我又發夢

話咁快又一個星期啦.其實我有好多嘢想講,不過之前有好多其他嘢想講,咁就冇講啦.


唔知係唔係個環境改變咗,發夢都會唔同d.而且有時都幾嚇人.


夢之一 : 死後


我夢到自己臨死一刻,係望住個手提電話的network signal,由四格變無.寂靜一片.但係我就仲有知覺.仲唔知點解,講話我仲有個機會返番以前的一個時間再繼續做人,返回的時間就冇得揀,係2000年的新年.夢裡的我仲好似諗,咁樣都好丫可以重新嚟過...返回一個我仲可以"改過自身"的年代....


[6_6 (過後諗) : 唔係喎,返去911之前年半,可以叫人賣咗股票先,再等機會大撈一筆...喂喂,乜唔係應該寫信提醒人希望慘劇唔會發生咩?]


講返個夢先,我返到去屋企,四家姐同媽媽都唔知我死過,佢哋仲佈置緊新年的裝飾.我又想同佢哋講,又好似唔可以用口講,一講出嚟,就唔可以再留嚮呢個世代.(咦?係唔係暗示緊要試吓我忍唔忍得,守唔守得秘密?唔理啦...)


但係我真係似乎冇守到個秘密,所以我就離開咗呢個地方啦...(打打吓,又唔記得之後點...)


印象中,夢裏面我好似係"loop死"(即係重重覆覆死咗又返番去)某個時空兩次...


其實發呢個夢係有前因架,話說有一日樺爾叫我玩"Call of Duty II"(一個PC版的槍戰 game,我見幾得意,就跟佢玩,但係又唔知點操作,以為係用Mouse控制個View同行路,點知原來行路係要用Keyboard架,我一開始玩,有個commander的角色叫我去個倉攞槍,我連行路都係望住個地下行,跌跌撞撞咁去個目標,所以個Commander就好唔耐煩畀提示,個Commander又講:"This is your last chance!" 咁我就行啦,又行唔到喎,之後過多20秒咁上下,個Commander就話:"Shoot him!"咁我就死咗啦.

(樺爾話:呢個真係好難試得出,應該係秘技喎!.....點都估唔到有人唔識玩到咁的地步!)


咁個Game會再開始過,當我終於知道d掣點用的時候,就第一時間試槍,打中個Commander,唔打過佢都難消我心頭之憤!佢死過番生之後,我要佢再死多一次,事不過三,所以佢只係死咗兩次啫.


我估,果晚之所以發個咁的夢,都係拜當晚玩完呢個Game所賜,如果唔係,我點可以無限復活,有不死身?!


(夢之二 .......唔知幾時先會寫)