅,吹咗幾個汽球,同貼咗個Backdrop,至於安置個相機位置同叫小朋友簽名我都做唔到.好在呢個時候四家姐都落嚟一齊佈置.


不過我一開始吹波波之後,小朋友就不斷問我攞波波,吹都吹都冇氣啦.好彩媽媽,三姐夫同四家姐都加入一齊吹咋.


我估我大大話話都吹咗十幾廿個波波.有個肥仔問我攞咗一個玩玩下唔見咗,又問我攞喎,一問仲問我攞兩個添.我叫佢地搵返個波佢又好似冇反應,見佢都叫做有禮貌d,就畀佢啦,其實我都唔知點拒絕d小朋友.


另外兩個女仔見到心形波波就猛話要.後尾就連四家姐吹畀君君的心形波波都搶埋.搞到君君好唔開心又喊添.有一個細路直頭當我係工人咁,呼喝我叫我吹一個畀佢,我直頭唔鬼騷佢,不過三家姐工人就幫我吹咗畀果個冇離禮貌的細路,遇著d咁的細路真係唔知點理佢好.


後尾呢個細路仲打到君君,君君只會同返我地講話果果男仔蝦佢.相比其他小朋友,我地屋企的小朋友真係好純,可能會經常畀人蝦添.我就唔想敎君君去搶去鬥...不過咁又係咪應該咁教佢呢?有乜事都係搵大人同佢出頭,又成日畀人蝦.


.....想得太多啦,呢個世代的小朋友真係唔打唔得.....


三家姐的回禮禮物好特別架,就係教小朋友一齊畫靚靚衫.十幾個小朋友一齊畫,估唔到佢地都肯靜落嚟畫畫喎.三家姐仲準備咗一d填色模畀小朋友填色,好多小朋友都好開心呀.真係一個好好的親子活動.


三家姐同四家姐果然都係美術天份好d既人,三家姐設計的熊貓衫大受歡迎,而四家姐就好叻執生,連君君畫得唔好的衫都畀好畫返靚靚,真係好叻叻架.


今日的主角雖然係瑩瑩,但係唔知點解,佢好似好靜咁,影相的時間仲好"嗲"d男仔添...希望佢大個d知道乜點叫男女受受不親啦....可能呢個concept都係不合時宜啦.


忙咗一個下午,好快就過咗一日,同小朋友一齊玩真係好...鬼...死...攰架.

測驗看你是什麼樣的人

哎吔,如果一時一樣,咁係咪有雙重性格架?我冇帶錶就會"右手臂壓住左手臂的",帶咗錶就會"左手臂壓住右手臂的"...點計架????

測驗看你是什麼樣的人 ------



首先!確認一下你是左腦還是右腦使用者吧
像祈禱一般,將雙手交握起來..
就是這個模門!!!看看你的雙手!!!



左手拇指被押在右手拇指下的---------------------->左腦使用者
右手拇指被押在左手拇指下的---------------------->右腦使用者



將你的雙手交叉環在胸前(請揣摩一下"我生氣了喔=)的感覺)



就是這個模門!!!在看看你的雙手!!!



右手臂壓住左手臂的------------------------------>左腦使用者
左手臂壓住右手臂的------------------------------>右腦使用者





從1+2來看你的結果*(要照1→2順序看唷~)



右左人 -------------------------- 善於體貼他人的傳統溫婉類型



能直覺了解對方的心情,並自然和善對應的右左人。雖然無法主動積極的向前,但卻會後 退一步來支持他人,生性穩重且貼心,給人一股〔凡事都會好好照顧＊〕的安心感。不過一 旦被拜託過一次,往後就很難再對他人說〔NO〕就是最大的缺點。不管自己有多麼的痛苦 也會為他人鞠躬盡瘁....這種熱情堪稱天下第一！



右右人 ------------------------- 最愛自己的挑戰類型 (hehe...都幾準)



生性勇往直前,一旦認定〔就是這個！〕時就會馬上採取行動！這就是好奇心旺盛最愛 挑戰的右右人。憑著一股氣勢就能夠坦然挑戰危險事物的魯莽一族。但另一方面亦具有被抓 住弱點時就很容易被打動的鮮細脆弱一面...。基本上,不聽他人的話,會跳著聽談話的內 容,也很容易就以主觀意識說話。不過也因這般充滿個性的緣故而備受眾人喜愛,往往能成 為人氣者唷！



