Family Day

今日本來唔想返屋企,但係四家姐屋企的Router又有問題,要去"搶修".


媽媽又提議去新開的"紫荊"度飲茶,好在三家姐楂車嚟我屋企接我哋去唧.如果唔係行都行好耐呢.


上車就見到瑩瑩,佢真好鍾意樺爾,係咁同樺爾講嘢.....(搞到我都有d呷醋添) 6_#


三家姐啱啱播緊"我的驕傲",佢問我Joey的歌好唔好聽呀,我就話好聽,不過我就唔係咁鍾意呢首歌...哈哈,靚妹就即係靚妹,唔知點回應我喎.


我醒起三家姐話瑩瑩識得唱"十個他不如你一個",我就叫瑩瑩唱畀我聽啦,點知佢就話:"我唱得唔靚(好聽)!"


呢個靚妹,唔唱就唔唱啦,唔肯唱竟然可以咁諸多推搪!


哈...唔通我真係呷醋?!.....當然唔會啦.佢真係好得意.每次見到佢,都有新驚喜.


不過同佢一齊的時間就唔係好多.


食完返到屋企,掛住整Router,原來個火牛燒咗.唔知係好彩定唔好彩,原來係個完裝火牛同另一個調包了!調返就得啦.


今日哥哥同大家姐都有過嚟媽媽度,仲可以見多三個小朋友多d...



其實相比瑩瑩同雯雯,佢哋幾個係比較少見面.所以應該可以玩得好癲,但唔知點解,好似成日都冇乜同佢哋玩咁.


係我唔識同佢哋玩定係我係一個好悶的人呢???