終於都可以去旅行啦

好嘢呀,終於都可以去旅行啦.


大家姐噚日無啦啦搵我,問我去唔去北京喎.其實我就Down Down 哋,又知道係復活節期間去一定係好貴啦.唔知去唔去好.


但係咁的組合又似乎係好吸引喎,有大家姐同姐夫,四家姐,呀dee,樺爾都話得閒去喎.真係史無前例.


因為都係睇嘢同食嘢的旅行團,自由行的機位的時間又唔係咁好,又爆滿啦.去邊度就唔可以咁計較,應該都係行吓長城,去吓故宮,頤和園,天壇,食吓烤鴨咁上吓,希望唔會太厭啦.


自問唔係咁喜歡去旅行的我,希望唔係去掃佢哋興啦.


不過有相影就得架啦,唔知夠唔夠時間去睇相機呢....唔知好唔好買水尾的Canon 350D呢...定買30D好呢.不如都係買Nikon D200啦....唔...冇時間去諗啦.


其實...唔知過節的時候,有1/3家庭上咗北京玩,唔知媽媽會唔會唔開心呢...爸爸媽媽會唔會好寂寞呢...爸爸的手會唔會好返呢...


人老咗,就算想去,都未必有體力去玩.


其實...我真係想佢哋都一齊去.