左左人 ------------------------- 認真又冷酷的完美主義者



雖頗有女人(男人)味,但卻是在這四種類型中最具有男子氣概！凡事都能條理分明的理 論性思考,會憑著一篇大道理迅速打敗他,可說相當具有〔鋼鐵之女〕的感覺。自尊心極高,正義感 也比他人多上一倍。做為朋友是很值得信賴,但若與之為敵就會很棘手的類型。只不過,因生性認真又是完美主義者,常會讓初次見面的人留下〔難以相處〕的不好印象。



左右人 ------------------------- 喜歡照顧人,領導型



具有冷靜的觀察力能看透對方或現場的氣氛,但亦具有能體貼入微照顧對方的一面,這就 是兼具冷靜與溫情的左右人。因生性冷靜,頗具男子氣概且責任感強烈,像個〔大姐頭〕 般常會受到同性的愛慕。能自然聚集人群並與之俐落相處。只不過,有時也會忍不住太 愛照顧他人。相當在意世人如何看待自己,總是保持警覺心。

生日快樂(後記二)

今日冇乜時間同其他人傾計,因為我仲有下一個慶祝活動.今日去咗尖沙咀的Pizza Express,個北京烤鴨真係好味,好彩芝士味被烤鴨醫蓋過咗,Mabel都可以食.不過如果唔好葱的人最好走葱.環保D.


好耐冇見啦,所以食完都仲想搵個地方傾,行咗半個鐘,總算搵到間樓上CAFE傾計,呢間Cafe Bloom幾乾淨,一杯Drink 2x起,$65一個Dinner,有湯,主菜,甜品,Drink,聽Iris食過都幾好.


係咁坐坐下又傾到十一點半.返到屋企,竟然又同Mabel傾電話傾到3:xx...真係幾癲.

生日快樂(後記一)

講返生日會,今日先同三家姐,瑩瑩,"細佬阿Dee叔叔舅父"(佢都係撘做架咋...hehe...你細個就係主角,依架就要讓位啦),四家姐成日都係實地記者,掛住影相都冇時停.


今日見到啟賢,佢係咁跳,係咁跳,帶埋兩個家姐係咁跳,真係好盞鬼.果然係佢地爸爸的仔女.


今日試咗個美心新口味"彈蛋糕",見佢"彈",襯哂我個"朶",就買佢啦.其實呢個蛋糕得意在個Packing,食落都係一個鬆軟的蛋糕,上面鋪咗生果咁啫,不過大家一齊圍住個蛋糕睇下點拆出嚟食都幾得意架.唔知朱古力味會唔會好味d呢.

生日快樂(前傳)

又一年啦,每年八月都好忙,因為有好多個生日慶祝節目,瑩瑩,三家姐,Mabel,珮兒,仲有"細佬阿Dee叔叔舅父",唔...Kennis月尾又生日啦.呢年過得真係快.


自從幾年之前再搞番生日會,我地就開始年年都送生日禮物啦.


本來一早已經諗好咗送乜禮物畀Mabel,就係一對有米奇頭的休閒鞋,但係到我去買的時候先想起,其實我唔知佢乜碼喎,就連我啱我著的size都冇得賣.所以就要睇過其他禮物啦.


因為我以前買咗一d禮物,以為可以買定到時就送畀某某,但係原來唔work架,因為通常放埋咗,就唔好意思送出手,到時又會買過另一份禮物.


呢排好少行街,幾乎冇買嘢的時間,就算買,都會同樺爾一齊買,(呢個...其實係一個壓力,因為佢好怕見到我千揀萬揀的性格)...sigh...

回尾槍打到嚟

點解要花個半鐘返屋企?!


因為要先讓乘客下車,所以下車讓人下車,連自己都下了車! 花咗半個鐘搭地鐵.

因為要排隊搭小巴,當有人遇到認識的人時...佢地會...


等等下車,見到阿聰,佢好乖好守秩序,冇"打尖"架.用咗45分鐘先上到小巴,唔知為乜要咁辛苦,不如留低做嘢?!!


