無話可說

"我唔駛要好複雜,想要OK靚靚哋"..........點叫靚靚哋?


"我想要大大哋,唔駛好多字,要 eye catching".........你想要雞公定雞乸?


"照呢個Website個樣咁上下做多個,用吓唔同色" .....咁咪就係抄,但係要乜嘢色呀?要知道,呢個世界真係好美麗架,彩色繽紛架.


唔知點解一講到做Web Interface Design的時候,d人以為個要求係好簡單,就應該有個好簡單的辦法就做到. 但係背後要做的嘢又冇人睇到.冇人理解點做之餘,就以為係好易的一回事.


你叫佢做咩,又未必做得出,見到原來係好麻煩的時候又會問:"乜唔可以簡單d咩?"


要求簡單,只係因為唔想麻煩,因為佢以為個要求愈簡單,就愈易辦到.


簡單的要求,其實係只係一個基本的要求,你要做到呢樣基本嘢,就先要做什麼什麼的,而呢樣什麼什麼的,有時並唔係用想象就可以理解得到.甚至一些連Concept都冇的人,會以為你係Expert,所以要應付d好"簡單"的要求的時候,就可以兩三吓手勢就搞掂.


要逹到基本要求有一個原則性問題:你唔咁樣做,可以點做?


放工都仲要想著這些........


本來以為可以幫到你,但係原來你又唔想做,咁點解要同我講?點解要問我?