爸爸同瑩瑩

夢之三


相比起之前發的果個夢,今朝真係發咗個好可愛的夢.


我夢到我同爸爸去晨運,仲教爸爸點樣舒展手手腳腳添.爸爸好開心咁笑.(真係一個好夢呀,爸爸自從心臟病之後,就冇再去晨運啦.唔知係唔係爸爸的身體真係可以好返d呢?)


"鏡頭一轉",我又見到瑩瑩喎,瑩瑩同我講話個公仔好乖,佢識得自己食飯飯架....(哈,乜識得自己食飯飯就等於好乖啦? 公仔?唔....一定係呢排成日諗住要買隻大型Jacob貓畀佢,但係就搵極都搵唔到喎,所以成日都諗住佢同公仔啦!)


之後見到街的小朋友都去玩一種好大型的紙鳶,係一條好大的魚形紙鳶,好似係鯉魚咁既啦,(唔知係唔係又好似日本咁既呢...)


三家姐就話要同瑩瑩玩啦喎,點知佢就買咗個好大~好大~的大腳板紙鳶,就嚮屋企玩.


間屋有個落地玻璃窗露台,窗外仲有其他小朋友玩緊.


三家姐就楂住個大腳板,向住瑩瑩扮踩落去,喱~就係好似天蠶腳咁架呢~,不過瑩瑩就唔驚,仲係咁笑.


之後我就醒咗啦.


其實,之前試過一次過見到好多好多朋友,同家人,真係果一排見過的朋友同家人都出現哂嚮個夢.夢醒的時候反而好驚.個感覺就好似臨終咁....


不過有樣嘢就真係估都估唔到,自從結婚之後,發的夢多得嚟,醒番的時候我又會記得好清楚,仲係好多色彩,比起以前只係有聲或者只係得黑白顏色既夢,真係好唔同.真係好奇架.