好矛盾,本身今日我都病病地怕凍,可以早放當然好啦,但係今個星期做唔完的嘢,下星期咪又要交功課啦,點都要OT,算啦,走就走啦....


呢個柏布呀,走咗又返嚟,唔知係咪遇到蝴蝶,一齊玩合體,一個"屈尾十"返嚟再打過.有冇人可以講解下呢個天文現象呀?


btw,司機真係好偉大...個個都返歸,但係佢地忙到死.

沒有KHC的日子延續篇之四

哎......冇心機呀......返歸啦....


這個白痴 ......... 沒智商 得個痴 時常被騙極容易
.........
這個白痴 受你蒙騙亦可以 受你點 給你指 到最終的那時
事已至此 誰會最易 .......
oh...其實詐蠢 全為你付出的機智

沒有KHC的日子延續篇之三

今日個Server Down 咗成朝,我冇心機做,就搞過另一個project的手尾.


日日都會匯報情況,為咗唔想畀個假希望 (false hope)畀老細,我又老實地講...係冇進展既...(點呀...)


不過其實情況唔係想象中簡單,又或者我又想多咗啦.


Anyway~~~我都係要死出嚟架啦.


今日中途加入開會,一入門口,老細就問我同另外一個同事有冇壓力.都唔知點答,只係隨便講,"唔知呢..."


其實唔係有冇壓力,只係未解決啫.(6_@:唔係會有異味果種喎...)


忽然另我想起星期六入元朗同三家姐一家人食飯,三姐夫講起"壓力"呢兩個字,佢就同瑩瑩講,話佢唔知乜野係壓力,點知瑩瑩竟然語出驚人:

"我真係知乜嘢叫做壓力架,壓力係好重好重,壓住好辛苦咁架"

沒有KHC的日子延續篇之二

我唔想日日都要九點走....


嗚嗚....


原來個Vendor仲有好多嘢未做,就算用得返大部份的CODE,可能都要Fix其他問題.做唔到,唔洗諗住做其他工作,如果好彩寫得完,又會加新工作再做多D呢個Project的嘢,唉,開始有見唔到盡頭的感覺....


我想放假呀....

沒有KHC的日子延續篇之一

KHC要搞VISA的關係,所以又離開香港一星期,雖然佢臨走已經盡最大努力,希望一齊完成果個MI.


只係我地始終都欠缺一些經驗.而呢件工作,連Vendor都好似想側側膊唔做,偏偏又要趕快完成.哎...何必偏偏玩謝我?


今日玩XSL,呢個Technology唔係新,只不過我冇樣精,搞咗半個下午,好似都冇乜起色,搞到我發呆,Dum地兼抓狂...不得其法.個God Dxxx Server又成日停,試到好似得,又其實唔得.


嬲嬲地走咗去問XML/XSL勁人,係喎,點解我想唔起Restart個Web Server呢,真係令我"茅薩頓胎"

今日冇乜特別

星期六又入去三家姐屋企,今次只係想見下剛病好的瑩瑩.


臨入去之前,忽然想起之前同四家姐睇中的一對情侶戒指,今日終於都有機會同樺爾一齊去揀啦.其實以前都睇過幾間飾物店,但係覺得靚的,好型的個圈圈就好厚,我地大家都戴唔慣,成日覺得頂住,有礙打字.


我同樺爾揀咗之前同四家姐揀的果隻,再試多幾對,但係始終都係第一對啱D,佢好似幾薄咁,希望之後可以經常帶就好啦.


哈哈...左揀右揀,原來第一眼睇中的戒指,如果戴得上,就咁就一世啦...

本Pair

今個星期的工作,又急又難做,又唔識做.本來返到屋企仲想搵料,但係都已經冇精神,所以星期二就走咗去同KHC游水,見到好多好笑的嘢...嘻嘻,笑仲多過游水.


不過游咗水又好似精神d喎.如果日日都游水,個人會唔會清醒d架?


呢排見咗多KHC,但係下星期佢又走過....唔,得返我一個人,唔制呀...

終於Launch咗個project

呢兩個月密密做的project終於Launch咗,好在有Kathy同身邊兩位同事幫手,如果唔係我都冇辦法做得完個project.


