今晚好攰,好想瞓

今晚OT O到八點幾,去旺角銀龍食飯,好似係每個星期四或五,我哋都要去食一次.


今日食咗個L1,L5餐,係一個炒飯,一個炆米,@$42都幾貴架,但係真係幾好味.最好的一樣嘢,就係茶餐廳都有非吸煙區,不過如果d員工都唔食煙,咁就真係Very Good 喇.


返到屋企飲咗四家姐同阿Dee都鍾意飲的Jolly Sandy,唔知係唔係早排成日同佢哋講笑話"啤啤佢",之後真係成日買嚟飲,間唔中飲吓都幾開心架.樺爾好似慢慢愛上咗飲佢添.


不過其實我唔係真係咁鍾意飲啤酒架.只係如果同人一齊飲,傾吓計,好Feel d,開懷d,真係幾開心架.


不過飲完之後有d想瞓,都係唔講啦.我瞓先啦,唔知會唔會又發怪夢呢?