本應可以再smooth D,只係因為本身應該一早就check好的嘢,我冇好仔細睇.真係對唔住Kathy,佢本來約好朋友唱K,不過好彩佢都唔怪我,又好細心咁幫我一齊搞.只係我都有點介懷,應該要加強工作效能,同工作效益....
希望我可以改一改.


搞到十點幾先同Kathy + Den Den + 小音符唱K.今日雖然可以嗌下但係已經冇乜氣.


今日好搞笑,我地唱完K,一路話陪小音符搵通宵巴士返屯門,點知搵唔到,累佢白行之外,我地行到油麻地,諗住去佐敦撘小巴,點知夜果頭,得返元朗屯門小巴,上車一刻先知我地大家都洗光洗淨d錢,好彩kathy仲有廿幾蚊"神沙".去到麗城先可以搵間Circle K用EPS買嘢攞錢撘的士返屋企. 6_*

呢頭做好個project以為可以抖抖,點知又有另一個麻煩的project,又要勾起我早幾個月的回憶.學海真係無涯,不過我好似有學習障礙...點先可以消除佢呢?

終於打到籃球啦

今日好充實,朝早6:xx起身,6:30am出門上山打籃球,點知連個細場都裝修,好彩去到荃景圍公園有半個籃球場.一朝早,只有樺爾同伯伯一齊打波.


打到8:00am食早餐,返屋企沖涼,抖一陣就入去元朗同三家姐瑩瑩睇Keroro大電影二.個故仔的笑位,好似得大人先識食.見瑩瑩頭果半個鐘就好興奮,之後好似好悶咁.


之後去咗目黑食壽司,瑩瑩就話手卷好似ice-cream咁.原來佢同我都鍾意食蟹子架.


一講到去游水,瑩瑩又好開心啦.同佢玩水上捉迷藏,叫佢數十聲之後我地捉佢,佢問"係咪我地會游水嚟捉佢架",點知佢數數下去到池邊上水,走咗去,真係鬼馬.玩鬥快游去我度,佢就同媽媽講不如鬥慢啦,咁就鬥慢啦,點知我游到去佢度,佢捉到我,就忽然話自己贏啦.


今日見瑩瑩畫Bomberman,同各式各樣的bomb,好得意架.

KHC返嚟啦!

成個星期都冇時間update呢個blog,皆因手腳又慢,腦筋又唔靈活的我,搞少少嘢都要花費好多氣力...


KHC返嚟真係好....


見到KHC好輕鬆就解決問題,慚愧....應該要改變一下自己的依賴的性格.


不安,依然存在...聽日又要交功課...唉...好煩.

做乜鬼運動

上次同樺爾用咗好多cash dollar,買咗個新籃球,加$17就買到.本來星期一就想同佢去開齋.點知又落兩,到星期三好天少少,點知冇場地...

今朝想早d起身,10:xx去到個球場,依然係有人鬥緊波...點解咁對個波呀...佢都想有人打下佢架嘛.


因為我好想游水,又想入去元朗同瑩瑩游水啦...本來叫咗四家姐一齊去,佢竟然去行街喎...媽媽二家姐都唔得....


我同樺爾入到元朗先食晏,最終係"游咗"(行到好濕呀)元朗個大圈,去咗千色廣場,合益廣場,一路行到去咗新元朗中心,冇戲啱睇,又去返千色...

等到瑩瑩學完琴,返到佢屋企,就變咗打NDSL.....(我同瑩瑩都好想游水架...不過,算啦...都係下次先啦...)


今日同瑩瑩玩炸彈人,佢又想重施故技,叫我入洞洞啦,佢似乎當我地唔知佢奸計...好抵死,如果同樺爾咁佢就唔好玩啦...所以....我走咗去,點知唔小心炸死咗佢.好彩咗好乖冇發脾氣唧.個傻妹玩到忘形,成日都當黑色的炸彈人係樺爾...成日叫:樺爾唔係殺我,樺爾你今次要畀我贏...我只不過係一個幕後代玩咋...6_<~~ 嗚嗚...


之後同瑩瑩跳舞,睇佢食晚飯,又睇佢唱歌的movie...佢好叻架,成首溏心風暴插曲,"My love will get you home"都唱到.好好聽呀.


今日仲一齊睇熊貓節目添....本身我都唔鐘意熊貓,但係原來都幾得意呀.

沒有KHC的日子--第三天

今日搞好咗一份Document,不過臨尾仲要改一改先可以出街.今日係星期五,心情反而好緊張.因為如果今日的事辦不完,下星期的所有工作都會更加趕.所以唔可以鬆懈,搞到八點先走得.

其實我經常會想,係唔晚上的休息唔夠,又冇去做運動,令到自己冇乜活力.噚日如果唔係落雨,真係有個衝動想去深水土步游泳池游水.....

好想去游水呀....................... 游水.......


*********************

晚上同琪琪,阿易,阿聰去旺角稻香打邊爐,本身唔知佢地約打邊爐,叫咗樺爾一齊去,我地遲到,去到都仲要呆等半個鐘先有得入座,到入座已經八點九,同個侍應姐姐講咗幾分鐘,問佢當九點入座都唔得,九點鐘過後每碟平$10加埋一,即係$11...你話,差咁遠,我地唯有再等15分鐘啦,好彩個侍應姐姐都好有口齒.九點過少少終於有得食啦.


見係琪琪約,所以都冇理過食乜.仲以為佢有囍事宣佈添.不過聽佢講,希望下年會聽到佢的好消息啦.


夜晚唔飲得提神的飲品,所今晚就飲咗一支生力啤,佢地話我好High,我其實只不過係開懷咗少少咋嘛...


講真,呢排星期一至五都好悶...開懷d,唔好咩?

沒有KHC的日子--第二天

今朝唔記得咗帶眼鏡返工...(唔係戴...因為我只係對電腦先會戴架咋)成朝都唔舒服.


下午Lunch都係嗱嗱聲走返屋企攞眼鏡,用咗成個lunch time,點知一出地鐵落好大兩,搞到有遮都冇用.


其實我咁大頭蝦,有冇KHC都係咁架啦...不過...好似好多嘢都係原先係佢做,但係佢一唔係度,兩三個人先夠follow.所以都暗暗佩服佢.


冇法啦,鬼叫我成日咁鬼慢手腳咩,好似好多嘢逼到埋身咁添.好想抖一抖,但係咁又一個星期...點算呀?

沒有KHC的日子--第一天

今日打後的一個多月,KHC都會Out of Office.本來成個Project都有佢照住,我可以唔駛理d阿哥阿姐.依家又要做document,又要開始理佢地添...


今日冇咗KHC,其他同事都不斷提起佢,講起.Net,又講個Framework,又講佢做開的Project,又講下新的Project點做Interop....


我睇到坐我隔離的小弟弟今日好忙.阿哥阿姐都要直接搵佢.聽日就要交工課,但係個so call 的Framework又@#$@%,又要fix爆Bit問題,搞到佢由叫媽媽到開口講潮州話,再夜就要PG家長指引.足足搞到八點幾都好似未得.聽佢講食飯之後仲要返去再做.


我都唔見得好佢幾多.見到份份document都好似要寫好耐.都唔知點頂.唉,仲無啦啦要理Word convert to XML的問題...可恨我唔夠Technical....

回歸與我

回歸對於我嚟講,只不過多咗一日補假,慶祝節目都係留返遊客睇下啦,遊行咁逼人,都係咪搞我.


前晚入咗去元朗同三家姐一家人玩,打NDSL打下打下搞到留過夜.第二日又繼續打,加埋三家姐的朋友,又打Wii,又打NDSL,四部至六部機連線一齊打爽解,炸彈人.真係打機都打到傻.


同小鬼瑩瑩打機真係好開心,估唔到佢五歲都未夠,可以打機打得咁勁(叻過我好多!可以同大人一齊玩都唔死!).佢成日叫我地同佢玩炸彈人,佢會叫我地唔好自殺,唔好殺佢,不過就算我地唔小心殺咗佢幾多次都會原諒我地喎.佢又會出鬼主意,話:"樺爾丈丈,你入去個洞度呀."之後,佢就行去個洞口放個炸彈,炸死咗樺爾啦.真係畀佢笑死.


本身係打機低能的我,經過佢地特訓之後,我好似冇咁遲鈍啦,唔知之後會唔會又打回原型啦.